شسوي هذا اللي طلع بإيدي

خواتي انا بجريه واول حمال لي وامي متوفيه وخواتي صغار انا مراح انفس عند اهلي لان مراح استفيد شي
فقلت انفس بيتي بشقتي بس ماعندي احد لاعمات ولاخالات الا رحمه الله ابيكم تساعدوني لاني ماني عارفه شسوي من بعد الولاده شتنصحوني فيه لاني مااعرف ادبرعمري مع البيبي ولاشي افكر بالمهاد والرضاعه واشلون اسبحه واشلون اعرف اشيله وشنو اكل وشنو اسوي مدري انا فعلا ضايعه
قاعده ابجي وانا اكتب لكم
لان بعد امي مدري كل شي فقدته خواتي دبروني الله يخليكم انا الحين بدش الثامن والله يعلم بحالتي
شنو اسوي من تدابير مادري ضايعه

حاسه فيج انا اول حمال لي من بعد ماتوفت الوالده
وبنفس بشقتي بس انا فرقي عنج
انا خواتي اكبر من وانا اصغرهم
جيبي لج خدامه من الحين ع الاقل تعلمينها شغل البيت ولمن تولدين تكون فاهمه
ولمن تولدين تقدرين تجيبين لج من الخدم الطباخات اللي ينفسون بنت عمي كانت جايبتها
او تطلبين من الحريم اللي عندهم اكل نفاس اهم شي اول اسبوعين للثلاثه عقب انتي سوي اكلج
والجاهل ماراح يتعبج لانه طووول الوقت بيكون نايم

يارب اكون افدتج ولو بشي بسيط وعسى الله يهون عليج ويرحم الوالده ويغفرلها ويرحم امواتنا واموات المسلمين

اهم شي دفي عمرج واكلي لا تجوعين

انا مع كلااام سراج الليل % 100 .. ولاا تنسين اهم شي الادويه و الاعشااب جهزيهم من اللحين ..

الله يرحمها يارب ..

ويهون عليج ان شاءالله ..

انا امي متوفيه وانا البجر بين خواتي .. بس تنفست ابيت يدي " عند خالاتي "

ويبتلي سستر من الساعه 9 بليل لي 9 الصبح لاني كنت والدة قيصريه .. الحمدلله كل شي تساهيل اول يوم كنت بروحي بس ابجي وتازمت باول اسبوع من نفاسي كله ابجي وماابي احد ولا احد يمسك ولدي ..

بس الحمدلله عدت الامور على خير .. وكنت اكل اكلي العادي واكثر سلطه واشرب اشياء دافية ..

وخواتي يساعدوني برضعة الياهل لان مستانسين اول ياهل بالبيت الكل كان وده يساعدني بأي شي ..

وابوي على طول يمرني وريلي وحمولتي .. لاتحاتين كل شي بيتسهل .. بس اذا خايفه ييبيلج سستر تعاونج

..

سويلج جدول بالاشياء الي تحتاجينها وضبطي امورج .. والله يسهل يارب

وين ام زوجج و خواته و لا ماكو احد

لازم لازم تيبين لج خدامه و اذا حالتكم الماديه زينه هم يبيلج سستر عالاقل وحده فاهمه تساعدج خصوصا بالليل
و الاكل انتي سويه بس حطي معاه الادويه و سويلج كله اشياء دافيه و لا تحاتين انا وحده من البنات اللي ماكليت ادويه الا جم يوم و عادي ماصار شي

و على سباحة البيبي يبيلج حوض و اسفنجه و حطي الياهل و صبي عليه ماي و اهو ثابت مايتحرك فلا تحاتين

اول شي اهتمي بآكلج
فرزني من الحين قبوط وعلمي خدامتج شلون تسويه مجرد مرقه تركب عليها اللحم وتقطه فيه

ويمدحون لهوم ام خالد معانا بالمنتدي

واذا عالبيبي اخذيلج ممرضه اول شهر تساعدج عالبيبي وتساعدج بقومتج وقعدتج

السالفه بس تنظيم اكل سويلج جدول بريوقج مثلا بيضتين الصبح مع قلاص حليب بالزنجبيل

والغدا قبوط او مشاوي دياي كباب سمج اللي تشتهينه

والعشا سندويجات وسلطات

والله يرحم اميمتج واموات المسلمين يارب ويسهل عليج وتقومين انتي والبيبي بالسلامه

الله يرحم امج ويصبرج
نصيحه اخذي ادوية نفاس من ام خالد الهاجري ماجربتهم بس الكل يمدح فيها
تلاقين اكاونتها بانستغرام
وهاتي خدامه لمده شهر اللي يطبخون للنفاس عجيبات تضبطلج الاكل او تعاقدي مع مره
وانصحج والله وهذي جربتها صج هاتي ممرضه بالليل او تقعد عندج من الصبح لي الليل
رووعه تهتم بالبيبي تقعدج ترضعينه تعرف شنو تسوي معاه ومنها انتي تتعلمين منها
واهم شي كثري اعشاب تفيدج وتنزل الدم واخذيهم من ام خالد الهاجري اعشابها ينجمدحونها
وضبطي لبسح يكون دافي من بجايم ولقنز قطن ودراريع بيت يكون لها سحاب اذا ناويه ترضعين
انفسي عند خواتج عشان ترتاحين ماكو مثل بيت الاهل حتى لو صغار بس يفيدونج حزه الاستقبال يجابلون الحريم
وحزه تبين تسبحين او تبدلين او تريخين يشوفون البيبي
الله يسهل امورج

اشتركي مع حريم لطبخ النفاس ريوق غدا عشا

الله يعينج ويرحم والدينج

انا نفسج توفت امي قبل عرسي بست شهور الحمدلله عدت على خير تنفست عند ام زوجي في بكري وبالثانيه تنفست في بيتي
الله يعينج لازم حد معاج رفيجتج جارتج الدنيا فيها خير

رتبي امورج قبل لاتولدين كلمي الحريم اللي يسوون الاكل واتفقي معاهم

ربي يعوضج باللي يهتم فيج
الام ما لها عوض

الحمدلله على كل حال

انصحج ببرنامج النفاس لام خالد الهاجري
عند تجربه كامل برنامجها ووافي

الله يرحم امج
و يسهل عليج ولادتج

و يسخر لج ام زوجج و خواته و انشالله ما يخلونج

الله يسهل