دوا يمنع الجدري او الـ chicken box سمعتوا عنه ؟

ذاك اليوم كنت موديه ولدي الهادي و شفت اعلان صوب عيادات الاطفال بس ما مداني اسأل عنه دوا او ابرة تنعطى للطفل تمنع عنه الجدري او البشنيتر نهائيا ! حبيت اسأل اذا في وحده عندها خبر عنه؟

حبيبتي اهوا ابرة تطعيم ياخذها الطفل وتعطيه مناعه واول من يابها الكويت انترناشونال اكلينيك بالسالميه

واتدرين اذا زينه ولا لأ ؟؟ لها مضاعفات ولاشي

انزين تمنعه لي متى ؟؟؟؟
لانها اذا مؤقته مو زينه لانه العنفز اذا يا على كبر يصير قوي فاحسن اييلهم واهمه صغار كلها اسبوع ويبتدر يروح منه

اللي اعرفه ان عيال امريكا يعطوهم وعادي محد اشتكي لي

ايوه انا اولادى مطعمتهم بالابره هذى والحمد لله ماشتكو من شى………..
وهى اتوقع انو مايجيه للابد الchicken box

تروالي حتي لو مطعمين اتوقع راح اييهم وهم كبارمثل( خواتي وحده ياها بسن 30 ووحده بسن 18 )
الله يستر بس اللي اعرفه اذا صار باحد من العيال تقدرين تروحين عند الدكتوره اسيل الخطيب وتعطيج ابره مضاد علشان يخفف ويروح بظرف يومين او ثلاثه بشهادة رفيجتي
بشرط ضروري يكون في بدايتة مراحله

انا سألت عنه الدكتور اللي بالهادي قالي بلاش منه قلتله ليش قال لان هذا التطعيم لازم يتجدد كل سنتين وليمتى مثلا ليما يصير عمره 80 ؟؟؟!!! قالي هو هقيلو حيقيلو وهو صغير احسن من هو كبير .. لووول قمت اتحجى مثل الدكتور مصري

انا هذا اللي كنت بتأكد منه انها مؤقته لا اذا جذي بلاش منها هيهيهيهي بحوشا اللي حاشنا وماعليه شر انشالله
بس انا سألت لان دايما اخاف انها تكون شغله مهمه حق ولدي و انا ماهتميت فيها و يأنبني ضميري بعدين

ام بناتي لالا هذا الدكتور مايدري وين الله قاطه

التطعيم تاخذينه مره وحده بس ويطعيج مناعه للابد

انا ولدي كان مفروض ياخذة قبل اسبوعين بس صارتله حراره واجلته

وترى هالتطعيم ياحذونه بوايد دول

بنتي يبتها بسنغفوره قالولي لي كملت سنه عطيها

الوقايه خير من العلاج الجدري انواع وفيه انواع جايده تدخل المستشفى احسن الواحد
ياخذ وقايه منه

شوفي حبيبتي انا سالت عن هالابره لان عيالي صار فيهم بس ريلي موصاير فيه ولما رحت الهادي سالت الدكتوره جان تقول تمنع ولكن موقته واحتمال يصير فيه ما اضمن وفي دوا لا تاخذينه مع اول حبه للجدري وما شاء الله ما تشوفينه انتشر كلش وتفتكين

عاد انا ولد اختيي اخذ الابرة هذي والحين فيه عنقز

غريبة حتى مستشفى الشركة (( النفط )) مستغربين

أنا عني ما أنصحج لأني توه ولدي الشهر اللي طاف عنقز جان أطيرلج على مستشفى خاص أطعم بناتي و قالي ترى على مسؤليتج لانهم بمكن يعنقزون اذا حاملين المرض من اخوهم ما اضمن لج انهم ما يعنقزون جان اقوله طعمهم بس فكني و قالي ثانيا هذا تطعيم مؤقت لمده أقصاها 7 سنين و بعدها لازم تطعيم ثاني قلت حزتها كبروا يقدرون يشكون شنو فيهم لانهم توهم بالروضه و كلامه هذا اكده لي حماي لان ولده مطعمه بأمريكا و قالوا له ما يمنع المرض بعد 7 سنين ..يعني نصيحتي خل يعنقز و افتكي …نسيت أقولج انه بنتي عقب ما طاب اخوها عنقزت بس ع الخفييييييف حبه بظهرها و حراره يومين مو مثل حمود استوى اسبوعييين