|
|
يا بنات انا وايد متضايقة ونفسيتي تعبانة
الي ابي اعرفه منو الشخص الي له حق عليج اكثر زوجج والا الوالدين
انا تعبت من هالمقارنة
زوجي انسان رائع وطيب ومرتاحة معاه الحمدلله
قبل زواجي كانت ظروفي وايد صعبة وتأذيت وايد بس دايما كنت متفائلة وايجابية
الوالدة الله يحفظها دايما تعلق اني وايد واثقة من زوجي زيادة عن اللزوم وبشكل غير مقصود احس الكل يشيشني عليه مع ان ما فيه شي غلط علشان اسمع شوره وما اتأخر بالرجعة للبيت مثل ما يبي وعلشان الي يبيه مني اقوله حاضر وابشر وكل الاشياء الي يبيها لا هي غلط ولا تنافي الشرع
الحين الي صاير ان امي زعلانة مني علشان كانت بنقاش مع زوجي يتعلق بالسياسة والقوانين واهم اثنينهم مثقفين بس وجهات نظرهم اختلفت وكل شوي تشهدني عليه جدامه
بصراحة الموضوع من وجهة نظري مو مستاهل اني اصير حزب مع امي واصارخ اقصاه موضوع عام وقعدت اقول انتوا اثنينكم صح بس كل واحد باسلوبه وخلصت السالفة طبعا كل هالحجي وانا نايمة بالمستشفى تعبانة مضاعفات حمل
اليوم الي وراه زوجي قال انا احب امج واقدرها وعلشان جذي ما تنفع هالنقاشات الاتفعالية قلتله اي احسن طلعت من المستشفى ورحت ارتاح جم يوم عند الوالدة وفتحت موضوع عادي نسولف واختلفت معاها بالراي اختلاف عابر وهبت فيني ان انا دايما اعارضها فقمت وبست راسها وايدينها وقلتها خلاص معاج حق بس لا تزعلين روحج بس ما كو فايدة قامت تدخل وتطلع من موضوع لي الثاني واني دايما بصف زوجي وما اطلعه غلطان ,, شنو علاقة زوجي بالموضوع ما ادري .. المهم قطت علي حجي جايد لدرجة اني قمت ابجي وعصبت زيادة بهالوقت اتصل زوجي يتحلطم متى بتردين البيت وانا نفسيتي تعبانة قلتله تعال اخذني الحين ,, وانا طالعة ما رضت امي تسلم علي والمفروض ان ثاني يوم عازمة زوجي عالعشا وقالت لي وانا طالعة ما ابي اشوفكم باجر الله وحده يعلم شلون مرت علي الليلة من القهر والحين صارلي يومين ضغطي مرتفع ومتوترة وانا حامل وهالارتفاع فيه خطر عالجنين وما اتصلت بالوالدة من امس و وايد متضايقة
والله يا بنات اني ما امدح نفسي بس انا ما اقصر مع امي واخاف الله فيها والاتهامات الي قطتها علي ان لساني طويل وغيرها كلها تصرفات اخواني
انا وايد متضايقة وربي يعلم اني لما ازورها ابوس ريولها مومنة والله بس منو الحين يسوي جذي الا من رحم ربي
شسوي بالله عليكم
اب اب
الله يهديها لج ياربي
ماماتج ما تبي الا اتحسسينها بوجودج والشغلات
1- كنت دايم اقول لامي ان ريلي على طول ايب طاريها يعني اضبطهم اخلي الفه لو حتن مو صج يعني ان ريلي قالي ما شاء الله امج عاقله مثقه ومن هالحجي
2- اي مكان اروحله كسوق وجذي ايبلها لو حتن شغله بسيطه اقولها مني ومن ريلي احسه حلوه عليج
3- يبي صحن حلو وقوليله هذا ريلي يابه مخصوص حقج ذيك المره اكله وقال لازم عمتي تضوقه
4- لمن تطلعين من بيتكم اخذي كاكاوه وقولي حق ريليج هذا من امي تنقصتهله لك
5- اذا تقدرين طلعوها معاكم او اذا بتروح مشوار انتوا ودوها
ويارب الله يهدي بينكم بس ترا كل تصرفاته لان تحبج وخايفه تنسينها لان وايد متعلقه فيج وهالشي اسويه حق الوالده وصدقيني تموت على ريلي وما ترضى عليه وعلاقتي معاها صارت احسن حتن من قبل لا اتزوج لان للاسف ما كنت افهم عليها من قبل
وبعدين النقاشات لما تكون بين امك وزوجك ودخلوك فيه مو لازم تدخلين تقدرين بطريقة وثانية
إنك تطلعين من الموضوع حتى لو اصرو عليك وفهمي امك ان انتي مو دايم بصف زوجك وقولي لها انا بنفسي كثير اختلف معه حتى لو مافي اختلاف
وبالنهاية ريحي بالك واهتمي بالبيبي اكثر
وكل شي وله حل
تدرون لي الحين اتصل بالماما ما ترد علي وميتة من القهر والي حارني اكثر ان ما في موضوع اصلا
انونا كلامج كله حكم والي تقولينه انا قاعدة اسويه وصج ريلي يشتريلها ويبرها والي تبيه ما يقصر معاها حتى اهي تقول عيالي ما يسوون الي اهو يسويه ومن كثر ما ان كل ما نطلع يقول دقي على امج ناخذها حرام بروحها صرت اتشفق على الطلعة بروحنا بس اقول ميخالف علشان امي
يا بنات انا امي منفصلة عن ابوي من زمان وانا مقدرة وحدتها واني بنتها الوحيدة بين اولاد بس كل شي له حد انا تعبت وما اقصر واخواني الله يصلحهم صوتهم عالي وكل شوي حارينها وتداريهم والله عليهم بالعافية بس ليش هالاسلوب وهالتفرقة والله ما استاهل الي قاعدة تسويه انا بأحرج وقت الحين واول مرة ادش مستشفى والدكتورة جدامها قاية لا تتعرض حق اي ضغط لان في خطر عليها الحين محتاجتها اكثر من اي وقت ثاني وتسوي فيني جذي وانا ما زعلت قتعدة اسعى اوصلها وتصك الابواب بويهي والله حرام
تخيلوا حتى يوم شدوا بالحجي قعدت اقول اثنينكم صح وقعدت الف وادور زوجي سكت وقدر الحرج الي انا فيه بس امي الله يهداها ما قدرت لوعة المغذي الي بيدي واني يومين مو ذايقة النوم وابي باجر يصير علشان اطلع وقعدت تحن طول الليل ليش ما وقفت معاها وحاولت افهمها ان الموضوع بسيط ومو مستاهل بس ما كو فايدة
انتي الحين مو قادرة تسيطرين على امج وخاصة ان حالتها تبين انها غيرانة حيل من زوجج
لكن تقدرين اتفهمين زوجج ان لا يدش بمواضيع مع امج
يعني الحل بيد زوجج وبس
الله يهديها
صح اهم اهلنا وعلي العين والراااس لكن ما يمنع انها تقدر وضعج
وانا خبري الامهات المفروووض حتي لو ريلها فيه بلااا تطخخ البنت وتقول لها ما عليه
مو تشيشها عليه وتحرضها وتقول لها ليش وشحقه ..
انتي جدامج ربج سويتي اللى عليج وريلج ملزومه تمشين علي كلامه دام انه خايف الله فيج
لا تخسرين ريلج علشان حراكات امج الصبيانيه
انتي الحين كل اللى عليج انج تروحين لها حتي لو قالت ما ابيج
روحي بس لا تاخذين ريلج
ومثل ما قالت اختنا اللى فوق خلي حياتج غامضه عن اهلج لا تقولين لهم كل شي بالتفاصيل
ولا تحسسينهم لا انج مرتاحه والا انج مو مرتاحه بزواجج خليهم يعيشون بلغز
لانه حياتج من حقج بروحج مو من حق احد يتدخل فيها لا ام ولا ابووو
خلاص انتي الحين طلعتي من بيتهم وشالو مسؤوليتهم منج
والحين انتي بحياه ثانيه ومسؤوليه من زوج وهو بس اللى له حق يقولج متي تردين البيت ومتي تطلعين وتردين
جابلي نفسج يا قلبي انتي الحين حامل وخلي بالج من نفسج ومن صحتج ولا لج شغل بالامور هذى الزم ما عليج صحتج