شنو أحسن دكتور يعالج الاجهاض المتكرر في لندن ؟

مرحبا بنات

بعد كم لجنة سويتها بالكويت عشان العلاج بالخارج طلعت النتيجة ان علاجي متوفر بالكويت

يعني ماكفاهم التجارب السبعة اللي افشلت وكلهم اجهضتهم للحين مصرين ان علاجي متوفر بالكويت ويبون يجربون علي حلول ثانية ؟!

رفضت اسلمهم نفسي مرة ثانية والحمدلله مستمرة بعلاج الرقية الشرعية

وبما ان اخوي في لندن وعنده شقة قررت انا وزوجي نسافر على حسابنا لندن نسكن عنده واعالج نفسي

ابي منكم تعطوني اسم احسن دكتور يعالج الاجهاضات المتكررة وبأي مستشفى عشان أراسلة بتقاريري قبل لااسافر له .

واللي تعطيني بدعيلها من كل قلبي والله يوفقها بحياتها

حبيبتي عندج بل كويت الدكتور محمد صلاح الدين الاشنيهي ممتاز جربي قبل لاتروحين برا ترا متخصص بل اجهاض

7abeebty ana sema3t men wa7da metkha9e9ah eb sewalef el talqee7 ennah a7san dektoor
DR 7usam abdullah
a7san 7atta men dr el 6araneeesy
gabel kanaw kellah emed7oon el 6araneeesy
al7een etgool 7usam hatha a7san mennah
7abbait afeedech o ma baghait mennech ella el do3a`a ennah allah yarzegny tawa`am moshafa mo3afa kamleeen el khoq wal akhalq o yeqer 3ainy eb shooofat`hom ameeeen

افضل دكتور هو الدكتور محمد الطرانيسى والعلاج غالي حيييييل فى لندن يعنى بس فتح الملف ودخلتج على الدكتور غير ا

لكشف 100 دينا هذا اقل شئ

مشكوره حبيبتي

انا تعبت من دكاترة الكويت
كل مستشفى وعيادة لي فيها ملف وفحوصات وماكو فايدة

الله يجزااااااج خير ياقلبي
عسى الله يرزقج بالتوأم الصاحين المتعافين بالخلقه والاخلاق ويقر عينج بشوفتهم ان شاءلله

الله يجزاج خير
انا سمعت عن الدكتور الطرانيسي بس قالولي الحين مو في لندن ؟ مادري صج او لا
ادري العلاج غالي حيل بس شسوي حيل الله اقوى

مشكوره حبيبتي

اناعرف اسم دكتوره ممكن تستشيرنها وين تروحين..

حيل انسانه محترمه..

البندرى شفتى الغده ترى الغده سبب رئيسى بالاسقاطات..

ربى يرزقج ويرزقنا عاجلا غير اجل بالولد المعافى يارب العالمين.

شوفي دكتور ماجد الشمري بالكويت ترى كانوا ناس بيعالجون برى وامدحوه لهم وماشاء الله ولدهم يشمي معاهم الحين

الله يرزقج والله حاسه فيج حرقة قلب انا جهضت مرتين وطار عقلي شلون لو انتي جهضتي اكثر مني الله يصبر قلبج ويرزقج بالعيال الكاملين المعافين ويفرحج يارب فرحها واسعدها وارزقها بالذريه الصالحه التي تبر بها وبابيها

حبيبتي تقدرين ترسلين اسمها على الخاص ؟

اي فحصت الغده كل شي طبيعي الحمدلله

الله يجزاج خير على هالدعوه

انا اعالج عنده وفحوصاتي كلها سليمه

بس يقول لي اذا حملتي تعالي
واحمل واروح له يقول النبض طبيعي والحمل طبيعي والحمدلله ماتحتاجين شي
ثاني يوم يجيني نزيف واجهض ويستغرب هو

الله يجزاج خير ويرزقج بالعيال الصالحين يارب

لا أختى موجود الدكتور محمد الطرانيسى واذا بغيتى رقم العياده عندي والعنوان بالكامل بعد عندي

مرحبا بنات…..ممكن تفيدوني عن علاج الاجهاض المتكرر في لندن؟؟؟؟