%%%% شباصات البنات والحل ؟؟%%%

السلام علييييييكم

بنات انا باختصااااااااااااار بعرف من وين تشتروون شباصات حق بنااتكم ؟؟

انا ما ظل مكان ما شريت لها منه شباصااات و يمكن كل شهر اكود لها و لي ييت ارتبهم القى المكسووورة و الا اللي ضايعه طبجتها الثااانية و اللي عوويه و اللي مادري وين اختفت و اللي البنات الصغار ماخذينها من شعر بنتي , والا شالعه الورده والا والا والا عيييييييييييييييزت وانا اشتري وعمري ماوقفت على سعر الشباصه دام عاجبتي بس لي متى

الحين ابي حل !؟!؟ شسوووووووي اختي تقول روحي اشتريلها وكوديلها من اماكن رخييصه عالاقل حتى لو يضيعون والا يتحذفوون ماعليهم حساافه ؟؟

من وين بنات تشتروووون اانا هذي اول بنووته لي وماعندي خبره ؟؟ ابي اسوااق رخيصه وشباصاتهم حلوه

ومشكووووورين

والله انا اخذلها من كليرز
ماعرف مكان ثاني

up

up

لعيونج

مع انه ما عندي بنات بس بو 100 ما يقصر وعلى قولتج لو ضيعتها مو حسافه كودي لها منهم

شوفي الطلعات اشتري لها غالي عادي
بس رايحه بيت امج زواره عاديه او بيت اهل ريلج
اشتري لها ارخاص

الله يحفظها لج يارب
روحى سرداب الشايع الدرزن بدينار ويكون من الموديل حبتين يعنى لو تضيع حبه الا عندج اسبير غير الورود والفراشات والا ستراس والشرايط والباندات الساده والملونه روحى ترسي لها ب 10 دنانير والله كليرز اخذ منه بس مو كل شئ لان القطع على 2 و4 وهناك الدرزن طبجتين بدينار
وفى محل حتى ورود الجوخ عنده

ههههههههههه اتوقع كلنا نعاني من هالمشكلة
احسن شي كوديلها من بو 100 حق الطلعات العادية والشباصات الغالية خشيهم حق الرزة

وناسة الدرزن بدينار وين صاير سرداب الشايع !!

اخذي من كليرز

اذا صار عندهم خصم

احلى شباصات عنده

من بو 100

وريحي بالج

حق مني ومني الله يعافيه بو 100 فلس
الله يديم الرخص
انا ما اهتم احطها وادري انها ماراح ترجع
وحق الحضانه بعد قمت احط لها بو 100 الا اذا عندها حفله او شي البسها الغالي
وحق الزوارات الشباصات والباندات السنعه لانها تكون جدام عيوني

مشكووووووووووورين فديتكم كلكم

بروووح سرداااب الشايع شوقتوووني بصراااحه وعلى قولة الاخت ايمان12 كودي بعشره لووول

وخوووش فكره بخش الشباصات الكشخه ببوكس ثاني عالاقل ما اتحسف عليهم !!

؛
؛

كليرز

؛
؛

مثل ما قالو البنات سرداب الشايع ولو من زمان مو رايحه حقه
وبو اميه فلس مايقصر تصدقين مرة شريت منها شباصات لقيت نفسهم اخت الشباصه بس زياده بسيطه بكوشك بالمهلب

بس مو كل بو اميه عنده شغلات حلووة ولازم تدورين

انا اشتري و يضيعون لن بنتي ما تلبسهم لو شنو اسوي ما تلبس شنو الحل ؟