شنو سويتي بشعرج بالمستشفى بعد الولاده

هاي بنات اول مانولد اغلبنا يتسبح تقريبا اول يوم او ثاني يوم الصبح هل سويتي شعرج استشوار او يت لج وحده سوته لج او خليتيه ويفي او سويتيه كبه او عنقوص

ثاني شي للي يعانون من الهلالات السوده تحت العين حطيتو كونسيلر او فونديشن خفيف واي انا احاتي لاني من كثر السواد
إللي تحت عيني بون مكياج جنه وحده مدمنه وامي تتطنز علي تقول لي لا غلطانه بعد اشرايج تحطين حمره وبودره كل الناس يدرون انج تعبانه من الولاده بعد ما سمعنا وحده تتمكيج بعد الولاده بساعات …. بس انا مو قصدي اتمكيج انا ابي اخفي العيوب او بالاحري بس السواد إللي تحت العين قولو لي شسوي وما ابي يبين اني حاطه شي يعني طبيعي

اختي ام حمني … خلج طبيعيه احسن … يعني لمي شعرج عنقوص بدون سشوار .. ولاتحطين مكياج .. حتي لو ويهج تعبان وفيج هالات سوده خل الناس تدري انج تعبانه بعد توج والده …. وان شاءلله الله يسهل ولادتج

آنا عادي انشفه بالسيشوار بإيدي من غير لا وحده ولا شي وبعدين لميه عشان ما ايدشج هواا ومالا دلعي مكياج صح يدرون توج والده وتعبانه ويختج تدرين الناس وفزت اعيونهم لاتكشخيين وايد وخلج طبيعيه بس يكون لبسج راقي وشكلج ناعم كافي

امبيه ام حمني اممج جنها امي لووووووووووووووووووول حق التدقر والزف زاهبين خو شكلنا يخرع يه
على الاقل اخفاء بسيط اهو مهو رايح كلش بس تخفيف

انا بعد ساعات من الولاده ..ماحط شي بوجهي سوى اني امشط شعري واخليه مرفوع
لكن ثاني يوم ..عادي احط كريم اولاي تغطيته حلوه للوجه وامي تصارخ علي الناس وش بيقولون هاذي مو حاسه بشي ههههههه
الله يسهل ولادتج ..

حبيبتي شعرك لميه ولا حطيلة مشبك وبخصوص التمكيج ياختي ستري على عمرك وكل الناس إللي راح تزورك عارفة انك طالعة من ولادة مو عرس يعني الزم ماعليك عمرك لانه اعرف وحده الله يشفيها كانت حاطة ميك آب خفيف وكنسيلر على أساس إنها تبي تخفي السواد ويكون شكلها طبيعي وادخلت عليها وحده الله يسامحها وقالت لها بالوجه شنو انت عروس ولا والدة مو امبين عليك ومن الحرمه اطلعت البنت ماشافت العافيه كاهي نفاسها بالمستشفى إللي فيها شيء عجيب فاختي اخذي العبرة والله يقومك انت والياهل بالسلامة ولا لك شغل بأحد ألزم ماعليك نفسك وصحتك

احن أزيد من امك الله يخليها ترى كلام الكبار زين وكله صج اسمعي الكلام

عادي مشطي شعرج ولفيه فوق كبه وحطي شباصات الورد الحلوه واستشورى بس القذله

وحطي كريم طبيعي الي ما يبين انج حاطه وبودرة اساس خفيفه وكحل داخل العين وغلوس شفاف

وخليج مرتبه ولبسج مرتب

واستقبلي الناس بابتسامه

ما ادري انا عندي احسن لبسي ملفع لفيه لفة دلع اذا مو عارفه شنو تسوين بشعرج
وحطي كونسيلر خفيف وبودره
صج الناس ماتعطي خير بس برستيجج مهم
تدرين لي موعد ولادتج اكلي سبع تمرات علي الريج

مادري احس اول يوم ما ايون الا القراب عليكم حيل من الاهل فما اعتقد يحتاج انجج تستحين منهم وتبين تخفين العيوب اللي تحت عينج .. اما ثاني يوم عادي حطيلج كونسيلر وماسكارا وبس

والله انا ما اهتم بهذي الامور

لأن الوحده بعد الولادة من التعب مالها خلق تسوي شي

خلييج طبيعية وترا الناس ما تعطي خير

البسي ملفع وخليج عاديه احسن ماتجيج عين اعوذ بالله يحسدون على اقل شئ الحين

خليج على طبيعتج ولاحقه على التعدل

ارقي نفسج رقيه شرعيه كامله وحطي كريم اولاي وشوية جلوس وكحله خفيفه ولبسي ملفع مرتب من هالملافع الحلوه أحسن من انج تظلين بشعر… عن الهوا لا يأذيج براسج

مراحب .. عااد كانك دارية عني اني توني والدة امس بالمستشفى ماصلحت شيء حتى شعري مخليته مفكوك << ناعم وقصير
واليوم بيجون اهل زوجي واقول بتعدل وامي رااااافضة تقول ع الاقل عدي الاربعين

والله صراحه أهم شي الشعر.. استشوري شعرج إذا كان خشن وربطيه
أما إذا شعرج ناعم مشطيه وربطيه..
ولبسي ترجيه لولو صغيره
وحطي كونسيلير خفيف تحت عينج
وكان الله غفورا رحيما
بس ما يصير بعد على بو ولاده تبهدلين نفسج جدام حمولتج
خلج مرتبه وناعمه
ولاتلبسين ملفع ماله داعي انتي توج صغيره وعلى ما أعتقد أول ولاده
خلي الملفع حق اللي عمرها 40