شنو احسن كريم حق البطن؟

السلام عليكم بنات..

سمعت ان الحامل لازم تستخدم كريم حق بطنها وصدرها, عندكم فكره شنو اهوه احسن واحد واذا اقدر احصله بالصيدليه ولالا ..

شوفي حبيبتي عندج كريم بالمرز مال الصدر ممتاز وما يبقع وتمتصه البشره بسرعه وخلي الصدر والحلمه طريين وحتى حق الرضاعه تقدرين تستخدمينه, فايدة كريم الصدر انه لا يطري الحلمه عشان وقت الرضاعه لا تتشقق اوتصير يابسه وما تقدرين بالحاله ترضعين.
ثاني شي للبطن عندج شييين: اول شي البيبي اويل بس في اويل موجود في بوتس ممتاز حق البطن يطريه وما يطلعلج سترج مارك, تحطينه عقب ما تتسبحين واسمه بيو اويل واهو اصلا للحوامل وزيت علاجي بعد. عندج بعد كريم ماركة كلانس هم ممتاز ومتخصص للسترج مارك.
بس ها الكريمات لازم يوميا تحطين منهم ليما عقب الولاده وعقب النفاس عشان تحافظين على جسمج.

روحي الصيدليه في كريم اسمه avlon في منه حق البطن والصدر واااااايد زيين

انا جربت Vichy وايد زين بس المشكله ريحته مو حلوه
الحين قاعده اجرب كريم من هذا المحل الي يبيع شغلات طبيعيه الي بالافنيوز مقابل بروي يم محل النظارات
كريم بزبده اللوز يمدحه الريال قلت نجربه

انا سالت عن بيو كريم الصيدلانية اللي في صيدلية بوتس قالتي ان في دراسة عنه ان مو زين للحوامل لان فيه زيوت طيارة
انا استخدم فيشي

وبيبي اويل ما استغنى عنه عقب السباحة
يطري البطن

اهلين
انا استخدم كريم
من مذركير
عندهم للبطن والصدر
ممتاز وسعره رخيص
ودايما مخلص
عندي 3 اطفال الله يخليهم
كلهم في حمالهم احط منه
وعقب ما اتسبح
ارش علي جسمي كله بيبي اويل ما الاطفال من جونسون
وااايد ممتاز

هذي تجربتي

ان شاء الله تفيدج

انا ادهن بطني بكريم بيوتي ماما فضييييييييييييع بس غالي اشوي

وحق صدري استخدم كريم مذركييير

انا استخدم كريم من مذركير
عندهم للبطن والصدر

انا جربت بيوتي ماما غالي ويخلص بسرعه مالحقت معاه خليته يولي

انا مع الاخت ناني سيكرتس جربي هالكريمات وايد زينين خاصه ملوت كرانس اكو عندهم زيت و كريم ماشاء الله استخدمتهم من و انا بالشهر الاول الحمدلله ما طلع لي شي بعد الولاده

كلانس وين أحصله (بالصيدلية)