|
|
السلام عليكم ورحمه الله وبركاته
شخباركم بنات ؟؟
الله يسلمكم عرسي بعد اسبوعين ربي يتمم على خير دعواتكم :"
وابي اعرف شنو تحطون بجنطه السفر لانه بقعد يوم بالكويت وبعدها بسافر , شنو اخذ معاي شنو اللي ماله لزمه ؟؟؟
اخاف اكون ناسيه شي خاصه اني عروس واحس لازم اخذ كل شي وكشختي كلها بتصير بالسفر لانه بعد اهناك 3 اسابيع والمشكله الديره الي بروح لها ما تساعد كلش بروح عند الحر والرطووووبه ؟؟
يعني باخذ قمصان طويله للحين اللي اذكرهم 5 مع بنطرونات يمكن 4 باخذ+ 2 تريننغ + مادري جم قميص نوم < متوهقه مادري شكثر اخذ ؟
واندر ويرات هم مادري جم واحد :s و ماخذه اظن 5 بجامات …
وللتنظيف خذيت : مزيل للمكياج + شاور جيل من بودي شوب وبدي لوشن واحد من بودي شوب والثاني من فرساجي مع العطر وصابون مال الشايع حق الايد ومعطر للفم و معجون اسنان مع فرشاه وغسول اسمه intimate بالبابونج سامعيين فيه ؟؟؟ زين ولا مو حلوو ؟؟
علبه للميكب خذيت بس علبه وحده شادو + مسكرتين + كحل + كومباكت + قلوز وحمرتين ووووه وتوني تذكرت الكونسيلر وقلم الحواجب :S !!
اكسسوارات : اساور وسلاسل وتراجي
تكرمون الجواتي : خذيت رياضه واحد و 2 صنادل و 2 سليبر و 1 فلات
اممممم تقريبا هذا اللي اتذكره احس شغلي وااايد بس شسوي مو قادره استغني عن شي واخاف اخذ وبعدين يطلع ماعندي وقت البس نصهم فـ شرايكم ؟
في شي بعد ناسيته 
ومنها تستفيد كل عروسه تحاتي نفسي 
ديودرنت
فوط صحيه تري الدعله الدوره تتسلط
بنطرون جنز 3 تشرت كت
مادري انت متحجبه ولا لأ
الله يتمملج علي خير وان تذكرت شئ بكتبه لج
وتروحين وترجعين بالسلامه
شوفي اخذي لج اول شئ 3 صنادل الالوان الاساسيه ابيض واسود وفضي او ذهبي حسب بدلج
اخذي 3 فلات و 2 جواتى رياضيه
واخذي الجناط وحده ماركه وثنتين عمليه هم حاولى الالوان الاساسيه وتمي مع كل شئ مثل البيج والبنى والاسود او الرمادى والابيض
البدل اخذي 3 بنطلونات طوال مع 3 قمصان فوقهم
و3 تنانير طوال مع بلايزهم
2 نفانيف قصار مع لقينز
واخذي 4 قمصان نوم طوال و2 قصار و 2 بجامات حرير و 2 قطن طوال و 2 قصار ونفنانيف النوم اللى قصار قطن هم كيوت
واخذي 2برموده وبديات وياهم و2 تنانير قصار وبدياتهم و2 سكينى هذولا تلبسينهم بالشقه اذا مراح تطلعين
ومزيل عرق وعلك وحلاوه للفم وفوط صحيه ومزيل مكياج مناديل من جونسنون وشور جل واخذي غسول كير فير والمناديل مالته والفوط مالته مالت الاستعمال اليومى
واخذ فحم و ولاعه ومبخر صغير ومشط وشباصات و اكسسورات وخواتم وهذولا ريحى نفسج وحطيهم بلعبه
والاطقم الداخليه اخذي 8 حق قمصان النوم والبجامات
واخذي 8 قطن حق الطلعات وتحت البدل لانه الاطقم راح تستهلكينهم وماعندج وقت اتغسلين
وملافع اخذي 4 ساده الالوان الاساسيه
و4 مشجره
و2 ماركه
واخذي لج عطرين مع مجموتهم
واحد حق بدلج
واحد مع قمصان النوم
هذا اللى ذكرته صراحه
واخذي عبايه احتياط ذربه مع ملفعها
في غسول للمنطقة الحساسه اسمه abc بالصيدليه انا متزوجه وقالت لي عنه دكتورتي مرتين تستخدمينه يوميا
ثوب الصلاة والسيادة شباصات ما يبتي طاريهم اخذيلج كلبات وباندات اللي تنربط
اوتي صغير هذا انا ما استغنى عنه واخذيلج احتياط عباية لو بتقعدون باللوبي بالليل شي جذي مالج خلق تبدلين
شحن حق موبايلج
واذا ذكرت شي بقوله لج بس انا ذكرت اللي ما ذكروه البنات واهم شي الكاميرا حق التصوير والذكرى : )
واي بعد عمري بنات صج اكتشفت اني ناسيه وايد اشياء ضروووريه وكنت حزتها اكتب عالطاير مو متذكره كل شي :s
مشكله لي صار المخ فيه مليوووون كلمه هههههههه ربي يعين والله صج خوش مرجع هالموضوع بكتب الحين اللي ذكرتوهم واروح الجمعيه اكمل اغراضي
فديتكم والله ماقصرتو ربي يرزقكم كل ما تتمنوووونه ويوفقكم دوم :**
casa
الله يسلمج حبيبتي : )
تذكرت بعد : هم بخاخات معطره حق الفراش + وابره وخيط للحالات الطارئه + اسيتون وصبغ اظافر + فوطتين او برنص