|
|
حبايبى شرايكم بمستشفى لندن الفنطاس بولد عند الدكنور باترك انشاء اللة قيصرية وقالولى لازم ابرة الظهر وايد أحسن وأنا خايفة ولا شرايكم؟شلون المستشفى؟
بس اهم شوي ماديين لأن ماعندهم مرضى ذاك الزود فاللي تييهم ياكلونها كثر ما يقدرون عشان يربحون
لكن كغرف ومعاملة يمدحونهم
والدكتور هذا يمدحونه بس انا شخصيا ما اعرف عنه
ما حبيت اخليج جذي بدون جواب
سوي بحث ترى انطرحت مواضيع كثيرة عن مستشفى لندن بالمنتدى
فعلا مادي بالدرجة الاولى و عسى ما احد يروح له و يقول آآي قال له لازم تنام بالمستشفى
الشي الثاني كل مرضاه يولدهم قيصريه سواء ممكن تولد طبيعي او لا ما يعطل عمره
السسترات ممتازين
الغرف عاديه
الاكل الله يديم النعمه
الدكتور يسوي لج اشياء انتي مو محتاجتها مو من حرصه و لكن طريقة لنهب الفلوس 
واذا فى أحد مجرب ابرة الظهر والقيصرية عندهم خليها تقيدنا
ماا حبيت ادش موضووعج وماااا ارد
واذا تبين تستفسرين اكثر معانا العضوه ملح مكتت واالده عندهم وحااطه موضووووع خاااص عن ولاادتهااااا
هذا موضووعهاا ماشاءالله مااقصرت البنت
ومامدحته نهائيا……
هم الدكاترة يعرفون حق المستشفيات وبالذات لما الدكتورة تكون ((رفيجة أمج))….يعني ما لها مصلحة…..
المهم انها مامدحت المستشفى…تقول انه مو زين….وسمعته بين المستشفيات مو تمام….ومؤرف….
وفوق هذا……يسوي اشياء غير قانونية……
ماتخافين تولدين هناك عقب كل هالحجي؟؟؟؟
عندج مليون مستشفى غيره…..
كانت هذي وجهة نظر
ياريت تتقبلين مروري عزيزتي….واذا كان في بنات مرتاحين عليه….هالشي هذا راجعلهم……ولهم وجهة نظرهم
سلام
حبيبتي حبيت ارد عليج بخصوص مستشفى لندن انا ولدت ولدي فيه واراجع فيه ما شفت بالمستشفى شي غريب ودكتور باتريك ساعد دكتوري في ولادتي تدخل عشان ما اولد قيصري ……… وولدت طبيعي الحمد الله يعني لو ماااااااادي الدكتور كان ولدني قيصريه ………. وبصراحه عنايتهم تهبل هم الدكاتره والممرضات