|
|
هاي بنوتات شخباركم؟
عندي جم سؤال وابيكم اتساعدوني فديتكم
من جم يوم وحدة دقت على امي وقالت لها انه اختها وولدها ودهم يزورونا عشان يشوفون اختي اوكي
ويدتي توها متوفيه صارلها تقريبا 3 اسابيع اهيا ام امي
امي قالتلها انا للحين متضايقة عشان امي والصراحة ما ودي شي يصير هالفترة
قالتلها المرة احنا مانبي انشوف البنت بدوامها نبي اندش من الباب وعادي اهيا قعدت تعارف
اوكي
السؤال:
شنو الفرق بين التعارف والخطبة؟ يعني اخليها تستانس وله لاء عادي 
وشنو تلبس؟ بحكم انه تعارف وعندنا حالة وفاة بنفس الوقت؟
والحلوة عليها الدورة بعد قالت لو اتموتون ما البس لا دراعة وله نفنوف راح البس بنطرون
انا بصراحه الي اشوفه ان الام بتي تتعرف علي البنت وتشوفها وجذي ووقت الخطبه اهله كلهم واهلج كلهم يكونون موجودين
واذا على البس مو شرط بنطلون وبعدين يمكن انشالله يصير نصيب لازم تطلع بطله حلوه مو شرط ميك اب وجذي
المهم تلبس شي ناعم مو بنطلون بما ان عندكم حاله وفاه خليها تلبس بس مو شرط الوان فاتحه غوامج او اسود اذا اهي تبي
ولا تحط ميك اب وايد بس اساس خفيف وبلشر وكان الله غفور رحيم
انشالله اكون فدت بشي
والله يتمم على خير ..
الخطبه شي رسمي
التعارف مو رسمي يايين ياخذون فكره عنكم و انتو تاخذون فكره عنهم
الخطبه ان سالوكم الناس تقولون يايين يخطبون بنتنا
التعارف ان سالوكم الناس تقولون يايين يزورونا و يتعرفون علينا
جذي يعني
وبالنسبه للبس تلبس اي شي يريحها بس ما تكون الوانه اوفر يعني احمر برتقالي هالسوالف
ومن رايي تلبس شي عادي لان مامر على وفاة يدتكم فترة طويله ولان بعد فترة تعارف مو خطبه رسميه
يعني التعارف بينكم بس مو الكل يدري
التعارف تعتبر زيارة
بس انا مستغربااا يعني ماصار علا وفات يدتج 3 اسابيع شلووون بتستقبلون هالناس وجنا ولا شي صاير ؟؟
شي جدا غريب
يايين يشوفون البنت وقالوا تعارف عشان امج تستقبلهم لا اكثر ولا اقل
خليها تتسنع وتكون حلوه وشكلها يعجب وهالله هالله بالعقل والتكانه
الله يوفقها يارب
وماقصرتوا ياقلبي
واللي تسئل اشلون تستقبلونهم امي اصلا ما تبي وقالتلهم هالشي قالتلهم امي توها متوفية
قالوها مو مشكلة اني عقب اسبوع او اسبوعين بس تعارف عشان يكون مر على وفاة يدتي الله يرحمها شهر
واحنا اصلا مستانسين ومتضايقين بنفس الوقت
وامي قالت لنا راح نلبس غوامج واصلا بدون ما اتقول احنا راح نلبس جذي
بس هم مايصير نقطع نصيب البنت ويدتي الله يرحمها لو كانت عايشه بتقول نفس الحجي