|
|
بنات ابسالكم شنو افضل معهد خاص ابو 9 شهور ؟؟؟؟؟
وشنو احسن تخصص؟؟؟؟
واقدر اتوضف بشهادتهم انا شهادتي المتوسطه قبل عشر سنوات او احدعش
واللي تعرف احد توظف بشهادة المعاهد الخاصه تقولنا عن التجربه
ويعطيكم العافيه
بس شهادتهم ثانويه
وفي اعرف وحده شهادتها متوسط اخذت دوره على دوره على دوره في المعاهد الخاصه
بس مو عارفه شلون بالضبط دقي على اي معهد سالي يصير تاخذين دورات 
عندج مكانين بس اللي تاخذين فيهم
نيوهورايزن وانفوسنتر لان هم اللي تنجحين بامتحان التطبيقي وقت ماتعادلين شهادتج بعد ماتتخرجين
باقي المعاهد بدون استثناء ماتنجحين الا بواسطة قوية قوية لان تكون دراستهم اي شي وماكو صرامة وتدقيق بالحضور والغياب
انا الحين ماخذه ادارة اعمال بنيوهورايزن وبخلص بعد جم شهر والدورة بالعربي سهله وحلوة
بالبداية ماكانت عاجبتني لان طولنا على ماخلصنا icdl بس الحين لان دخلنا بمواد البيزنس وايد مرتاحة وعاجبتني
ونظامهم بالحضور والغياب صارم هو اللي يخلي التطبيقي ينجحون طلبتهم بسرعه هم وانفو سنتر
بس انا ماجربت الا نيوهورايزن
قيمة الدورة 1500 كاش و 1600 او 1700 اقساط
تدفعين 200 او 300 مقدم وكل شهر القسط 200 هذا اذا تدفعين عندهم اما اذا تبين قسطج 50 بالشهر تسوين المعامله عن طريق شركة تمويلية هم يعلمونج الطريقة وقسطج ماراح يتعدى 50
انا ادفع اقساط 200 بالشهر وباقيلي 3 شهور واكمل المبلغ
مدرسينهم حيل حيل حيل شطار وحبوبين روعه
بس حطي في بالج متى ماسجلتي وبدت الدراسة انسي تنسحبين او يرجع لج فلس
وهالشي بعد هو اللي يخلي التطبيقي يثق بشهاداتهم ماكو كيري ميري
انتي متى ماسجلتي خلاص اسمج راح التطبيقي ان فلانه مسجله بهالدورة وبتاخذ شهادة بعد 9 شهور
وخذيتي مكان بالدورة محد يقدر يسجل عقب بداية الدراسة يعني مايصير تطلعين وتخلين مكان فاضي محد يقدر يسجل فيه
ولازم الدراسة 9 شهور متواصله عشان تاخذين الشهادة
هم لانهم مطبقن كل هالشروط شهادتهم قوية ومعتمدة
اللي معاي وايد موظفين بشركات وبنوك فمعناته الدورة قوية
وفي بنات اشتغلوا ببنوك وبالبورصة عقب هالدورة
وبنات وايد وايد اشوفهم يشتغلون بالمعهد نفسه لان المعهد يحب يوظف الطلبة المجتهدين
فيعني هالدورة لها مميزات وايد
ونصيحة لاتاخذين بغير هالمعهدين شوفي وحدة كاتبة موضوع انها ماخذه دورة بمعهد عادي و كل ماتمتحن بالتطبيقي يسقطونها
والحين باقيلها اخر فرصة لازم تحط واسطة عشان تنجح
والحين هي متحسفه لانها استخسرت تدفع حق نيوهورايزن شهادتها طاحت بجبدها مسكينه
وعلى فكرة تقدرين تتوظفين حتى بالحكومة عقب ماتمتحنين بالتطبيقي انا اعرف وحدة بالتجارة تقول عندهم بنات شكثر متخرجين من هالدورات
وطبعا كل فترة والثانية يفتحون دورات يديدة يعني انتي دقي اخذي موعد مع المرشد وخل يكلمونج عن الدورة واستفسري عن كل شي عشان تتسجلين باول دورة بتفتح قريب بهالفترة عشان تاخذين حجز من الحين لان ترى بسرعه تنترس ويكتمل العدد
عندهم دورة mcse
اللي هي مهندس انظمة مايكروسوفت المعتمد
هالدورة قوية حدها واذا خلصتيها تقدرين تشتغلين بكل مكان لانها مطلوبة حيل بس ترى 3 ساعات باليوم لمدة 9 شهور وهي كلها كمبيوتر وبرمجة
لكن شهادتها قوية انا وحدة تصيرلي متخرجة منها وحيل تمدحها وتوظفت بالحكومة على هالدورة
وهم بالقطاع الخاص ياخذونج بسرعه اذا هذي شهادتج
وقيمتها اتوقع 3000 يمكن اقل ويمكن اكثر بس قيمتها فيها
بس بعد عندي جم سؤال
شعلاقه icdl يادارة الاعمال
وهم شكو التطبيقي ليش يمتحنونا وشلون يعادلونها لي
اذا انا شهادتي متوسطه
وشنو في تخصصات
غير ادره اعمال
ومتى تبتدي الدوره
واخر شي انا زيرووووو بالانجليزي
امشي بهالمعاهد ولا صعبه علي
وتسلمين يا قلبي
الف الف شكر
|
المشاركة الأصلية كتبت بواسطة خلوها
 اوكي حبيبني يعطيج الف عافيه
بس بعد عندي جم سؤال شعلاقه icdl يادارة الاعمال وهم شكو التطبيقي ليش يمتحنونا وشلون يعادلونها لي اذا انا شهادتي متوسطه وشنو في تخصصات ومتى تبتدي الدوره واخر شي انا زيرووووو بالانجليزي امشي بهالمعاهد ولا صعبه علي وتسلمين يا قلبي الف الف شكر |
الله يعافيج حبيبتي
بالنسبة لل icdl هي من ضمن مواد الدورة
يعني هي الدورة ادارة اعمال فيها مواد بيزنس بس لازم تكونين عارفه تستخدمين الكمبيوتر فيعطونج ال icdl ببداية الدورة وبعدين تدخلين بالمواد التجارية
التطبيقي يامحفوظة السلامة
اذا بتشتغلين بالحكومة لازم عقب ماتخلصين الدورة تمتحنين عندهم امتحان بسيط عن المواد اللي خذيتيها على اساس يتأكدون انج طالعه من الدورة فاهمة وجذي يعتمدون شهادتج انج تشتغلين بالحكومة وتاخذين الدرجة اللي تناسب دورتج
اما بدون هالامتحان اذا اشتغلتي بالحكومة تكون شهادتج متوسط فقط عرفتي؟ ولاتحاتين الامتحان اذا بتاخذين الدورة عند نيوهورايزن لانه معروف فبسرعه تنجحين بس المعاهد الثانية يسقطون لان دوامهم خرطي وعلى كيفهم وتدريسهم مو زود
بس نيوهورايزن ماشاء الله مدرسينهم تقولين دكاترة جامعه من كثر ما هم متمكنين يعني منقينهم نقوة
اما اذا بتشتغلين بالقطاع الخاص مايحتاي تمتحنين امتحان التطبيقي لان مايبونه عادي تتوظفين بالدبلوم
الامتحان بس اذا بتشتغلين بالحكومة
التخصصات الموجودة حاليا ادارة اعمال و mcse اللي هي برمجة ما انصحج فيها دامج مو شي بالانجليزي خلج على ادارة الاعمال لانها بالعربي وسهله حيل
بالنسبة للدورة متى تبدي هم كل ماتموا كل شهرين تقريبا يفتحون دورة يديدة فانتي دقي عليهم اخذي موعد مع احد المرشدين وسجلي اسمج من الحين انج تبين الدورة عشان تكون لج الاولوية لان ترى من يعلنون عن دورة يديدة بيومين تنترس
تدرين انا ماسجلت الا عقب ما وحدة كنسلت اسمها قبل لا تبدي الدورة تالي قالولي في مكان تبين تعالي سجلي الحين وسجلت اشوه
هذا رقمهم
2240190
خل يحولونج على احد من المرشدين وحددي موعد معاهم عشان تروحين يقولون لج التفاصيل وتسجلين
وهم بيعلمونج متى تبدي الدورة اليايه
اتوقع خلال شهر يمكن تبدي دورة
وقلتلج لاتحاتين الدراسة لانها حيل حيل سهله اهم شي التزمي بالحضور هي كلها ساعه وحدة باليوم
وترى الجو يونس هناك مايضيق خلقج
واي استفسار ثاني انا تحت امرج
مشكووووووره وما قصرتي
كافي انج رديتي علي
وعندي جم سؤال بعد ما عليه تحمليني
سألي مثل ماتبين
اما اذا بتشتغلين بالقطاع الخاص مايحتاي تمتحنين امتحان التطبيقي لان مايبونه عادي تتوظفين بالدبلوم
الامتحان بس اذا بتشتغلين بالحكومة
وثانيا:
بامتحان التطبيقي اللي بعد الدوره تكون شهادتي دبلوم؟؟؟؟وانا منوسطه
على كلامج هذا
اما بدون هالامتحان اذا اشتغلتي بالحكومة تكون شهادتج متوسط فقط عرفتي؟ ولاتحاتين الامتحان اذا بتاخذين الدورة عند نيوهورايزن لانه معروف فبسرعه تنجحين بس المعاهد الثانية يسقطون لان دوامهم خرطي وعلى كيفهم وتدريسهم مو زود
بس نيوهورايزن ماشاء الله مدرسينهم تقولين دكاترة جامعه من كثر ما هم متمكنين يعني منقينهم نقوة
اما اذا بتشتغلين بالقطاع الخاص مايحتاي تمتحنين امتحان التطبيقي لان مايبونه عادي تتوظفين بالدبلوم
الامتحان بس اذا بتشتغلين بالحكومة
الامتحان انتي تروحين للتطبيقي وتقولين لهم عندي شهادة من نيوهورايزن وابي امتحن عشان اعتمدها
ويحددونلج موعد وتمتحنين
عقب الامتحان تكون شهادتج متوسطة مع دبلوم سنه اللي هي دورة تدريبيه معتمدة وايد احسن من المتوسط بروحه
يعني يمكن تتوظفين عالدرجة السادسة مو السابعه او الثامنه والمعاش اكيد يفرق خصوصا مع الزيادة
اما بالخاص مادري اذا يحسبونها لج دبلوم او متوسط مع دورة سنه بس اعتقد دبلوم
طبعا المعاشات بالخاص تفرق وايد بس طبعا الدوام اكثر
يعطيج العافيه
ابشرج خلص التحقيق
افا عليج اي وقت تحبين تعيدين فتح ملف القضية انا بالشوفه خخخخخخخخخخ
نفس شهادتي .. و أدور على وظيفه 
و أحترت بالمعاهد مادري وين الزين
و الدورات كلها يا أما دبلوم سكرتاريه أو كمبيوتر أو ادارة أعمال
بس قبل يومين دقيت على معهد الأثري وعندهم دبلوم سجلات طبيه
والوظيفه اللي أقدر أتوظف فيها من هالدبلوم >> راح تكون بوزارة الصحه وعباره عن أعمال مكتبيه
و اللي فهمته أن ممكن أكون كاتبة مستوصف .. وأنا عادي راضيه بهالوظيفه