سوال عن اسبوع بعد الترجيع

اشلونكم بنات شخباركم الي رجعت الاجنه وصارلها اسبوع اتسبحت وممكن نطل مثلا زواره ولا انريح اسبوعين بالبيت ابي تجاربكم لاني محتاره اسبح ولا انطر

والله يا حبيبتي ما ظنتي السبوح او الطلعة لها أي علاقة بالموضوع .. أصلا بعد العملية بثلاث ايام تقدرين تعيشين طبيعية بس طبعا بدوووووووووووووووووووووون مجهود قوي او حمل اشياء ثقيلة وحاولي ما تاكلين من برة عشان ما يصير معاج نزلة معوية وترجعين – اسم الله عليج.

انا ما سبحت عشرة ايام ولا طلعت من البيت اسبوعين وانا نايمة في السرير .. الله ما كتب

أنا مع أختي orchidah بس أنا وحدة من الناس اللي قاعدة في البيت ليش لأن معاي آلام ظهر من ثالث يوم من ارجاع الأجنة
واليوم صاري من ارجاع الأجنة أسبوع .. قاعدة مكاني بس يعني أصلي عادي وأصوم وعمل بسيط بعد الحركة بركة والسباحة عادي من ثاني يوم من ارجاع الأجنة والتثبيت من الله موبيد أحد توكلي على الله واللي قدمة ربج خير على خير والحمدلله رب العالميين

مشكوريين عسالله يرزقكم يارب امين اجعين

انا أقول حاولي ماتطلعين من البيت أفضل بصراحه والسبوح خلاص أسبوع أتوقع كافي بس نصيحه تحركي عالخفيييف وموتنامين طول الوقت عشان الدم يوصل للأجنه ان شاء الله يعني خلي أمورج وسط لاتعبين نفسج وبنفس الوقت لاتحنطين بالسرير … والله يثبتهم لج ان شاء الله

ادعولي يابنات الله يرزقني ويفرح قلبي ياارحم الراحمين يا رب ياوهاب يامعطي هب لنا انا وخواتي بالمنتدى الذريه الصالحه

الله يفرح قلبج وقلبي يا الله جنا أنا وياج نفس التاريخ رجعتي أجنة يوم 12/9 الله يوفقج وويوفقنا

الله يرزقكم ولا يضيع تعبكم آمييييييييييين يا رب العالمين

انا من سويت العمليه كله نايمه على ظهرى ولا اتحرك ولا اروح مكان بس قاعده فى البيت بس عااادى اتسبح مافيها شى بس الحمد الله على كل ما صار حمل اهو كل شى بأيد رب العالمين ترتاحين ما ترتاحين كل شى بأيد رب العالمين

بنات منو قالكم ان السبوح عادي نصيحه لا اتسبحون صبرو اشوي وماله داعي طلعات وزيارات استحملو اشوي عقب هالتعب والله يرزقكم.

ماجربت ولا ادري شي عن هالموضوع بس
من قلبي اقولج
يارب اتمم عليج ولا يخسرلج تعب
وتفرحين قريب بضناج

حبيبيت لا تتسبحين لان انا حطيت مرهموضووع عن نصاايح الحقن المجري ان شعرج ما يجيسه مااي والله اعلم

والله يثبت اجنتج يااارب

والله يا خواتي السبوح عادي ما ياثر انا سويتها خمس مرات وكلة يصير حمل- بس اسقط-وانا اتسبح من ثاني يوم من الترجيع بس الروحات والجيات بحدود -حتى اني اسافر من ثاني يوم الترجيع بالطيارة لاني اسويها بالرياض
والله يرزقك ويرزقني وكل محرومة

عادي اتسبحي بس لا تطولين و بماي دافي و مو حار
و تحركي بس لا تشيلين اشياء ثقيلة
انا كنت اغسل مواعين و هدوم
كنت اظن العملية افشلت

اشلونكم بنات متى اتسوين التحليل علشا ن يبين الحمل من اي يوم

الله يثبت اجنتج حاولي انج ماتسبحين ولا تطلعين
مع ان الدكاترة يقولون عادي بس علشان تكونين ماخذه بالاسباب
وبعدين ماتقعدين تلومين نفسج