|
|
السلام عليكم
بنات في شي مخليني افكر واااااايد
المهم الوالده الله يحفظها ويحميها يارب
تعاني من حكة بفروه الراس لما تحط حنه وصبغ ولما تحك تطلع لها انتفاخات بالرقبه او العنق مثل ما يقولون وتعورها رقبتها وايد المهم وتروح وترد من كيفها هالانتفاخات
سوت تحاليل شامله طلع فيها ضغط وسكر وخمول بالغده الدرقيه وفقر دم حاد
عاد عطوها ادويه
الحين اطلعت لها مره ثانيه الانتفاخات بالرقبه بس من غير ما تحط صبغ او حنه وتعورها رقبتها حيل وكله تعبانه ومصدعه وتبي بس تنام صار لها اكثر من 3 اسابيع
عاد راحت المستوصف حق قسم الجلديه عطاها مرهم بس ما فاد
بعدين قال لها الدكتور يمكن غدد لمفاويه راجعي الباطنيه بس ما راحت
سوت تحاليل شامله قالو مافيج الا دهون زايده
وتحليل الغده الدرقيه للحين ما اطلعت نتيجتها من عقب العلاج
ومن فتره حاشتها انفلونزا حاده
عاد قال الطبيب حايشها صديد حاد بالبلاعيم
فهل هذا له علاقه بالانتفاخات اللي بالرقبه او بالغده او صج هذي الغده اللمفاويه
وطبعا حاله الانتفاخ بعد الحنه والصبغ بالرقبه عند اكثر من وحده في العايله
بس الحين الوالده اخر مره من غير حنه وصبغ انتفخت وصار لها اكثر من 3 اسابيع مو راضيه تروح
بس طبعا الانتفاخ اكثر من مكان مو بارز يعني تقريبا حبه نخي الصغيره كلش وما تبين الا باللمس
فتعتقدون من شنو وشنو العلاج؟
ياااااربـ …
تسلميني يا قلبي
شوفي انا طلعت فيني هالتفخه صوب الرقبه تحت الفك بالضبط وتعور ورحت عند الدكتور وقالي هذي الغدد اللمفاويه اهي ليش تنتفخ يعني معناته انها قاعده تقاوم شي بالجسم كان ملتهب فقالي انتي بلاعيمج تعورج وشافها وقالي اذنج قلتله لا ماتعورني بس قلتله دكتور بس ترى اسناني تعورني فقالي هذي من اسنانج عشان جذيه التهبت عليج الغدد فلازم تعالجينها وعطاني الدكتور مضاد حيوي والحمدلله راحت بس قاعده ترجع بين فتره والثانيه لاني ما سويت السن اللي يعورني
لووووووووول ما ادري متى اسويه
تسلمون على الدعوات
بس الانتفاخات مو مكانها
لأ على الجوانب يعني تحت الاذن