سؤال عن التقارير

يعطيكم العافيه بنوتات
حبيبات قلبي بس بغيت اسأل انا عندي ملف بقسم طفل الانبوب
وابي اخذ تقرير منهم حق مستشفى خاص
اشلون شسوي اروح حق السكرتاريه اللي فوق ؟؟
واشكثر يطول التقرير على ما يطلع ؟
ياريت اتردون علي بأقرب وقت بليييييز

هلا والله بنوت شوفي تروحين حق السكرتاريه وتعطينهم رقم ملفج وتقوليلهم ابي تقرير عن حالتي بالعربي والانجليزي
وتقريبا اذا ماني غلطانه ياخذ من اسبوع لي اسبوعين قوليلهم ابي صور من التحاليل اللي مشويتها

ربي ان شاء الله يرزقج بالذريه الصالحه يارب

اهلين بنوووت
مثل ماقالت امونه..تروحين للسكرتاريه اللي فوق وتقولين ابي تقرير عن حالتي وحالة زوجي
وبس
انا اذكر طووول التقرير..مره ماااخلص ومره مضيعينه
وبعد قوليلهم ابي نسخه عن تحاليلي دام بتروحين عياده خاصه

وترا مافي فرق بين التقرير بالعربي والتقرير بالانجليزي
ماعدا الاسامي(اساميكم) هناك بالعربي تكون وبالثاني تكون بالانجليزي

وشووفي دقي عليهم قبل لاتروحين يمكن مايحتاجون حضوورج
وبس سلالالامتج وعسى ربي يووووفقج

شوفي بخبرتي مع حمودي و تقارير المستشفى الانجليزي يكون مفصل اكثر

مشكورين بنات حبايبي فديتكم مشكورين وما تقصرون يا بعد قلبي
عسى الله لا يحرمني منكم