|
|
السلام
شخباركم كويتيات
مشتاقه لكم حدي
عندي مشكله واتمنى القي الحل عندكم
وهي ريحة الفم الكريهه
24 ساعه في فمي ريحه كريهه شسوووي والله تعبت نفسيتي من روحي
اقعد من النوم افرش اسناني بقوى نوع معجون ومافي فايده طول اليوم اكل علج نعناع حار هم مافي فايده
دخلت عند الطبيبه الاسنان عطتني معجون وغسول فم هم مافي فايده
نصحوني شنو الحل
انا نفس المشكله وما افكر اروح طبيب اسنانلاني اعتقد انها بالجهاز الهضمي
يعني روحي عند دكتور جهاز هضمي وقولي له مشكلتج يمكن يلقى لها حل
انصحج لا تهملينها
لاني سويت سيرج عن موضوع رائحه الفم وشفت في واحد منهم انهم قالوا يمكن تكون الرائحه نتيجه امؤاض خبيثه
حفظنا الله وحفظك وحفظ الجميع من كل مكرووه
مابي اخرعج لاني انا متخرعه قبلج وابي اروح اتاكد بس محتاره
وين وعند منو اروح ؟؟؟؟
1- اللثه .
2- اللوز أو جيوب انفية
3- الجهز الهضمي ..
روحي اول شي طبيب اسنان وتاكدي من رقم واحد . اذا ماكو شي بلثتج روحي طبيب انف اذن حنجره وتاكدي اذا عندج مشاكل باللوز او الجيوب الانفية أو الحنجرة ..اذا ماكو مشاكل ..
روحي طبيب جهاز هضمي وخليه يفحصج .
يكون في طريقة تنظيف الاسنان انا مريت مثلج بنفس المشكله واخر شيئ استقريت على معجون اسنان اسمه breath x واستخدمت معاه المطهر ومنظف اللسان والله الريحه راحت ومعاه معطر للفم خليه معاج بالشنطه على طول
وبشرينا بالنتيجه
الله يعطيكم العافيه
رحت دكتورة الاسنان وعطتني علاج وارتحت اول يومين بعدها رجعت الريحه
والجيوب الانفيه انا معاي التهاب فيها
مادري يمكن هذا السبب؟
شكلي بروح المستشفى قريب
ممكن يكون من اكل صمون الفلافل والمشكل كل يوم بالدوامات
اكلي خس أو بقدونس يوميا .. منهم ينظفون الجهاز الجضمي .. ويخلون ريحته الفم حلوة
عودي نفسج كل يوم لازم تشربي شاي بالنعناع على الاقل مرة قبل النوم
وانا عندي اضافه بسيطه شربي نسكافيه اول ما تقعدين من النوم وتفرشين .. او في حلاو النسكافيه خليه عندج على طول ,
ومثل ما قالولج البنات نظفي بطنج ممكن ان يكون اكل متخمر!!!
شوفي الخوات ما قصروا بس نصيحه لا تهملين هالشي
و انا اقول احسن شي تروحين طبيب لانها ممكن تكون من مرض لا سمح الله داخل جسمج