ريلي ووجهة النظر !!!

يامنتـــداي يسسـ ع ــد صبــاح ــك وممـ س ـــاك ..

اول شي من لا يشكر الناس لايشكر الله ..

وانا احب اشكر كل عضوة استفدت منها بهالمنتدى ..

صار لي فتره اتابع المنتدى عن بعد والحين شاركت فيه ولله الحمد ..

بدش بموضوعي على طول ..

حالي حال أي بنت نفسها تكون وحيدة ريلها .. لكن تأتي الرياح بما لاتشتهي السفن

تقدم لي ريال متزوج .. خووووووش ريال بشهادة اليميع .. اهوه مو من العايله ..

لكن سمعة الريال ومعرفته حيل ظاهره ومعروف ..

ونظرا ان الريال المتقدم ماينرد وموافقة هلي عليه وافقت .. وهذا النصيب مايخيب ..

وتمت الشوفه بعد الاستخاره الحمد لله .. وبعدها الملجه ..

صار لي ملجه الحين تقريبا سنتين .. وانا كنت ابي فترة الملجة تطول عشان اعرف الريال زين

خو هذا زواج مو لعب .. وبعد شريجه .. يعني بقووووه يبي لها تأني ..

طول هالسنتين الحمد لله ماكو أي انتقاد على ريلي .. ولله الحمد

واللي عاجبني فيه انه ماييب طاري مرته الاولى لا بخير ولا بشر

مرات اتصل فيه يقولي انا ويا الاهل اتصل فيج بعدين ..

يعني عاجبني يحترم خصوصياتي وياه وخصوصياتها وياه ..

وانا عمرررررررررررري ماسألته عنها >> منبهه علي امي ..

الين يا اليوم اللي جاني اتصال .. يوم رديت جان تطلع مرته الأولى

وتززززززززززززفني زززف .. كلام كثير وانا ساكته حدي منصصصصصدمه

الين قالت ياأنت يا أنا مع هالريال .. اهنيه رديت .. وانا شكوووو اتطلق عشانج !!

وتكمل ززززززف >> باين عليها حدها قووويه >> الله يعينها على نفسها ..

واصك الخط بويهها .. وانا متنرفزززه وافكررررر وكلي حالة ذهووول ..

بعدها تقريبا بساعه يتصل ريلي .. جان يقول شنو قالت لج ؟!!

قلت يعني عارف انها متصله ؟؟!

قال اي قالت لي واهيه معصبه لكن مافهمت منها شي ..

ولما قلت ايه اتصلت فيني وزفتني .. وقالت جذي وجذي ..

قال ليش ماصكيتيه بويها اول ماعرفتي انه اهيه .. قلت حدي متفاجأه

انا سألته ليش تقول جذي .. قال المره لما يهجرها ريها تطق فيوزاتهااااا وانا هاجرها من شهر

واهيه انقهرررت وحطت الحرررره فييييج …

قلت وانا شكووووووووووووو .. قال ماعليج منهااااا

ومن بعد هالسالفه بدأ يتكل شوي شوي عن مرته .. لكن مو مره .. وانا ماأسأله

عشان لا يكش مني وماعاد يقول ..

بنات مرات احس انه يحرررر مرته الاولى فيني ..

والله والله مو جذييييه امنيتي .. ابي اعيش حياة هاديه .. حدي مااحب المشاكل

صج اخذ حقي بيدي .. لكن والله مو شي اعيش بنكد .. مع اني طالبه بيت بروحي

لكن هذي شكلها قووووية ..

ومره دزيت له مسج .. جان يتصل ويقووول ينننننننن المسج اللي دزيتيه ويضضضضضحك

واهيه يمه بالسياره .. وبعدها اقوله وووي احرجتني لاتعلق على مسجاتي واهيه معاك

حدي استحي ومايصير تقول جذيه عشان مشاعرها .. جان يقول خللللليها تستاهل

اي مره ماتعرف قيمة ريلها تستاهل ..

بنات احسه يحرها فيني .. مع انه مايقول .. لكن كذا موقف يوضح لي

اهوه خوش ريال .. ماادري ليش يتعامل وياها جذيه >> حاسه اني مصدومه منه

ومره يسولف وياي جان صوتها تقوله ييب لنا …. طلبات … جان يقوووم ويركب

السياره وانا وياه ع الخط .. قال ان كيدهن عظيم .. قلت ليش .. قال عارفه اني تعبان وتو راد

وتطلب مني اروح اييب الاغراض بس انا مجعمها والله ماتلقى مثثثثثلي ..

مرات اقول اهيه قوووويه والدليل مكالمتها وياي >> مع اني مااعرفها

واعذر ريلي لما اتذكر مكالمتها ..

ومرات اخاف

خصوصا مره يسولف وياي .. يقول انا والله ماعااااااااد تهمني .. بس عشان عيالي .. >> يقصد مرته الاولى

ويقل المره مثل الجدر .. اذا وسخ ماتطبخ فيه .. واذا مصدي أو قديم تقطه واتخذ بداله >>

انا حددددددددددددددددددددددددي انصدمت وعيوني مبققه >> حتى امي كانت عندي

بعد المكالمه تقلي اش فيج بققتي عيونج .. وانا اسوي نفسي ناسيه .. اقولها متى مو متذكره

بنات والله خووووش ريال .. وفترة الملجه مو قليله ..

مرات اعذره اقول الواحد اذا عصب يقط حجي قوي ..

لكن خايفه تكون وجهة نظرررره ..

ابي مشورتكم .. انا اكبر خواتي .. وخواتي يهال .. وأمي وابوي حدددددهم مقتنعين فيه

ماراح يفهموووووني ..

شلون رضيتي تاخذين ريال متزوج ؟؟
حتى لو اهو كامل المواصفات على. قولتج كونه متزوج يلغي كل مميزاته
وبعدين اذا اهو يقول المرا مثل الجدر تصدي تقطها باجر لا سمح الله صار ماصار وصديتي بيقطج
والاهم من هذا لا تسمحين له يستغلج ويستخدمج حق غاياته يبي يحر مرته فيج
مااقول غير الله يعينج

ماخذه متزوج >> ليش متزوج على مرته ؟ ما سألتي نفسج هالسؤال ؟

سنتين ملجة >> مدة طويله راح عمرج فيها ، اهو مرتاح زوجه وعيال وبيت وانتي بس للسوالف تالي الليل بالحلال

صراحه لازم تأخذين قرار فوري قبل لا يطوف عمرج

اما تكملين اجراءات الزواج أو تنهين هالزواج

ما يصير تتم حالتج معلقه واهو حياته مستقره بيت وزوجه وعيال

لا تلومينها من حرتها وفكري لو انج بموقفها شبتسوين هاجرها شهر وين الشرع اللي مايفهمون منه غير كلمة الشرع حلل اربع وين العدل؟ والمساواة أي خوش ريال الا ياويله من الله عاللي قاعد يسويه فيها طبعا انتي مستانسه لانج توج بس مع الايام راح تشوفينه شخص ثاني وهذا نظامه المره ياخذ عليها مره لو صج في بينهم مشاكل ليش ما يعالجها ليش ياخذ عليها ضرة بس في رياييل مايترس عينهم الا التراب بس صج انا منصدمة شلون رضيتي تاخذين ريال متزوج وبدون علم زوجته سوري على كلامي بس هذا الواقع والله يعينج

لو كل بنت ما تقبل تتزوج ريال متزوج صارت الدنيا بألف خير .. انت حطين نفسج مكانها و شوفي شنو بتسوين !!

هذا قرارج اللى انتي اخذتيه انج ترضين بنص رياال ..

ودامج اجبلتي علي هالقرار يا انج اتحملين اللى اييلج من مضايقات من زوجته او دام انج علي البر تفلين الزواجه دام للحين ما صار فيها يهال ..

الريال زين والنعم فيه ما قلنا شي .. بس تدرين انا ما احترم الشخص اللى ما يحشم زوجته حتي لو كان شايف منها الهوايل ..

لانه حتي لو ما كان يحبها بس تبقي ام عياله وعشره عمره .. المفروض تكون لها الحشيمه والكرامه ومن حقه طبعا يتزوج ثانيه وثالثه ..

لكن حطي ببالج انه الريال اذا ما فيه خير لزوجته الاولي ما راح يصير فيه خير للثانيه ..

مو تقولين انج صغيره وحلوه ترا الصغير يكبر والحلا يروح ..

دام انج اخذتي القرار هذا خلي عندج قرار واحد يا انج تكملين حياتج مع هالريال وهالشي طبعا حسب شرع رب العالمين لاهو عيب ولا حرام ..

او انج تشوفين لج شخص يكون لج بروحج وتشاركينه حياته من الصفر ..

وكلام زوجته لج لا تلومينها ولا تردين عليها ولا تحاولين تستفزينها .. حطي نفسج دايم مكان المجروح وبتحسين بمعاناته .. هذى حرمه وهذا ريلها ابو عيالها وبيوم وليله يتزوج .. شنو بتكون رده فعلها اكيد ما راح تاخذج بالاحضان ..

حاولي دايم انج لمن تتصل عليج وتسفل انتي تسكتين ولا تردين لين تخلص كلامها او انج تسدين التلفون علي طول من غير ما تقولين ولا كلمه ..

وعسى الله يوفقج لما يحبه ويرضااه .

علا يوم بتصيرين جدر مصدي وبيدور غيرج بالميره ههههههه

صرااحه حرني خوش عقليه اهنيج علا اختيارج

حبيبتي لا تلومين المرا فكرة ان في وحده غيرها بحياة زوجها شي مو سهل واهي لما اتصلت و صرخت عليج مو لانه شخصيتها قويه ولا لانها نكديه و تحب المشاكل اهي تبي تدافع عن بيتها و ريلها لانها خايفه يخترب بيتها و يتشتتون عيالها ولو اهي قويه مثل ما تقولين جان ما اتصلت ولا صخرت عليج جان تصرفت بخباثه من غير ما يحس ريلها ولو كانت قويه جان ما سكتت سنتين لو فكرتي عدل بتلقين ان كلامي صح لو كانت شخصيتها قويه و منكده عليه جان ما قدر يكلمج عن المسج الي دزيتي حقه واهي معاه بسياره و يضحك و يقول جدامها تستاهل ما تعرف قيمة زوجها مبين ان زوجته مسكينه مو عارفه شلون تدافع عن نفسها و بيتها بالمقابل مبين ان زوجج مو سهل

والله ماادري بس مااحب الريال اللي يتكلم عن مرته ام عياله بشي شين لو شنو يطيح من عيني
شنو جدر مصدي عيب هالكلام
وانتي بعد لاتسمحيله يقول كلام عن مرته جدامج والله يعينج

كلام منطقي

سنتين ملجه ؟
ويتكلم عن مرته ؟؟
ويقول ما تلقى مثلي ؟؟
و جدر امصدي ؟؟

اسمحيلي !! ما آخذ ريال متزوج جذي

الله يعينج شلي جابرج

مبين عليه يحب مرته وماخذج عشان يحرها بس لانها غاثته مرات

وليش سنتين ملجه شدعووووووه مازهقتو !!؟ ٥ ٦ شهور وملل وزهقه شلون سنتين !!!

مافكرتي ليش تزوج على مرته ؟!! وليش ماتزوجج لحد الحين ؟!؟

شوفي حل معاه

بصراحه اللي أخذ على ام عياله واللي عاشت معاه كل عالسنين ومعاه بألحلوه والمره ياخذ عليها بسهوله أنا لو مكانها اتطلق اللي لقى بديل عني ما بيه يصغر بعيني مهما كان ام عياله وبعدين مرا ولا تامنين غدره اللي غدر بالأولى يغدر بالثانيه هذا لعيب*

اشكر الي ردوا

بالنسبه للملجه هذا شرطي اكون مخلص دراسه ولو عليه اهوه جان من زمان متزوجين

وبالاول والاخير ابي اعرفه عددددل لانه متزوج ومو بالساهل اقط روحي بدون ماعرفه عدل

وبالنسبه للي يقولون ليش وافقتي على واحد متزوج اقول هذا النصيب وبعمري ماحلمت اخذ ريال متزوج

لكن بنات عفيه لاتردين عشانج زوجه اولى وبس هم فكروا فيني .. حطي نفسج بمكاني

بالنسبه للي تقول شلون سنتين ومرته ماتعرف الا مرته تعرف واهله كلهم لكن ماعمرها كلمتني ولاكلمتها

وانا عاذرتها والله ولا عمري فكرت اخذ ريال من مرته .. لكن فهموووني والله النصيب يلف يلف اليما يي

والله اللي رفضتهم وايد خطاب الين مايا هالريال وسبحان الله ارد واقول النصيب

بنات مرات والله والله والله اعذره

انا والله ماادري ليه اتزوج ثانية البيوت اسرار

وانا استحي اسئله

وقلت لكم ماكان يحجي عنها وسالفه مكالماتها لي قريبه وااااايد من بعدها صار يقط مرات حجي عنها

لا اله الا الله والحمد لله

محد طقج على ايدج وقالج اخذي ريال متزوج

ياكثر المطلقين اللي يدورون بنت الحلال ويا كثر العزاب اللي فاهمين امور الحياة وعيشتهم حلوه

رحتي خذيتي متزوج ؟!!!

بصراحه

ماعندج سالفه