دكتوره الاطفال تقول لاتسبحين البيبي بشامبو ولا صابون

انا ولدت برويال حياة و اول ما ولد ياتني دكتورة الاطفال ما اعرف اسمها تطمني بعد فحص البيبي جان تقول اول 3 شهور تخيلو ثلاااااااث شهور لا تسبحين البيبي بصابون ولا شامبو ولا تحطين له بودر ولا لوشن بس ماي خالي واذا بتدهنينه دهنية بزيت يتون او اي زيت نباتي
علشان جسمة ما يحسس

واااي من صجها

منو مرت عليه هالسالفه اتهقون صج كلامها اولاء مو داخل براسي و حلات الياهل ريحته شامبو وبودر

الدكتوره مو متحجبه وكانها لبنانيه او فلسطينيه ؟؟؟؟؟؟؟؟؟؟؟؟؟؟

إية اهيا مو متحجبه

ليش قايله نفس الكلام لج

لا لما طلعت مع ولدي وشافتي بالمصعد وتعصب ليش شايلته جذي وتعطيني كلام مامنه فايده وبالمراجعه لما طهرت ولدي كانت عندها مراجعين وحده عصبت تقول شنو هذي كل شي ممنوع

ترى مواعيدها الصبح ودكتور سليمان العصر

انا قلت لهم مابيها خلوني على دكتور سليمان وايد حبوب وطيب

المهم ماعليج منها عيل شلون راح ينظف البيبي وشلون بتروح القشره من راسه؟؟؟؟؟؟؟؟؟
اختاري نوع شامبو ممتاز و مثل عندج سيباميد وايد ممتاز للبيبي

تذكرت اسمها
رنا………………………اذا ماني غلطانه

لووووووووول ماكوا شغل
اصلا دكتور سليمان برويال قالي
سويمساج حق ولدج بيبي جونسون البابونج الي مثل الجل لانه يرخي الاعصاب
ويريح البيبي وكان عموه ايام

شلوووون ينظف جذي تتكود الجراثيم عليه ويمررررض ؟؟

لااااااااااااااااااااااااااااااااااااااااااازم يتسبح

اي والله شلون يصير نظيف يعني اذا بماي بس لاصابون ولا شامبو عيل ليش في صابون وشامبو مال البيبيات
الظاهر عشان نشتريهم ونصور معاهم لووول

اي انا ولدت في حيات ونفس الشي قالولي

بس امي سبحتها وقالتلي موزين البيبي

مايتنظف

ماعليج سبحي البيبي بس لاتكثرين

أول مرة أسمع إن البيبي بالأربعين مايتسبح إلا بماي!!!!
ما عليج منها سمي بالرحمن وسبحي ماكوإلا العافية إن شاءالله

عندهم دكتووره استشاريه اسمها نسرين الخطيب .

لا اتوقع دكتوره نسرين

اسم الله على عيالنا طووول عمرنا نسبحهم ونغسلهم وكاهم ماشاء الله رياييل ..

ماعليج منها سمي بالرحمن وسبحيه

واااي شهالدكتوره المعقده

منصجها والا تغشمر

عيل اخلي الياهل يقطن وريحته تفوح

ياحلات ريحه الحونسون والبودر على البيبي شيبون فيها روييال صج دكاترتهم اي شي