دورات لتصاميم الشوارفسكي؟؟

انا بخاطري ادش معهد يعلم اني استخدم احجار الشوارفسكي على اي قطعه من اكسسوارات ( تراجي -سوار – خاتم ….) ملافع- جناط – جواتي عزكم الله بواكه يعني اي اي اي شي يخطر ببالج

والصراحه لقيت مكان مو عجييييييييب الا توووووب ويعلمج من الصفر يعني يعلمج اشلون تصنعين الاكسسوارات من صهر المعدن وتشكيل المعدن وتزيينه بالاحجار سواء احجار عاديه او شوارفسكي والمكان هذا بعماره ورا فندق النخيل الي بالشعب اعتقد، في ورا عمارتين زرق وحده مزن والثانيه مادري شنو نسيت بس المكان هذا بعماره مزن والمصمم لبناني مشهور بس هم نسيت اسمه ( عيل اشحقه كاتبه الموضوع دام اني ناسيه كل شي ) المهم

سعر الدورة اشوي غالي بس يسوا يستاهل اتقطين فلوس علشان يطلع شغلج بهذا المستوى بس المشكله مو بالفلوس ولا جان دخلت وسجلت عنده ، المشكلة بمكان الدورة الصارحه اهي شقة صغيرة صغيرة صغيرة حيييييييل اول مارحت استغربت انهم قافلين الباب عليهم واني طقيت الجرس علشان ادخل واستقبلتني فلبينية بنفس الغرفة الطوفه مالتها كلها جام وصاير جنه في باب سحري ( حلوه صح ) المهم فجت الباب ونادت المصمم ودخلت معاه داخل عند مكتبه الصغيييييييييييييييير

هذي اهي المشكله اشلون اروح مكان عام يعطي دورات قافلين الباب عليهم يعني الوحده تدخل وتخاف شنو يصير داخل لا تقولولي يكمن الوقت مبجر ولا متاخر يوم الي رحت لا كان الصبح الساعه 11 او 10 يعني مكان عام بتكون بيبانه مفتوحه والله انا ودي اشترك بس خايف هذي مشكلتي

انا اقول الي تعرف مكان على مستوى راقي جذي ويكون مكان عام ومعروف لا تبخل علي

شفت الاعلانات الي يحطونها بعد الي بجنوب السرة بيان وباقي الاماكن من بيوت او خدمه مجتمع بس احس مو بمستوى الي قتلكم عليه ابي شي رااااقي

عيل خل اقولكم على هذا المكان والله شغلاته حلوه واعجبتني بس للاسف مايعطي دورات وانا ادري انكم مارح تطوفون هذا المكان ( اعرفكم ) شركه Elegant لتصاميم الكرستال الفاخرة لكل شي هذا موقعهم دخلو وشوفوا وعندهم رقم التلفون
×××××××××××××××