رجيم الآيس كريم

بنات ممكن مشاركاتكم

شنو رايكم في رجيم الآيس كريم

سواء باسكن روبنز كي دي دي وغيرهم

صراحه مع الصيف وايد مشجع وناس ضعفوا عليه

انا جربته اسبوع والنشاط رهيب بس ماكنت مسويه رجيم بس مشتهيه آيس كريم

وفي كالسيوم وايد

ويقوي العظام

بس حبيت اعرف السعرات الحراريه فيه

لو ممكن

ناويه اجرب آكل بكميه مفتوحه اشوف شنو يصير

بس ما استغني عن مشاركاتكم

اهوا بدون ماتاكلين وجبات اساسيه ماراح يزيد الوزن

ابي آرائكم وتجاربكم

مو مخرب رجيمي الا برد كي دي دي الفريزر مال بيتنا مترووووس وانا جني منومة تنويم مغناطيسي اكل بدون لا احس

والله ماا ادري عنه بس مااا ادري اخاااف اسوييييه يمكن يمتني اكثر واناا كلش موو ناقصه

لووووووول كوب حليب ضحكتيني بجد

ما الومممممج

احب الآيس كريم

انا سمعت ايس كريم مال ماك اهو زين حق الرجيم

لا من غير لاتاكلين اي شي معاه في اليوم ما اعتقد يزين الوزن

لاني جربته من غير اكل ولا زاد وزني

ايس كريم والله صعب ماادري بتعورج بلاعيمج وبيصدع راسج هههههههه

ما ادري رجيم الاكل الواحد يسبب صداع عجيب ودوخه وعصبيه انا جربته كذا مره ريجم العنب صداااع ودوخه وهبوط ورجيم الكورن فلكس نفس الشي صداع ودوخه

اذا تبين اكلي وجبه وحده خفيفه لايت مثل بورجر وبيض وجبن بدون خبز

مع تحياتي ياحياتي

مزيونه وشقره

انا سامعه عنه بس تري مو اى بريد يصي مثلجات برد قلاصات بس برد الى في كاكاو مثل اسنكر وربعه لا سعراتهم وايد

ما اتوقع انه زيين اصلا علشان ما تخلصون الرجيم الا بلاعيمكم بالقاااااااااااع .. ذ

تقدرين مثلا ما اتعشيين وتاكلين اقلاص برد بس شوفي السعرات الحرارية اول

احلى رجيم لووول صج اني ماجربته بس احب الآيس كريم حديـــ ..

اذا بخاطرج فيه اخذي من باسكن روبنز rainbo هذا مال رجيم وعندهم بعد على جوكليت بعد مال رجيم ..

بس ان طول اليوم آيس كريم لا ماأأيد هالشي لان راح يمرض وبعدين انا اذا حليت جسمي يحتاج موالح !! ف لاتكثرين يعني واحد باليوم ولا كره وحده من باسكن روبنز ..

NoWay2know

مشكوووره حياتي عالرد الحلو

rzaan77

هلا حبيبتي لا انا ما اميل حق آيس كريم اللي على نوع الككاو

واااااايد دسم ماحبه

شيهانه

هلا قلبي

اول شي اقول الحمدلله الحمدلله وماشاء الله من فضل الله علي تعالى
ان بلاعيمي الحمدلله ماتعورني ولا احس فيها وانا طبعي ما احس فيها
الا لو كان نوع توتي مثلج وبااااااارد
بس الله سخر لنا كل شي لما آكل برد ما أكله على طول لا تلاقينه يحتر ويذوب
لان الله خلق اللسان في خاصه تبرد الساخن وتسخن البارد
اللي تاكل على مهلها ماراح يكون وايد بارد بحيث يذوب واهي تاكله

هلا حبيبتي مزيونه شقرا

لا لا اكو نوعين من رجيم النوع الواحد مظلومين واااااايد ان تقولون مو صحي واييب دوخه اهما الزبادي والآيس كريم للمعلومه ان الزبادي القليل دسم او الخالي صحي جدا جدا جدا سوي بحث وشوفي والآيس كريم اللي يحتوي على فانيلا يحتوي على كالسيوم عالي ويقوي العظام

وزين احلف لج بشنو اني جربته اسبوع كامل ماذقت ولا شي غيره وكنت احس بنشااااااااط مذهل بعكس لما كنت آكل ……… نشاط مو طبيعي غير المتعه مع الصيف

الانواع اللي كنت آكلها كلها من شركة كي دي دي

كولومبيا- فيلكا – الشوكلاته اللي مثل نوع فيلكا اموت عليه-سندويتش -بوذهب-كوب حليب – وانواع ثانيه بعد

والنتيجه روعه صحيا ومعنويا ونفسيا

واللي تجرب بتحس نفس الشي

عموما ان جسمي في نقص كالسيوم عالي يناسبني وايد … واي احد يعاني من مفاصل وجذي اكيد يناسبه

للعلم لما كنت آكل احس بكسل وخمول بس والله جد مع هالنظام العكس تماااااما نشاط حتى وانتى قاعده تحسين طبعا ما تحسين الا بعد التجربه

وطبعا اهوا رجيم اسبوع واحد فقط يعني 6 ايام ويوم تفتحين فري وترجعين

بس حبيت اأكد لج مافي دوخه بالعكس بالتجربه تحسين هالشي

بس للامانه ماكان يدخل معدتي شي غير الآيس كريم طول اليوم + المااااي

فقط لاغير

اكيد اللي راح تخلط نتيجتها بتكون غير وحتى احساسها

اي والله احلا رجيم لووول

والله ماشفت منه الا العافيه والله … واعلى نسبه في اللي آكله اهوا الحليب

وانا ما جربت باسكن روبنز كله من كي دي دي لول اعشق منتجاتهم من الطفوله

المره اليايه راح اجرب باسكن روبنز للقائمه

واحس صحيا انا مع هالنظام احسن مليون مره من الاكل … اصلا الاكل لو ماكان صحي فواكه وخضار ومأكولات صحيه سواء بحريه او خاليه من الدهون

راح تمرضني اكثر

تحياتي