|
|
السلام عليكم
موضوع شاغلني من فتره .gif "Eh S(10)")
وانتوا عارفين الحموله واسلوبهم .. اكيد يشوفون منو صاعد او شنو حتى لو طلبت شي الكل يدري
طلعتي ودخلتي الكل يدري عنها احس مافي خصوصيه .. شلون قدرتوا تحافظون ع خصوصيتكم ؟؟
اكييد كل وحده لها خصوصياتها بس شلون نقدر نحافظ عليها ؟!
نبي ستفيــد
تسلم الاناامل بيووووووووووور
خارجي ولا شيء !
على طول نزلتي للصالة < يعني مصيووودة بكل الحالات ..
على العموم أنتي تقدرين تصنعين عالمج الخاص وبخصوصية تامة ؛ مثل ما قالت قورجيس
أي شيء تبينه أو تطلبينه من النت خليه لين موعد روحتج لأهلج أو خلي فلوسج هناك وبلغي أحد ..
وإذا فيه مكان خاص وما تبين أحد منهم يتطفل ويعرف قولي [ مشوار ] ورادين ؛
وخليه مثل كلمتج > مشوآآآآر !
لا رديتي من سوق ولا شي ؛ على طول بـ قشج للشقة مباشرة ؛ تالي أنزلي لو بغيتي ؛
وعلى سالفة الأصوات هذي المشكلة الكبرى ؛ أنا بروحي لا أنفعلت لازم حسي يلعلع ..
بس حاولي تسيطرين على نفسج وهو كذلك < الله لا يجيب الزعل بس فرضا :::
وآممم بس هذا إلي في بالي ..
نستفيد من البقيّة .
صراحه مع انهم من اهلي بس هم حطيت حدود بعلاقتي معاهم يعني مثلا اذا بدخل اغراض لشقتي و مابي احد يشوفها
ادخلهم و اهمه طالعين او بالليل وكت اللي يكونون نايمين او اخشهم باجياس مايبينون
و حتى نزلتي لهم مو على طول اغلب المرات لما يكون زوجي موجود معاي
واذا نزلت بروحي ساعتين ثلاث و يوم الزوارة الوحيد اللي اطول شوي
و صاجه الشي اللي ممكن يضايق الطلعه و الدخله وااي الكل يدري بس اذا اسألو وين رايحه عادي اقولهم
و اذا مابي يدرون اقول عندي شغل شوي وبس و اذا في مجال بالنسبه لج خل يكون مدخلج بروحج
و حتى بالامور الشخصية يعني مو كل شي اقولهم مثل الحمل يعني هالشي بيني و بين زوجي
و اذا اي احد سأل اقول هالشي بامر الله و اللي الله كاتبه بصير
و الحموات و حريم الحموان علاقتي معاهم رسميه احترمهم و اضحك و اسولف بس مالي شغل فيهم و لا لهم شغل فيني
و نصيحه خالتج عامليها مثل ماتحبين احد يعامل امج و اذا شفتي منها شي حاولي تطوفين و انتي بترتاحين
و الله يوفقج و يسهل عليج و ان شاء الله البنات يفيدونج بعد
و نصيحه خالتج عامليها مثل ماتحبين احد يعامل امج و اذا شفتي منها شي حاولي تطوفين و انتي بترتاحين
ولازم امر على الصاله ولازم الكل يشوفني بالدخله والطلعه بس ماهمني
آخذ معاي جنطه حق ملابس اذا بغيت اروح السوق اشتري ، وماقولهم اني بروح السوق ،
اقول بزور اهلي ، واروح السوق اخم الاكو والماكو واحطهم بالجنطه
وتالي ادش البيت ولا كأنه شي صار
وبالنسبه للصوت والكلام بيني وبين زوجي صح متضايقه شوي لأن ماقدر آخذ راحتي
ماقدر أطول على صوت التي في
ولا أقدر اغني
ولا آقدر اتمشى بالكعب بالشقه عشان لايزعج اللي تحتي
وساعات الغساله تضايق اللي تحت شقتنا بعد
صج في تحكم وكنترول راح يصير بس الله المُستعان
اب
اب
يسلمووو الموضوع توحفه نبي نصايح اكثر بنات ….
|
المشاركة الأصلية كتبت بواسطة الغاااااالية
 والله يا بنات اخذو الامر ببساطة وعيشي حياتج بدون ما تتحسسين من احد مالج شغل باي احد منهم الا زوجج وامه وابوه حطيهم بعيونج وراح ترتاحين طول عمرج وبالنسبه لمشترباتج واغراضج ما ضنتي بشوقونها غصبن عليج خلي لج شخصيه قويه يحترمونج من خلالها مو متسلطه او متكبرة وبالنسبة لداخل شقتج حرصي انه لالالالالالالالالالالالالالالالاينسمع صوتج ابدا ابدا سوا كانت سوالفج مع رجلج او خلافج معاه حلو مشاكلكم يصوت هادي وتدربي على هالشي وخليه عاده بحياتج
|
انا مع كلاام الغاليه
كلامها صح
بتتعبين وانتي تخشين اغراضج اهم شكو شريتي شي اصعدي فوق وجيسج بايديج والا سالفه اروح لاهلي واحط اغراضي بجنطه وحالتي حاله عباااله ماكو شغل والله
وآب للموضوع
انا ساكنه فبيت حمولتي صج البيت فاضي بس لما حمواني يزورون عمي اتضايق ارد بيدي شغله او طالعه مشوار ماحب احد يدرس تحركاتي ..
وغلطتي اني ماشرطت يكون لي مدخل بروحي ..
ساعات بطلب شغله من المنتدى لو طلبيه من النت الكل يدري بالبيت اني شاريه وطالبه لان ماعندي مدخل بروحي كلشي يدرون عنه ..
حتى داخل الشقه ما اخذ راحتي ساعات البس حق زوجي اشوف ناس صاعده علي مره وحده ..
استحي ماقدر اقول شي ويدشون مره وحده حتى مايمدي اروح ابدل او اقط فوقي شي ساتر
بس لو لي مدخل بروحي جان ماصار هذا وخذيت راحتي
هاذا غير ساعات تردين من بره تعبانه بس تبين الفراش وتشوفينهم متيمعين مجبوره تقعدين معاهم عالاقل نص ساعه وااي عذاب