|
|
سلام عليكم
شلونكم شخباركم ان شاالله مرتاحيين عزوبيات و متزوجاات ؟؟
بما انه الفلنتاين على قولتكم قررب حبيت اشاركم بمووقف صاار معـاي بفلنتاين الي طاف
انا مو متزوجه توني عنونه 
طبعا بعايلتنا مانعترف بشي اسمه فلنتاين
قررناا بيووم الفلنتاين نطلع طلعه سعيده نروح نتعشى بره معه امي و ابوي و اخوانـي
رحنا مطعم روبي تيوزدي الي على البحر اكيد الكل يعرفه
دشينا المطعم و كاان زحمه حيييل و ماشالله اللون الاحمر بكل مكااان بالغصب لقينا طااوله و قعدنـا فيهاا
المهم واحنا قاعدين ناكل لفت نظرنا وحده يمنـا معه زوجهاا قاعده تتدلع عليه جدام الناس قلنا اوكي كيفها حلالها ماسوت شي
بس بعديين قامت تتماادى و قامت تقرب يمه و طاحتله بوس و تلملم جدام الاوادم طبعا لا تشوفون ويهي من الاحراج جداام امي و ابووي و يصير هلموقف والله فشله
اختي وانا جذي صار ويهنـاا >> 
واسالتني تقولي هذيل شقاعدين يسوون ؟؟ انا طبعا لا تعليق
و امي و ابوي حاولو يبينون لنا انهم مو شايفين بس اهم يدرون بالي قاعد يصير بس ما يبون ينبهونه عليهم
وانا اخزها ابيها تتادب ابيها تحس انه في اوادم بس لا حياة لمن تنادي
جنها نست روحها انه فييه اواادم و يهاال جداامهـاا ماا حطت لنا اعتباار شسالفه درينا انج تحبيين ريلج
دام انتي مشفوحه جذي عندج بييتج قطيعه مو جدام الاوادم
ريلها احسه شوي متفشل و قاعد ياكل ولا هامه بس اهي طايحتله تبوس استغفر الله
قلنا فلنتاين بس مو معناته مشاعر الحب بس تطلع بهليوم و جدام الناس
بتحتفلين احتفلي بالبيت معه ريلج و سوي الي تسوينه بس مو جدام النااس والله عيب شنو مافي حيا
صار الريال يستحي اكثر من المره
عقب هلموقف حرمت اطلع بفلنتاين
و احنا مسلمين ماعندنا الا عيدين الاضحى و الفطر صج تحسينه عيد موو فلنتاين و كرسمس و مادري شنو
في مره صادفتكم مواقف جذي ولا بس انا ؟؟
.gif "Eh S(4)")
انا كنت قبل جم سنه بالبحرين بعدي ما تزوجت عاد ولد عمتي مرنا انا و اخوي و امي بيودينا السوق
عاد و احنا بالشارع و لا انا التفت و لا امريكيه سايحه ع الريال الي يمها اتوقع بحريني و تبوس فيه و اهو قاعد يسوق و يطالع الاوادم الي قاعد يخزونه و كان بالفلنتاين
وعليا يمكن عبالها اهي بامريكا عادي عندها
لا حيا و لا مستحى
وفي ناس تتعمد السخافه تلفت النظر
الصراحه انا ما احب مثل هالسوالف تصير جدام الناس قلة أدب صراحه ولا حيا ولا مستحى .. واذا تبي تعبر عن حبها يروحون يندعسون لهم بمكان محد يشوفهم ولا يروحون مطعم كبائن
بعدين انا مادري اشلون ياخذون راجتهم جدام الناس ولا الدعوه بس استعراض !!
ثانكيو على مروركم
لو صج زوجته مايرضاها هالحركات جدام خلق الله
|
المشاركة الأصلية كتبت بواسطة رواسي الشوق
 مو زوجته
لو صج زوجته مايرضاها هالحركات جدام خلق الله |
اي والله صاجه مادري شلون رضى يصير هلشي جداام الاوادم جليل الحيا 
ماادري انا توني افتح ولا زايده هالايام؟
انتوا ماعندكم قانون لخدش الحياء بالاماكن العامة ؟
يعني ماعندكم شكوى ضد هالاشكال توديهم بداهيه ؟
هذي لوعندنا وشفناها علطوووول شرطة المجتمع ينتشلونهم
وفيها غرامة وسجن
لكن للاسف في ناس ما يشتكون وجهلاء بالقانون حتى عندنا جهلاء عن القانون
فلو عندكم قانون ضدهم والله ما يبي لهم الا التاديب
وهذي لو سواها اجنبي عندنا و حد اشتكى عليه علطووول فيها ابعاد عن الدولة
ولو المواطن سواها حبس وغرامه بعد
شنو قبلات بالاماكن العامه تحسبونها شي هين ؟؟؟
هذي خدش حياء ولا تنسون تجرح النظر اطفال كبار بنات
لا حول ولا قوة الا بالله
الحين البعض يعتبر الصاحبة ركن اساسي بالاسرة
زوجته تلقينها ملطوعة بالبيت
ويمكن اثنينهم عزابيه
الله اعلم
بس قالوها
ان لم تستح افعل ما تشاء
وفي بعد مثل مصري
يقولج
ناس تخاف ماتختشيش < يعني هذولي يخافون من القانون بس مستحى مافيهم
فكان المفروض ابوج وامج يتصرفون
بس شنقول
صار الي على حق يستحي ههههههههههه من الي قاعد يسوي الشي الغلط
حمدالله والشكر
انا مراا قاعدا علا الخليج بالسياراا انا وزوجي لقت واحد ووحدا يبوسون بعظ علا شفايفهم احنا سيارتنا وراهم يبين اذا قربو من بعظ بالجاما وطايحيلا تبوووس
انا تنحت واخترعت بنفس الوقت معن البنيا لابسا عباياااا والريال غترا وعقال