زوجك يهديك هديه في المناسبات

هاااااااااااااااي بنات اخباركم

بنات انا زوجي سافر 3ايام الى دوله خليجيه وجا ولا جاب لي هدييييييييه
والله انها حزت بخاطري ماتوقعت يجي بدون هديه لي حتى لو موغاليه اهم شي هديه
كيف اعود زوجي يجيب لي هدايا في المناسبات
بس مابينت له اني زعلانه وسويت عادي ولا حتى سألته
حسسسسسسسافه متأمله اي شي خاصه اني حاطه له في الشنطه كروت وحركات
انتو يعطونكم ازواجكم هدايا ولا لا.، كيف اعوده ردوا علي
انتظر ردوكم

انا بالخطوبة بكل مناسبة ييب لي اغلها عطور لانه هو يموت بالعطور

بس بعد الزواج صار حته ينسى تاريخ ميلادي ولي ذكرته قال قولي ايشي بخاطرج وايبه لج والحين بصراحه تعودت مايب لي على فكرة تره احنا مانحتفل الا بعيد ميلاد وعيد زواج واذا سافر لازم يجيب لي شي

بس انا بعد انقهرت وقمت مايبله وهو مايحب اسويله مفاجاه بمطعم يعني عيد ميلاد ويجيبونه ورد مفاجأ او كيكه بشموع مايحب كذا مره اسويها ويفشلني فصرت ماجيب شي ولا اهتم

بس الشي مو عاجبني ولازم اغيره

لا ترى ضروري تقدرون بعض بالهدايا واذا نوعه ينسى انتي ذكريه حلو تعيشون لحظات حلوه مع بعض حتى لو الهديه مو غاليه حيل
مثلا عيد الحب ضروري تكونين معاه تترسين الشقه ورد احمر وشموع حمر وهديا وناسه ترى وبانيو كله ورد
وعيد الزواج مثلا سفره او فندق مع هدايا طبعا عيد الميلاد احب يكون بمطعم

لا بصراحة احنا مانعترف بعيد الحب ومانفكر فيه كلش

بس عيد زواجنا والعيد ميلاد

ومن عقب العرس هو مايحب الاحتفالات والله عيد ميلاد ولدي مايبي يسوي ماله خلق يمعات وعزيمة وتحجز اكل وغيره كسول يعني

ومايحب هالاجواء عرفتي وهو نوعا ما مو متعود على رومنسية وان يكلم بنات من قبل فمافي افكار عنده

بس انا ودي اخليه يرجع مثل ايام الخطوبة ونحتفل وكذا تره بس سنه وحده ماحتفلنا بشي لان تونا من سنتين متزوجين بس

طيب كيف اعوده بس والله قهر
انا حتى بالاعياد ولا عيد ميلادي ولا شي وقليل مايهدي نادر وانا اتمنى بس هو من النوع اللي مايروح السسوق ويكرهه
بس دايم يقولون انتي اللي تعودين زوجك منقهره ابي هديه يلا معليه بصبر وبظل اهديه الى ما يتعود
مشكوووره حبيبتي على الرد الله يسخرهم لنا اميييييييين

شرايكم ابين له اني زعلانه انو ماجاب لي ولا لا لانه تو جاي من يوم بس
وكيف اقول له ردوا علي محتاره خايفه يعصب ولا يزعل

قطي نغزه قوليله اشدعوه مايبت هديه حق زوجتك حبيبتك انا زعلانه بس خليها على ضحك شوفي شنو عذره يمكن مايعرف سوالف الحريم شنو يشتري او مو متعود يدخل مكان للحريم يشتري عادي

انا والله ريلي ما يبلي ولا يفكررر بعد ايبيلي لو شنوو المناسبه حتى يوم طلعت من الاربعين ما يابلي

بس عشان لا اظلمه مره سافرت حق اخوي من دونه يوم رجعت يايبلي هديه ومعدل الشقه بس طبعا بمساعدة خواتي

وانا بمناسبه وبدون مناسبه اييييبلله

اميره كويتيه … انا اقط نغزات مو بس نغزات اوريه بالمجله واقوله وين المحل بس طنش تعش

ولا جنه احد قايله شي

الله يعين

زوجي ايام الملجة و اول ايام الزواج كان اييبلي بدوون مناسبة و كله كانوا بجامات لا تسالون ليش
بس الحين لاقام اييبلي الا بعد حنه و رنه بس اذا سافر لازم اييب طبعا بعد ما اشلخه مسجات مو تنسى صوغتي و مو تنسى صوغتي لوول

انتي علميه انه بكل مناسبه هديه .. بعدين اهو يستحي اذا شافج انتي يايبتله واهو لأ

انا ريلي متعود كل مناسبه اييبلي جنطه 😐 كبتي انترس جناط وماني عارفه متى البسهم كلهم اخير شي قمت اقط نغزات عشان مره ثانيه لا اييب جناط

المهم انتي عوديه .. انا حتى لمن اروح السوق اييبله شي .. تعود مني حتى اهو صار لي راح مكان وشاف شي حقي اييبلي حتى لو رايح سوق شعبي .. ايبلي شي من هناك

عادي يعني علمته انه يفكر فيني على طول

وعلى طاري النغزات ..

اذا عجبني شي وابيه .. اقط نغزات اقوله فلانه ريلها شاريلها (اقول الي ابيه) واااااي ايينن عليها

عاد اهو يموت من الحره يروح اييبلي مثلها

ههههه طبع ريلي واعرفه مايحب احد يكون احسن منه

الصراحة مرات اي ومرااات ينسى بس انا اذكره او اذا رحت معاه السوووق اقوووله اشترلي هدية
لاني مليت وانا انطر وكله اسكت )

هههههههههههههههههههههههههههه واي ضحكتوني شنو كله اييب بجامات والثاني كله جناط

عالاقل شي احسن من لا شي يا بنات

انا خالتي كانت ويا ريلها وشرالها جنطه تفشل ههههههههههههههه واهيا ترقع تقول ذوق ريلي حلو صح
والله يوفقكم

ههه يعني فئة الرجال اغلبهم جذي

انا زوجي اهديه في عيد الميلاد والزواج ودوم اول كلمة يقولها ليش جايبة تحسسيني بالتقصير وطبعا مايشتري بعدها شي

وانا ارد واقول كل واحد وذوقه

يمكن زوجك ماراح اسواق احمليه على المحمل الحسن وان شاء الله يسافر معاك ويشتري لك اللي تبيه

آنا زوجي ايبلي مرة ومرة بس مو دايما اغلب الهدايا تكون بدون مناسبة بس بالمناسبات ماكووو
مع التحية……….