شنو سالفة المسج 00وعلى أي أساس إعتمدوا هذا الكلام

السلام عليكم
قاعده توصلني مسجات
7
7
7
7
7
(شراب الينسون أو الروب مع الثوم أو الحليب بالكركم أو العسل مع الحبة السوداء )
يعتبر مضاد حيوي ويعطيك مناعة من وباء إنفلوزا انشر ولك الأجر000000

على أي أساس إعتمدوا هذا الكلام
هذا المسج منتشر بالكويت

اول مره اسمع بهالمسج
وللحين ماوصلني شئ

اي والله حتا انا وصلني المسج .. بس اتوقع صحيح لأنه الينسون يعتبر مضاد ..

اي بس ترى بنات اليانسون الي صاير مثل النجمه مو اليانسون العادي

فعلا مفيد

اي حتى انا و صلني بعد … بس صج لازم نطبقه

ماوصلني شي ومابي يوصلني شي من ناس مااعرفهم ولا شنو جهة الاختصاص اللي فهم فيها

انا ماوصلني بس ترا هذا صج

اي صح انا بعد وصلني ومثل ماقالو البنات الينسون مضاد .. لازم انطبقه

والله ما سمعت بس مكن نستفيد مشكورين

وحتى لو ماكان معتمد على أسس علمية ماكو شي من هالمواد اللي ذكرتيها فيه منه ضرر يعني كلها مواد ونبتات طبيعية معروف عنها خواصها المضادة للإلتهابات وخواصها المعقمة والمطهرة للجسم وإذا تبين أسس علمية
أبسط شي الكركم دخلي google وكتبي benefits of curcumin وإقري اللي راح يطلع لج صدقيني بتندهشين من فوايده
حبيبتي
هالعلماء اللي مختبين إحنا فيهم تووووهم يكتشفون خواص الكركم كمضاد للإلتهابات الداخلية للجسم وعلاجه حق وااايد شغلات
واحنا الحمد لله نعرف هالشي من زمان وأهالينا دايما يعتمدون على هالشغلات البسيطة اللي الكل مستهين فيها بعلاجنا
معروف الحليب بالكركم حق التهابات اللوز من سنين والعسل بالحبة السودة حق المناعة
وعموما قاعدين إحنا نستخدم هالشغلات بأكلنا بشكل يومي فليش نخاف منها الحين ؟؟؟
وتقبلي مرووري

معاها

انا و صلني هالمسج و مو شرط ان تعتبر مواد مضاده لانفلونزا الخنازير
بس هالمواد بطبيعتها زينه للجسم و للامراض و بتقوي المناعه و بجذي بتكون مضاده لامراض وايد ومنهم الانفلونزا و الله يكافينا شرها

انا وصلني في بريدي مال المسن .. بس ترى الادويه الطبيعييه احسن من الادويه الصناعيه

أكد أطباء صينيون الثلاثاء أن إحتساء كوب من الينسون الدافيء وليس المغلى
عقب الاستيقاظ صباحاُ
يعد أفضل وقاية من الاصابة البشرية من مرض انفلونزا الخنازير
الذي تفشى في بقاع شتى من العالم
وذكرت مجلة (ميديكال ريسيرشيز) الصينية
المعنية بالشؤون الطبية
أن إحتساء الينسون الدافيء يفوق في فاعليته تناول عقار
(تامفيلو) الذي طورته شركة "روش" السويسرية
ويستخدم حاليا على نطاق عالمي واسع
للوقاية من انفلونزا الخنازير
ذلك أن أحد المكونات الاساسية
المستخدمة في إنتاج ذلك العقار هو (حمض الشيمكيك) الذي يستخرج من قرن ثمرة الينسون
ويترك عدة اسابيع ليتخمر

واصلنا على ايميلات مو مسجات

اممممممم انجرب ماورانا شي واليانسون مفيد يعني ماراح اضرنا بشي