ساعدوني قبل الفاس يطيح بالراس!!!!

السلام عليكم و رحمه الله و بركاته

شلونكم معلمات إن شاء الله طيبين

حبيباتي أبي رايكم في وظيفه المعلمه
أنا الحين أبي أدش الجامعه و ودي أتخصص أداب إنجليزي و ودي أدخل تربيه بس خايفه عشان جذي قلت خل أدش أداب عشان يمكن التدريس ما يمشي معاي و أقدر أدش وزاره ثانيه
الصراحه إنتوا تخوفووووون حدكم يعني كلش وظيفه المعلمه ما تصلح كله تعب ؟؟؟؟

شنو تنصحوني أدش
أنا بنات أحب الانجليزي بس ما أبي أصير مدرسه إنجليزي لأن أحس كله ضغط يا من التدريس يا من التصحيح و لا من أولياء الأمور بس أنا أحب هالتخصص و محتاره
صراحه أهلي يقولون لي لا تدخلين إنجليزي يقولون إدخلي تربيه فنيه أحسن و أريح
و الصراحه أحس إن كلامهم صح لأن أنا متزوجه و عندي عيال الله يخليهم
فا شنو تنصحوني
أصير مدرسه انجليزي و لا فنيه ؟؟
و لا تنصحوني بوزاره ثانيه ؟؟؟
و شنو الوزاره اللي معاشها قوي نفس المعلمه
و ما فيها إختلاط لأن صراحه معاش المعلمه تدرون يغري

و أنا أبي وظيفه مريحه لو شوي
تكفون بنات ساعدوني مالي من بعد الله غيركم

و جزاكم الله خيرا

وعليكم السلام والرحمه ..

يسعدني انا اكون اول من يرد على موضوعج ماعندي فكره لكن ماحبيت اطلع من غير رد

حبيبتي استخيري وماخاب من سأل الله

والله يوفقج ويسهل امورج..

إن شاء الله راح أستخير إذا طلعت نتيجتي
مشكوره حبيبتي

يحياتي الحين معاش المدرسة حاله حال الوظائف الثانية بالمقارنة مع الشغل اللي يشتغلونه

وتدريس الانجليزي نفس تدريس العربي تعب بتدريسه وامتحاناته والتصحيح

اذا انت تحبين التدريس كتدريس مو عشان المعاش ان شالله تمشين

والله يوفقج

انحاشي من تدريس الانجليزي
واذا وزارة التربية فيج فيج00 دشي فنية احلى واريح وكافي ماتقابلين ولااتراقعين مع اولياء الامور عند كل استفسار او اجتماع
غير فلسفة مصاروة التوجيه وشغلهم الزايد اللي ماله معنى

الحين انا مدرسة انجليزي خريجة اداب وقاعدة افكر اطلع من الوزارة ابكبرها 00 وخل تدريسهم ومعاشهم لهم 00 ماعاد ابيه

شغل مريح ما اعتقد فيه
اسمه شغل لازم شويه تعب
بس يمدحون الاوقاف بس من اي ناحيه مادري

يعني ما تنصحيني يا ربي شنو أسوي قلبي يقول إنجليزي و عقلي يقول شي ثاني
بس حسافه أقدر أدش الجامعه و ما أدخلها لأن تعرفين هذا طموحي و ما أبي أضيعه علي

مشكوريين جميعا على الردود

ليش جذي وينكم معلمات ردوا على
والله ما توقعتكم بتخلوني

يلا يا ابلات نصحووهاااااااااا
اب
اب
لعيووووونج

فديت عيونج أنا
مشكوررررررررررره

السلام عليكم أذا أنتي بتدورين المعاش والراحة مايجتمعون
بس بصراحة مافي أحلى من بنت تجي لج بعد سنين وتقولج الله
يجزاج خير على تعليمج صج فادنا

حبيبتي ادرسي بالمجال الي اتحبينه

مالج شغل بوظيفة و معاش

الشغل متعب بكل مكان بس انتي اذا حابة المجال بيكون حلو على قلبج

لا تروحين الاساسية حبيبتي

حرام تضيعين عليج فرصة الجامعة و هي حاصلة لج

و استخيري

و الله يقدم لج الي فيه الخيررررر

مو هذا اللي حارني
خايفه باجر أندم إني ما دخلت الجامعه
بس بعد يمكن أندم إني صرت مدرسه
مو كلهم يقولون لا تصيرون مدرسات كله تعب التدريس
و جزاك الله خيرا

المدارس مالها من الاسامي الا سجن النسا نصيحة اخت لاختها انحاشي تكفين والله ما تاخذين من التدريس غير الهم والكدر وتكبرين عشرين سنة جدام اسال مجرب شوفي بشرة المعلمات جلحة ملحة خاليه من اي رونق وشوفي الوظايف الثانية والله اذكر عندنا منفذة خدمة وحطي تحت هالوظيفة خطين قسم بالله انها متجددة باستمرار ومرتاحة ودلع وتشكي من كثر الشغل والتعب وهي شنو تدور بالنشرات الحصة الاولى وتقعد بعدها ما عندها شي ولا تقول تعبت من الصعدة والنزلة وماشاء الله هم بعدشئون الطلبة لما تمرينهم بغرفتهم الله يهنيهم قعدة وسوالف وضحك مو احنا لحق وما تلحق تحضير تصحيح مراقبة مراجعة دخلت الناظرة والا الموجهة جاك الذيب وجاك ولده والشغل يلحقج للبيت يعني ماتتهنين كأنج طالبة للحين وفوق هذا كله لازم يكون لج فعاليات داخل المدرسة يعني من تبدي السنة وتنتهي وانت في دوامة وسباق مع الزمن وترى كل مرحلة لها شغلها وغثاها لا تقولين ابتدائي اريح او متوسط كله نفس الشي هذا الحجي من واقع خبرتي بهالمجال الحين لي عشر سنوات معلمة اجتماعيات اشكي فما بالج انجلش او اي تخصص ثاني حتى الفنية لايعة جبودهم تنسيق المدرسة والمعارض عليهم لاتقولين المعاش والله مافيه بركة يجي ويروح عالفاضي صج نسيت اضيف بالعطلة تفكرين شنو بتسوين السنة الجاية وسوي نماذج امتحانات وهلم جرا ترى هالكلام والله طالع من قلبي

مشكوره يا قلبي إنتي
يعني لو أحب التدريس ما ينفع أدخله خصوصا إني متزوجه و عندي عيالي الله يخليهم
أحس إهيا الوظيفه الوحيدة اللي أحبها و ما فيها إختلاط
إنزين شنو ترشحين وظايف ثانيه و ما فيها إختلاط و معاشها محترم