زوجك والسفر

مساء الخير ياكويتيات اشلونكم
بس حبيت اسألكم عادي ازواجكم يسافرون مع ربعهم ؟
انا بصراحه زوجي بيسافر مع ريفيجه وحدي محتره ومنقهره بموت من كثر التفكير ساعدوني
وعطوني رايكم ؟؟؟

انا اول ما تزوجت ما كان يخليني ومابدي يسافر ألا من جم شهرعاااادي يعني بالعكس خليه يغير ويستانس ومنها تشتاقون لبعض ..
و

عاد لي بغوا يسافرون شدعوه رادين علينا رضينا والا انرضينا

لالالالالا ياشوشو ماعليك من الى يقول عادى خلية يروح منعية وانا اخيتك شالسالفة؟ شنو يسافر مع ربعة ماكو شغل لا تصرين سلبية تقولين شسوى صدقينى الريال مهما كان لازم يحسب حساب حق شريكة حياتة ليش ما يروح معاج شكو مع الصديق؟ حياتى انا عندى حساسية من هالسالفة ما اواطن ريال يسافر مع ربعة وانتى لوعادى السالفة عندج ماخذيتى راينا بس انا اقول منعية بالدلال والدلع عشان مايتعود

اي عادي يااقلبي دام الثقه موجوده ,,
وانتي لا تفكرين وايد واحناا الحريم دايما نفكر انه اذا صارو بروحهم بيسون شي ياقلبي الي يبي شي بيسويه سواء اهني ولا بره

انا بالنسبة لي نووووووووووو ماارضى والله لا يجيب هاليوم ويقولي بسافر لان ادري ماراح يسمع كلامي……….تعاليله بالدلع والمسايسة وقوليله ماقدر اعيش بدونك و……………….و…………..ومن هالحجي يمكن يقتنع ،واذا ما اقتنع شتسوين امرج لله بس لا تتهاوشين معاه بالعكس تحملي والله كريم
ويسخره لج يارب

هههههههههههههههههههههههههههههه ضحكتنى ألى تقولج لالالالا منعي
اي منعى عشان تصير مشكله كبيره بينكم على شى ما يسوى

انا ريلي يسافر مع ربعه و عمره ما نطر موافقتى و كل مره يسافر و انا مو راضيه ان يسافر بس ما ابطل حلجي اسكت و امري لله
بس تعالى شوفى بالمقابل لرجع اشلون يعاملنى و شلون ولهان علي و يشتريلي للاكو و الماكو
و كل يوم يدق و يقول انا زلهان عليكم ودي ارجع
اتصدقين اول ما تزوجت كنت اقوله انا ما احب انك تسافر و كنت اطنقر و اعتفس و كان يعصب
بس بعدين مع الوقت قمت اخلى وضعى عادى و ازهب جنطته و ابخر اهدومه
تصدقين لما شافنى مو متنرفزه و ردت فعلى عاديه قام يسألنى انتى مو متضايقه ؟؟
انتى ما راح تولهين على ؟؟
و قاعد و يسأل حتى والله ان اخر 3 سفرات له مع ربعه يقطعهم و يرجع بروحه بدون ربعه من كثر ما اهو ولهان علينا
و يرجع جنه سنه مو شايفج

اذا اهو بسافر و مو مهتم ان بيهدج هالجم يوم بعد انتى لا تهتمين

بس عندى ملاحظه : ترى اكثر شى ينرفزنى ألى يقولون ان الريال مسافريخربط هالفكره البايخه مادري من وين ياييبينها البنات و وحده اتلقن الثانيه _ المسافر ما يخربط المســــــــــــافر ما يخربط و ألى تشك بهالشى معناها لاقيا عليه شى

انا بالنسبة لي لأ ما ارضى يسافر مع ربعه خلاص ايام العزوبيه انتهت يبي يسافر يسفرني معاه ويونسني ليش يستانس بروحه غير جذي تقوم الحرب العالمية أما في حالة بيسافر حق شغل ممكن اخليه

انا ما احب طاري السفر اخاف
ما ادري اذا عادي عندي والا لأ بس اذا راح البر ابجي لين يرد اخاف

اللي بيخربط يخربط اهني ما يحتاي كل شي موجووووود ومتوفر اهني .. بس من ناحية المبدأ لا ما ارضى يسافر لان اهوه كان اول عزوبي وراح وسافر واستانس مع ربعه .. الحين اهوه متزوج ومرتبط ببيت ويهال يعني مايصير الريال اناني ويفكر بس بوناسته اهوه ويشبب روحه على باله انه للحين عزوبي .. صج مرات الوحده تحب ان ريلها يسافر عشان لما يرد يشتاقلها .. بس انا ماحب فكرة ريلي يسافر مع ربعه ..وصح كلام البنات اذا يبي يسويها ماراح يرد على احد بس هم لازم يحطلج حساب لا تعصبين وتسوينها هوشه وتنكدين على روحج وعليه ولا تصيرين سلبية كل شي اهوه يبيه تقوليله اوكي ومطيعه زياده عن اللزوم لان جذي ماراح يحسبلج حساب بيقول انا حاطها بالمخبه بيروح واهوه مطمن ومرتاح .. لكن لما تكونين مو راضيه ومدلعه عليه ومسايسته واتيين بالكلام الحلو الرومانسي والحركات الدلع والدمعه اللي عند طرف العين .. حتى لو صج سافر لما يتذكر موقفج انج كنتي مو راضيه بس خليتيه عشان يستانس بتكبرين بعينه وبيردلج

وانشالله الله يهدييييهم كلهم ويسخرهم لنا وما يسافرون مع ربعهم بس يسافرون معاناااااااااااااا ههههههه :>

انا لو شنو ما اخليه يسافر الا معاي و الحمدلله اهوا مقدر هالشي قولوا ماشاءالله الله يهديلكم ازواجكم كلكم و ان شاءالله ما يحبون السفر الا معاكم