|
|
قوه بنات
كل عام وانتوا بخير
طبعا الاحد دوامات الجامعة
وراح تبدي الدراسة ونبدي معاها الحرب النفسية والعقلية والامتحانات ولوية الدكاترة
ولان التفوق والنجاح اهو هدف الكل يتمنى يوصله مع ان تحوشنا ساعات حالات الكسل والملل
لازم نحاول ونجاهد عشان نحقق اللي نبيه وماكو شي ايي بالساهل
وعلى قولة المثل
من يزرع يحصد 
المهم ادري طولت عليكم
ابي كل وحده تدخل وتكتب تجاربها وعادات حلوه اهيا تسويها بالدراسة او شي مفيد يفتح لنا ابواب التفوق
انا عن نفسي
اكتشفت ان لو تحضرين كل المحاضرات بالكورس وما تهدين ولا محاضرة حده راح يرفع المعدل وبصير لج ويه اخر الكورس عشان يرفعج الدكتور
وشي ثاني انج تكونين كله قاعده جبال الدكتور بالكلاس وتخلينه يحفظ ويهج وايد يساعد
ثالث شي وجربتها بالصيفي اذا عندج تقارير بشكل اسبوعي يعني كل اسبوع تقرير او شي حاولي تخلصينه بنفس اليوم اللي يطلبه منج الدكتور وخشيه عندج لي وقت التسليم لان حدج راح ترتاحين ودائما حافضي على الترتيب وتفنني كثر ماتقدرين جنج بالمدرسة لان هالشي له اثر على نفسية الدكتور طبعا انا ماعلي من نفسيته بالطقاق بس اهم شي الدرجه 
ورابعا واخيرا
اذا طلب منج الدكتور تقرير اول الكورس ويبيه اخر الكورس لا تستعييلين وتودينه لان انا كنت بسوي روحي طالعة فيها ووديته اول ماطلبة يوم صار اخر الكورس جان يقولي وين التقرير ؟ وخلاني اسوي تقرير ثاني غصبن علي 
يلا يا حلوين الحين دوركم
كل وحده تكتب تجاربها
ويليت القى تفاعل ويعجبكم الموضوع 
عالقوة حبوبة
وانا أقول أهم أهم أهم شي حضور المحاضرات
لأن لو لا سمح الله حق الامتحان ماقدرتي تدرسين عدل
بتذكرين حجي الدكتور بالمحاضرة وتحلين عدل إن شاء الله
وبالنسبة للريبورتات والبحوث
من أول ما يطلب إبدي يمعي الكتب والسايتات اللي بتكتبين منها
وعالراحة بلشي فيه عشان ما تحاتين إذا حدا حدا وتسوينه أي شي وبسبب ضيج الوقت تسلمينه وانت تحسينه ناقص أو مو مقتنعة فيه
هذا والسلام عليكم ورحمة الله وبركاته
وللعلم_ أنا متأخرة بالجامعة وأكل الدهر وشرب علي ولا متفوقة ولا شي
:)
وموفقييين ياربي
ويوفقني وياكم وأففففتك!!
اعرف بنات كل يوم يروحون يسلمون على الدكتووور
واااااااي طبعا انا ماسويها
وآخر شي a يبرررق .. يبه خل نتفاهم ^_^ ابي ايه مثلهم
طاف طاف .. لأنه مايعرفني .. ^_^
اثبتي نفسج بالتزامج قعدي جدام وشاركي ..
شغلج جهزي من الاول يعني جهزي الكتب والسايت مثل ناقالت الاخت اللي نكها صعب ليش ماتحطون نكات بالعربي راعوني اهي اهي..
وسوي اوت لاين للبحث او التقرير وايد بيقيدج و يسهل عليج المهمه.
اذا كميه الماده كبيره قسميها ع كذا يوم..
واوو نسيت ..
صكيت ع ام سلوم..
لي تذكرت شي برد ان شاءالله..
>> تفلسف وحده مو متفوقه
للامانه كل كليه ولها طريقه خاصه في التفوق
يعني الكليات الادبيه تحتاج مشاركه فعاله في الكلاسات يعني ضروري المشاركه والافكار في الصف
بخصوص الكليات العلميه في سلاح سري وهو "الكتااااااااااااااب"كل ماتخلصون درس اقري الكتاب كلمة كلمه وخاصه اذا كتاب انجليزي حطي جدامج المعجم وترجمي الكلمات الصعبه عليج
مو بس تتفوقين بهالطريقه الا تكونين اعلى وحده بالشعبه
وانا مجرربببببته هالطريقه
واتمنى من الكل اللي تكون طالبه سواء مدرسه او جامعه الله يسهل عليها دراستها ووتتفوق وترفع راس اهلها بنجاحاتها وتفوقها
امين يا رب العالمين
ويلاا وينكم بنات شدعوه ماكو احد متفوق
طبعا مع الدراسه