|
|
قوة بنات
بعضكم يدري اني حامل وانا الحين اول الثامن
انا كنت والده قيصري لان الياهل بالمقهده والحمدالله اللهم لااعتراض
وحملي هذا كان البيبي راسه تحت ليييين السابع عاد امس تعبت ورحت المستشفى المهم شافت بالسونار ولا البيبي راسه فوووووق عاد انا ينيييت وبجيت سويت مناحه حسيت جني حلمانه شلون صار جذي كنت مستانسه لاني راح اولد طبيعي دام البيبي راسه تحت
ادعولي يلف مره ثانيه واولد طبيعي ادري اللي الله كاتبه بيصير وانا راضيه بس ودي احس بالولاده الطبيعيه لان احساس ثاني
تكفون اللي مرت نفس حالتي تنصحني
واللي ماعندها فكره بليز رفعي موضوعي او ادعيلي بالولاده الطبيعيه السهله*
انا توي والده طبيعي من السابع الراس فوق
والدكتور قايل لي قيصريه والحمدلله بالتاسع نزل راسه لي تحت
بس انتي كثري استغفار وادعي ربج وكثري سجود وحبي وان شاء الله
تولدين طبيعي
اول شي تفائلي وبعدين معروف
ان الياهل يفتر مايثبت وان شالله
قبل الولاده تلقينه رد افتر ونزل
الراس تحت ووايد حريم يوم الولاده
سبحان الله نزل الراس تحت لا
تحاتين وتوكلي على الله
وان شالله تولدين طبيعي
و بعدين لا تحاتين مثل ما قالو البنات ترى في أغلب الحمال الياهل لي آخر الثامن يظل كل ساعه بوضع غير و انشاء الله بالتاسع ينزل راسه تحت و يدش بالحوض
و اذا كلش كلش شوفي لج دكتور شاطر يلف البيبي
و بعدين ترى عادي ممكن البيبي ينولد طبيعي من مقعدته مو من راسه و صايره وايد من قبل بس يبيلج دكتور شاطر
ماراح انسى وقفتكم معاي
انا رفيجتي توها قبل يومين والده
واهيه بالتاسع والياهل مو مفتر .. اهيه كانت حيل متضايقه ماتبي قيصريه
سبحان الله اخر اسبوع افتر الياهل وولدت طبيعي
لا تستعيلين انشالله يفتر توه الناس موشرط كل وحده يكون الياهل راسه تحت من الثامن
وحده من اهلنا توها والده طبيعي ،،، تخيلي بالتاسع قلب البيبي و راسه صار فوق
و حزت الولاده قبل و صار الراس تحت
ان شاء الله يقلب راسه
حبيبتي ان شالله يلف وتولدين طبيعي ثقي بالله انه الله بيختار لج الشي اللي بيكون بصالحج
وان شالله يلف النونو كثري سجود واحبي نفس اليهال هالشي يساعد عشان راس البيبي ينزل
الله يهون ويسهل عليج ياااااااااااارب وتولدين طبيعي