زوجي البخيل ؟؟؟

بإختصار زوجي بخيل ومحملني كامل مسئولية البيت وحياتنا هالبخيل شوفوا شلون وعلى فكرة ما عتقد في وحده نفسي انا ادفع ايجار البيت والماجلة وحتى المطاعم اذا بنتغدا بره او نتعشى !!! وحتى الجمعية يقولي ما معاي الحين خو عمى طلع بطاقتك لا يقولي عطيني بطاقتج ولحد يشوفنا من تحت لين تحت اعطيه ويقولي جم الرقم واعطيه يعني الأخ مو حافظه؟؟ واهو عارف نفسه غلطان حتى النخاع ، والأمر من هذا كله حتى بشهر العسل انا اللي دفعت تذاكر السفر..الفندق .. السياحة كانت لإوربا حتى اني حنيت عليه نروح تايلند أرخص ابيه يحس فيني ما كو فايدة وفلوس زواجي هدية اهلي 10 ألآف دينار طاروا 6 منهم للسفر ووالقهر انه لمن اسحب واحنا بالسفر ياخذ منهم تخيليوا بنات يعني انا زوجي اللي ما خذين بعض عن حب اكتشفت انه ما خذني عشان اصرف عليه قلت بيني وبين نفسي مع الأيام يمكن يصرف علي لقيته للاسف مستانس اني امدحه عند اهلي تخيلوا حتى شبكة ما شرالي ؟؟على بونه بسرعة بسرعة تزوجنا وما مداه؟؟..كلمت اخته والمسكينة واقفه معاي تقولي لاتقطين ولا فلس عليه خليه اهو اللي يصرف تدرون شمعناته هذا اني بتم طول عمري وياه بفقر ؟تخيلوا ياخذ معاشه كله ويصرفه على شراء الأسهم الله يفكنا من هالبورصة وتدرون شنهي حجته انا معاشي اقل من معاشج انا مدرسة واهو موظف قطاع خاص الفرق بيني وبينه تراه 100 دينار بس ؟؟؟؟؟؟؟؟؟تدرون شلون عرفت من شهادة الراتب ليش كنت ابي اطلب خدامة ؟ ملييييييييييت والله افكر اني ابتعد عنه لاعت جبدي وبديت اكرهه خسرني فلوس وايد ولمن ياخذ منى قمت اقوله سلف يطنقر ويزعل بالايام لحد ما اكلمه من نفسي تخيلوا حتى سيارته يوم تزوجنا البخيل عطاها لاخوه ؟ ليش عشان ياخذ سيارتي واهو يوديني ويبني عمى بعينه (من حرتي ) ولمن اطلبها منه يزفني ويسبني انتي تعايرني اقوله سيارتي ابي اروح لاهلي بروح المكتبة بروح سوق انت مو فاضي لي.. عندك ربعك خل يمرونك ..ما يرد يحقر والمشكلة ربعه اغني منه بوايد حتى اهم يقلوله خو اخخذلك سيارة توديك وتجيبك يسكت ..وشاري هالبخيل سيارة جيب مستعملة وراكنها بره البيت ومحتاجه مبلغ عشان يصلحها وعطيته 3 مرات المبلغ عشان يوديها وماكو فايدة يخش الفلوس لين تهاوشنا يقطهم علي الأخ يعني تراني ماصرفت الفلوس مليت ابي اسوق سيارتي على فكرة سيارتي انا ماخذتها من معاشي من تعبي كاش قمت اوفر من معاشي عشان البيبي اخاف باجر يوهقني ، انا مو متعودة اني اصرف على ريال ابوي الله يحفظه كان اهو اللي يصرف علينا جزاه الله خير وانا نفسي عزيزة ما حب احد يصرف علي مصروفي يوم كنت بنت وطالبة كان يبقي معاي وحتى لو فلست ما ارد اطلب من ابوي وحتى امي ماخذ منها لو شنو لانه انا ربيت ان الريال اهو اللي يصرف مو المراة ؟ عشان شذيه ما نطره واصبر مثل ما قالت لي حماتي تلاقوني اصرف على بيتي بس صج مليييييت وطفح صبري بجد بنات ابي حل الحين بولد مادري اخذ سيارتي منه واقعد عند اهلي بالنفاس وعقبها شلون بتم وله لا ؟ بس الإيجار شلون منو بيدفعه ؟ على فكرة اهو يطلب من ابوه واخته واخوه فلوس عشان يدش البورصة وحتى مني بس لاني قفلت باب السلف وياه قام يطلب منهم مع انه معاشه راهي وزين بس كلهم حاقرينه وما يبون يعطونه هالبخيل بس يبي فلوس وانسي يردهم يسويله زعلة وانا خسران …