شنو رايج ؟؟؟ وشنو تولدين فيه الشفا ولا المواساه ؟والسهاله من ورب لعالمين

السلااام عليكم ورحمته الله وبركاته

ادري كثرت المقارنات بين المستشفيات والسهالات من رب العالمين ….
انا الصراحه جربت الشفا كمامهم حلو ورعايتهم بالبيبي حلوه .. بس المشكله ان بغرفه الولاده محد يدش وياج الا لازم يدفع 60 على شنو ندفع لازم يدشون بدون فلس … وثاني شي الازعاااج انا توني والده الساعه 3 الفجر تقريبا وازعاج الناس وصوت الجهااال ويصفقون البيبان بغيت اموت ابتلشت بعوار الخيااط والازعاج ما قدرت ارتاح جنه مستشفى حكومه من كثر الناس ….

بغيت اسال عن كمام المواساه حلو وغرفهم مريحه واهم شي البيبي يهتمون فيه وامانه للي مجربه تقولي الله يوفقها ويهون على كل حامل ويرزق كل محرومه ياااااارب

شدعوواااا بنات لو كلمه ارفعي الموضوع ..

والله ماعندي فكره عن الشفا بس وايد ولدو بالمواسات يمدحونها قلت ارد كسرتي خاطري لول
ان شاءالله البنات يفيدونج

انا مثلج انطر الرد

مشكوووره فديتج

يالله ان شاء الله احد يعطينا جواااب وافي الله يهون علينا

انا ارشحلج المواساة

انا توني والده بالشفا صح كلامج عيبهم ان ازعاج الياهال ولووويه

بس المستشفى عجبني من رعايتهم واهتمامهم ونظافتهم

اذا على سالفة الازعاج صج مشكله

بس انا والده برويال حياة هدوووووووووووووووء

ما ادري عن الكمام

بس احس المواساة اهدى واحسن مافي لويه و زحمه الشفا

والسهلات من رب العالمين

الاثنين تقريبا نفس الشي وهالحجي من تجربة اهلي بس المواساة اغلى ولا يمدحون الاثنين

انا نفسج محتاره بين المواساه والشفا ؟؟
اسال للي مجربين الاثنين قالولي المواساه افضل من الشفا
انا ابي دكتوره وما ادري عن دكتورات المواساه شلوونهم ؟؟

انا صارلي تقريبا اسبوعين والدة بدار الشفا عنايتهم حلوة ونظافة لا يعلى عليها بالعكس مكان هدوء لان غرفتي بالدور ٨ اخر دور ماكان في ازعاج ابد

انا صارلي تقريبا اسبوعين والدة بدار الشفا عنايتهم حلوة ونظافة لا يعلى عليها بالعكس مكان هدوء لان غرفتي بالدور اخر دور ماكان في ازعاج ابد

روحي المواساة وانتي مغمضه اصلا انا مرتين ولدت فيه ولا احاول افكر اولد بغيره والحين اذا ولدت بسلامه بروح المواساااة من غير كلام اهتمام بالام والبيبي مابعدة اهتمام والله مابالغ السسترات بالولادة بس يمسحون عليج ويبتسمون ويهونون عليج وبالهم طويل وعناية حيل واهتمام بعد بالياهل على طول يطلبون ملابس حق الياهل ويحنون علي حنه عشان ارضع الياهل طبيعي يحرصون على هالشي ونظافه الغرفه على طول يدشون ينظفون واول ما اطقين الجرس ايونج على طول ويهتمون باكلج ايبولج منيو. تختارين اكلج والابتسامه ماتفارقهم ويدشون معاج الحمام ويساعدونج والمستشفى هدووووووووووء وراقي وخبرة ورفيجتي من. اسبوعين والدة عندهم وتمدحهم حيلللل روحي وتوكلي على الله شيلي من بالج دار الشقا والموت لعبو باختي لعب وتوفت بنتها. بالولادة الله يعوضها ولعبوا بحماتي والحين بنتها الله يشافيها فيها اعاقه وكلها اخطاء دكاترتهم بالولادة غلطتهم الله فوقهم ادري قرقت عليج بس ماشفت ردود اتبرد الجبد من البناات وانا ورفيجاتي كل ولادتنا بالمواساة