سهره new year

السلام عليكم بناات

طبعا انا لي مشاركات باكثر من قسم بس هذي اول مشاركه لي بهالقسم لاني صج احس محتاره وابي استشيركم واخذ راي الاغلبيه وياريت تردوون علي لان صج محتاره ..

ياني زوجي اليوم وفاجأني انه باجر انشالله حاجز لنا مطعم عشان نسهر مع بعض و عشان النيو يير عشتو
انا بصراحه مادري ما احتفل بهالسوالف بس انا استانست لان اهو صاحب هالفكره ويبي يطلع ويسهر وياي مو عشان نيو يير

وايد استانست و بعد استغربت لانه مو من عوايده نطلع نسهر بمطعم وجذي بس بعد فتره سألته انزين بأي مطعم حجزت قام يوصفلي المطعم للمأكولات اللبنانيه وجذي واكو بوفيه وجذي وقالي اسمه غريب اول مره اسمع فيه يعني مادري استاحشت منه

سـألته : يعني فيه شيشيه ومن هالنوع مثل القهاوي
عاد قال ايي فيه .. انا اهني احس مثل اللي مادري شسوي بس انا ماحب اروح مثل هالاماكن ويع ويع احس اماكن شبهه والناس اللي يروحون له اي شي حتى الحريم اللي يرتادون القهاوي ينخاف منه

انا بصراحه مابي اروح و لو ادري انه يبي يسهر اسويله احلى سهره وعندي بالبيت ولا اشوف نماين تخرع

عفياا بنات شرايكم شسوي و المشكله ان زوجي دفع لان المطاعم باجر كلها تمشي مع الحجوزات شسوي ما ودي اكسر بخاطره اهو مو من هالنوع اللي يروح هالاماكن بس واحد من ربعه متزوج ناصحه بهالماكن والله مادري عفياا

شلون اتعامل مع هالموقف وأبي رايكم و لو بكلمه ؟؟

ناطرتكم خواتي

لالا حرام روووحي لاتكسرييين فيه
شدعوه انشالله ماكو الا الخير
طلعوا استانسوا ودام الشي ياي منه
ومالج شغل بالنمااين الي هناك .. اهم شي انتي وريلج
لالا جد حدججججججج روحي
كسر خاطري اصلا
ودي اقعد احن عليج ترضين لوووووووووووول
يالله انشالله تروحين وتستااانسييييييييييييييين

شوفي يمه هالقهاوي باجر كلها حفلات وطقطقه ومناكر واعلانتهم تارسه الجرايد قوليله بكل صراحه وبكل رومنسيه ودلع اشرايك نروح المطعم الفلاني اهدا واحلا ومافيها شيشه ودخاخين قوليله ريحة الشيشه تصبغ فينا وبصدورنا وقوليله انج ماتحبين الريحه الخايسه وعطيه جم حجوه سنعه مثلا قوليله انا ودي بهالليله محد يشاركني النظر فيك غيري ابيك معاي ابروحي وسويها بالبيت قعدي تعشي معاه وسولفي واستانسي
واذا شفتيه معزم بعد مالج الا توافقين شتسوين هذا حظج وقسمتج ههههههههههههههههههه

روحي شوفي الجو اللي يحبه زوجج شنو الاماكن اللي يحبها
ولا تدقرينه دام انه دافع
مالج شغل بالشيشه والخرابيط

ماشاء الله عسى الله يثبتج

قوليله غير وقت المناسبه والمكان اكون ممنونتلك

صدقيني

من ترك شيئا لله عوضه الله شيئا خير منه

ولو حاصلي هالموقف راح يكون هذا ردي

يبه شوراج روحي تفرجي

استانسي واعمليله جوو ثاني بالغرفة خليه يندم انه راح مطعم
عشان السنه الياية مايعيدها عليج:>

روحي ولا تدقرين فيه ولا تكسرين قلبه حرام الريال حاجز ودافع وعازمج

روحي معاه وين ما يروح

قولي له عادي اي مكان تختاره يعجبني اهم شي اني اكون معاك

ياقلبي ماعليه هذا زوجج وحاب يسويلج تغير عشان تستانسين فحرام تكسرين فيه وروحي معاه ومستحيل يدخلج اماكن فيها شببه او شي غلط وروحي واستانسي وحتى لو ماعجبج الوضع لا تقولين حطي نفسج مستانسه عشان مايتضايق وانشالله بتردين مستانسه وتقوليلنا شنو صار معاج

ياااا بعد قلبي والله فديتكم يا خوااتي

والله انا حسيت اني ارتحت شوي لما قلت لكم وما قصرتوا علي بردوودكم يزااااكم الله كل خير وعسى الله يسخر لكم ازواااجكم واللي الله ما كتبلها يرزقها بولد الحلاااال اميين

كافي بس وقفتكم ويااي وبردودكم الحلوه وانشالله بروح وياه ولو اني كارهه

بس اهو لاحظ علي وتوه يقولي انا ضايق خلقي فسألته ليش من شنو قال احس ضيقت خلقج على باجر
قلت له اذا الله احياناا واذا عالمكان بس سألت بس ما يهمني المهم اكون وياك

وانشالله اقولكم شصار ويااي وانشالله خير واروح وارجع وانا مستاانسه يارب

خايفه نقلبها هووشه و بجيي من اولهاا لاني وايد احتر و مشكلتي ماعرف اصنع الابتسامه اذا صج تضايقت

عفييييييييه عليج قلتي له اللي وصيتج عليه
كفو والله

ان شالله تستانسون وليش تخافين ؟؟ كوني دايما بشوشه ومبتسمه

لا تنكدين عليه كلش ترا الريال بسرعه يمل وتطق جبده ويحب المره اللي تسولف وتتغشمر وتضحك

لا تقلبينها هوشه ماكو شي يستاهل

ايي بعد قلبي

كلمتج اثرت فيني والله و قلتها اول ما تضايق و حس اني ماودي ارووح مشكووره قلبي وما قصرتي

وانشالله بحاااول كثر ما اقدر ما ازعل ولا انكد عليه

حبيبتي

الله يتمم عليكم ويخليكم حق بعض

ويوفقكم يا رب

روحي واستانسي واهم شي وناستج ويا ريلج واشوة انه ما قرر يقضي هالليلة ويا ربعه عالاقل حاس بقيمتج وانه العام اليديد بيبديه وياج

وان شاءالله كل عام وانتم مع بعض والجميع بخير

والله انا اقول لا تكسرين بقلبه حرام … وبعدين انتي طالعه مع زوجج مافيها شي .. ومدام اهو اقترح لا تكسرين فيه

روحي معاه واستانسي .. خو مو كلا بالبيت وحكره وحاله … الريال بشم هوا مع زوجته حاله حال غيره

طلعي خيتي لا تقولين له نغير ولا شي الريال حجز ودفع خلاص شسالفه … ياااويلج ان كسرتي فيه ياااااااااااااااااااااويييييييييييييييييييييييلج

اانا راايي ان اتسوين انتي شقتح يعني سوي شي عقب ما تردون انتي تفاجئينه بعد

انا من رايي انج اجامليينه و تروحين و حاولي ان اول ما تخلصون عشا تقوين باي حجة و عقب فترة بيني له انج ما تحبين هالنوع من الاماكن و انشالله السنة الياية تختار لي مكان افضل من جذيه بس ما حبيت اكسر بخاطرك يعني خليها تعدي هالمرة و عقب بيني له نوعية الاماكن اللي تحبينها عشان ما يكشت فيج و بعدين تنقهرين