|
|
مرحبا الساع
بكل اختصار انا وغيري غيابي تعدى ال 15 يوم بكثير بسبب ضروف كثيره هل اقدر اخذ امتياز شنو اقدر اسوي بحيث ان رئيسة قمسي تشوف هالشغل وتقول هذي صج اشتغلت وتعطيني امتياز
انا معلمة علوم ساعدوني واتمنى يشاركونا هالنقاش رئيسات الاقسام.. 
وماقالت ان في استثناءات والله العالم
… اعتقد ما يصير لنه مو بس الناظره ورئيسة القسم الي يحطون التقرير الموجهه معاهم يعني لو وحده منهمبتقدر ظروفج الثانيه ما اظن
والله يعينج ويفرج همج
واذا قدروا شغلج وواظبتي عالدوام بدون ماتكررين غيابج ممكن يحطون لج امتياز منخفض
بس انتي خلج ملتزمه بالدوام وسوي ورش ودروس وندوات وانشطه مميزه للمدرسه
وصدقيني بيقدرونج ويعطونج امتياز …
لكن في مديرات ممكن يغضون النظر عن 15 يوم اذا زاد شوي عنه ومو الكل اقولج البعض
لكن بشكل عام المدرسه حتى لو ممتازه بس كثيره غياب ماتاخذ امتياز
تونا ببدايه السنه حاولي تقللين غيابج واذا اظطريتي استاذني احسن من الغياب
وموفقه
وبالاخير كل شي يرجع للناظره
قللي الغياب كثر ما تقدرين لانه بنده واضح وممكن ياثر على بنود غيره وينزلهم
وموفقه
أكيد بتاخذين امتياز حتى لو غياباتج و ااااااااااااااايد
بس رفيجتي بالمدرسه غابت بسبة مرضها اكثر من شهر وعطوها امتياز!!!!!
يعني لازم تضبطين الموجهه والمديره اول شي
وحبيبتي والله اذا طلعت مديرتج تنظر للحضور كمقياس لتقييم المعلمة بغض النظر عن انجازاتها ساعتها اخلصي في عملج يكون امتيازج عند ربج ،،،
الشي الثاني .. الناظره اجتمعت فينا وقالت بما معناه لو كرفتي كرف اليهد وصرتي نشييييييطه حيل ومعروف انج نشيطه وفعلا تستاهلين الامتياز وفتحنا ملفج وقت التقييم ولقينا غياباتج وااايد .. ما تاخذين امتياز حتى لو انا احطلج الموجه ما يرضى يحط لج ..هذا كلامها ..
بس هم لا تيئسين حاولي والله كريم .. ثالثا الشي الوحيد اللي تضمنين فيه الامتياز وانتي مغمضه بمجرد ما تسوينه هو الدرس النموذجي .. اذا سويتيه يعطونج امتياز غصبا عليهم ( لكن اذا كانت عندج خصميات وغيابات ) ما ادري اذا يعطونج عليه امتياز او لا ..
وتسلمين
غيرج شهور واخذ الامتياز
كل شي بيد الناظره والمشرفه وطبعا الناظره اهم شي
بس انتي خليج متعاونه مع القسم واذا سويت شغل حطيه باسمج ولما ادش عليج الناظره بدعي بالحصه
وتاكدي انه كل شي بيد النااااااظره بعد الله
وبالتوفيق