زوجي والطلعه

السلام عليكم يا بنات

مثل ما انتو شايفين هذي اول مشاركه لي وبما اني توني متزوجه وماعندي احد استشيره لاني اكبر بنات امي وما احب اكلم احد من قرايبي لاني ما تعودت كلش

انا ماراح اسمي هذي مشكله لكن جد صرت اتضايق واحس نفسيتي تعبانه وابي اخذ بنصايحكم بنا انتو متزوجين قبل والله يخليلكم ازواجكم وعيالكم..

السالفه هي اني كل ما اطلب زوجي نطلع مع بعض ما يرضى ويتحجج ويقول انا مشغول وانا معزوم وبرد ومطر ومالي خلق وكل مره جذيه صرت اتضايق من جو الشقه كل شي اسويه انظف واغسل والبس وبعدين وين اروح وهو يطلع ما يرد الا 2 او 3 من المغرب وانا بروحي بالشقه….

وانا والله مو مقصره معاه بشي وجيت له باسلوب حلو وهم ما نفع وصرت ماني عارفه شسوي معاه ولا حت شلون افتح سالفه احس ضايعه وانا مو جذيه قبل اضحك واسولف وكل شي..

والله يا بنات احس مرات انه يسمع كلام ربعه واحد منهم يقول لا تعودها ولا تطلعها وسو جذيه وجذيه وواجهته وقلتله انت تتاثر من ربعك خلك بشخصيتك يقول غلطانه هذا انا…

والحين مابي اطول عليكم بغيت اعرف شلون اتصرف معاه وشلون اقتعه لو اطلع من جو الشقه لو ساعه بس….
وشلون افتح معاه مواضيع شلي لازم اسويه…

والله يعطيكم العافيه مشكورات مقدما…

ولا تنسووووني من دعائكم الله يسخره لي

.حياتي فهميه انه هالشي خانقج حيل وانج تبين تطلعين معاه مثلا يا فلان خنروح الفلم الفلاني يمدحونه او نروح المجمع او مطعم وطلعه وحده تكفيني وتغير نفسيتي شوي والله يهديه وان شاء الله يقتنع ., .

اول شي حبيبتي مبروك الزواج وعلى فكرة هذا طبع اغلب الرياييل.. لا تخلينة محور حياتج ليش مو اهو الي يعزمج ع الطلعة.. اكيد اذا فقد تكرار سؤالج عن الطلعة اهوا بنفسة بطلعج ……. ليش ماتروحين بيت اهلج او تطلعين مع خواتج او رفيجاتج …. لا تفكرين بالطلعة وايد او تغارنين بلي مع يطلعون مع حريمهم كل يوم لان هذا نصيب سامحيني اذا ضايقتج بكلامي

والله يا قلبي قلتله نفس هالاسلوب ما نفع كلش يتحجج بانه وقته متاخر ولا يوم ثاني وانتي عارفه

عل العموم شاكرتلج حياتي على ردج والله ينولج مرادج

لا بالعكس انجل حياج الله اختي وما ضايقتي كلامج ولا شي هو من النوع اللي انا اوديج انا اجيبج ماكو طلعه مع امج اختج خالتج ما يرضى كلش وهالشي يقهر بس فعلا كلام صح ماراح اخليه محور حياتي لا اتعب اكثر

شاركتلج على ردج

شوفي قوليله انا عادي طالعه باي وقت طلعني شوي
بعدين ردني البيت وطلع مع ربعك……قوليله انت من حقك تسهر عادي
بس مافيه شي يا فلان لوو طلعت شوي اقضيلي بعض الاغراض ( نطلع مع بعض )
لا تقولينله الكلمه هذي ابد
ولما يرفض انه يطلعك سكتس ولا تكلمينه روحي المطبخ سوي اي شي كافي شاي يعني ولا كانه صار جربي وقوليلي

قوليله بطلع واصري على الطلعه لمن يتعود لان الحين اذا تعود مايطلعج ماراح تطلعين بعيدن

نطري ومع الايام بيطلعح صدقيني ..@

ملوعين جبدنا ربعهم
قوليله مثل ماربعك لهم حق عليك انا بعد لي حق
وانا طفشت من الشقه والله مليت من هالروتين
اقعد معاي وانا لو ما احبك والله ماطلبتك تقعد معاي
مفروض تستانس اني احبك وابيك .. واهم شي اختاري الوقت المناسب للكلام ويكون بتفاهم
لاتضايقون بعض..
وقوليله انا ماطلبتك تلزق 24 ساعه طلبتك ساعة زمن تفضي نفسك لي
والا انا ما استاهـــل ؟؟
عاد سوي عوابة البنات ودلعهم وتمسكني
والله يوفقج معاه ويوديج رحله حول العالم بالصيف هههههههه

والله انتي تقريبا نفس مشكلتي

انا رلي جذي بس اهو يطلعني بكيفه يعني حرام بهالشي مو مقصر بس لمن يكون مع ربعه ينسا الدنيا وعادي يردلي الفير

انا كلمته مره مرتين و 3 ساعات يعصب ويقولي حنانه وانانية وساعات يتفهم ويقولي خلاص بخليها مره بالاسبوع بس للحين ماكو فرق وايد يعني نفس الشي

شوفي بما انه توكم متزوجين هذا شي طبيعي وايد لان كان متعود على شي مايقدر يغيره بسرعة هالشي يبيله صبر وبعدين من كيفه يمل ويحس ماكو فايده تكلمينه مع الايام راح يتغير صدقيني لازم اول فتره يصير جذي

انا اول ماتزوجت كان جذي يطلع من 1 الظهر لي1 الليل بعدين حس فيني وصار يطلعني صج مو مثل ما ابي بس الحمدلله احسن من قبل وصار 24 ساعه مجابلني والحين انا اللي اقول له اطلع روح حق ربعك ومايبي

الله يسخره لك يارب

حتى لو ساكنه بقصر مو شقه

من حقج التمتع والطلعه مع الزوج

اطلبي منه يخصص لج يوم بالاسبوع لج

مقابل ان 6 ايام بالاسبوع ما تفتحين موضوع الطلعه

فوفو

يمكن نوعه ما يحب يطلع مع مرته
واايد ناس جذي
بس ما وضحتي اهوه يطلع مع ربعه ولا حتى معاهم ما يحب؟