دكتور التجميل د.عبدالناصر

بنات حبايبي انا امس كنت عن دكتور عبدالناصر قريت عنه بالمنتدى و قلت اروح اشوف بنفسي
الحمدلله الدكتور استقبلني من احسن ما يكون و كان وايد محترم و اسلوبه راقي بالكلام
و اول سؤال سالني قالي شنو اللي مضايقج شنو تبين اساعدج فيه يعني خلاني اقوله شنو ابي و شرحلي شنو يقدر يسوي عشان يساعدني
ماقصر الصراحه و فوق هذا السعر اللي عطاني اياه والله العظيم اني استحيت اكاسره انا قبل هالمره رحت حق رويال حياة و استانست عليه الدكتور ممتاز بس ماقعد معاي الا 5 دقايق و مشى و صكوني سعر اووف
هذا سوالي ويهي وايد احسن لأنه قعد معاي و شرح لي شنو احتاج
سويت ابر تحت العين
سويت بوتكس
سويت فيلرز
سويت ابر نضارة
هذا كله ما اخذ وقت
و عطاني سعر ابر النضارة هدية من عنده بعد الصراحه ما قصر
امس كان ويهي شوي منتفخ و تحت عيني منتفخ بعد شوي و خفت انه ما يروح او يكون ويهي صوب و صوب
و لما قعدت من النوم شوي ويهي كان مشدود مكان الابر
بس بعد ما قعدت من النوم بجم ساعه صار ويهي طبيعي و تحت عيني بين شحلاته خف السواد و خف الحفرة اللي تحت عيني انا اول مره اخذ ابره تحت العين و شكلي راح اخذها على طول
و الفيلرز انا مسويتهم من قبل الحمدلله نفس النتيجة بالضبط بس السعر نص السعر اووف اكيد بروحه و مو بس السعر الدكتور شاطر
و شنو سويت بعد ايييه البوتكس عاد هذا ماراح يبين الا عقب جم يوم راح اقولكم النتيجة وقتها
و اخذت ابر النضارة احس ويهي شكله احسن بوايد بس الدكتور قالي بعد يومين راح تشوفين النتيجة شلون الفيتامينات راح تعطي رونق
وانا مابي ولا شي غير اني افيدكم لأني كنت اخاف اروح حق اي طبيب الصراحه و بتقولون دعاية انا راح اقولج مافيها شي اسوي دعاية حق شي انا جربته بنفسي انا ابي غيري يستفيد
و فوق هذا تقدرون تروحون له استشارة من غير لا تفتحين ملف و سولفي معاه و لا تدفعين شي اذا ارتحتي اوكي و اذا تضايقتي لا تروحين
و انشالله غير من البنات يستفيدون على فكرة الدكتور تخصصه عمليات تجميل شفط و شد و هالسوالف فالصبح كله عمليات اذا تبون روحو له العصر
و من غير واسطه صدقوني ماراح يقصر بالفلوس
و انشالله تعم الفايدة على الكل

ماشالله عليج شلون تحملتي الابر على وجهج بس عليج بالعافيه حبيبتي اهم شي انج مستانسه وعاجبتج النتيجه

عليج بالعافية ومشكورة

حبوبه وين عيادته وبكم سوالج ابر النضاره وبين عليج النضاره وطلعت اثر ابر النضاره على وجهج يعني مزورق او تفخ ادري سألت واااجد بس تحمليني ياقلبي

بالتوفيق حبيبتي والله يجزيج الخير

هلا حبيباتي والله مافي شي مكان الابر نفس ما قلت لكم
و النظارة كلش ماكو اثر بس اعتقد مكان كل قزة كان نقطة دم يحط عليها شاش على طول يمسح بسائل في كحول بس ما يحرك بالعكس بارد حلو
و لما طلعت من عنده ماكان في شي مكان النضارة كلش بس مكان ابر العين هو الشي الي كان وايد مبين و منتفخ
بس الحين انا عادية كلش خواتي مرني اليوم قالولي شكله ويهج حلو و متنان ههههههه
ليش راحو الخطوط اللي طالعين جنبين الحلج
هذول وايد كانو بايخين خط طويل من خشمي على جنب لي تحت نفس خطوط الضحك هذول باي باي
بس بنطر بعد يومين و اقولكم التطورات
حبيبتي عيادته في بوشهري كلينك صوب مصور اشكناني عرفتيه و ماعليج من السكرتيرة مالته انتي اذا اتفقتي معاه هو السعر عليه
اتصدقون ما انتبهت اشكثر اخذت ابر الا الحين هههه اكيد شكة الابره تعور هو يحاول ما يطول فيها بس النضارة على فكرة كلش ماكو شي اقل من دقيقة لأن يقز بوز الابر نتفة بس سطحية حيل و بسرعة فتخيلي ابرة النضارة كانج قاعدة تحفين و خلاص بس ابر الفيلرز اهي اقوى شي هي عورتني شوية بس
بس على فكرة انا ما اخذت جل مخدر لأني على اخر شي قلت ابي نضارة
انتي اكيد راح يحطون لج جل على ويهج مخدر و بعدين يعطونج الابر
اعتقد ابر النضارة ب30 او 40 مو متاكدة بس انتي سالي شوفي بجم يعطيج اياها

حبيبتي ادري غثيتج بس اي منطقه العياده ولو ماعليج امر يكون الوصف دقيق شوي وعيادته زحمه والدكتور شنو كويتي ولا مصري بصرااااحه ابر النظاره داااشه مزاااجي من زمان وانتي شيشتيني

عيادته في بوشهري كلينك جنج رايحه مصور اشكناني بحولي حبيبتي عاد انتي و حظج على طاري الزحمة انا يوم رحت كنت اول وحده و هو مو كويتي مصري مع اني انا كنت سوري على الكلمة ما اقصد اجرح اي احد بس كنت ما اثق الا دكتور اجنبي مع ان مو شرط الاجنبي احسن من العربي بس صارت لي تجارب مو تجميل لا بالصحة وايد تمشكلت فتعقدت و هذا الدكتور حل عقدتي
الحمدلله ثقة و النضارة مو خطرة
انا مافي مكانها اي اثر والله ماكو شي لا تخافين و سمي بقلبج انشالله ماكو الا العافية
الدكتور هذا ياي من المستشفى السعودي الالماني و متخصص مو اي شي
و شكلج اذا استانستي عليها راح تاخذينها على طول انا شريت كريمات غالية شوي حق ويهي ابي نضارة صج زينة و ممتازة بس ياخذ وقت والله
هذي الابرة تعطي نتيجة فوري و خصوصا لما اخذت شور صار ويهي اينن ودي اقرم خدي من كثر ما استانست عليه هههههه
انا بالنسبة حقي صار لونه حلو على وردي و صار لون بشرتي اصفى
امي صار لونها افتح شوي مع انها ما تفتح بس تعطي نضارة بس هي صار معاها جذيه الظاهر بشرتها استانست وايد لأنها امي اهملتها صج
و مو خسارة قبل كل مناسبة او بين فترة و فترة تسوين اعتبريها فلوس تنظيف بشرة

ياااااااابنت كااافي لاتخليني اقعد عند بابه الحين
مسويتها مسويتها بروح بشرتي صايره لووووعه معاااااااانااااااااة مع هالبشره

صج بسالج عادي اروح بمكياج ولا لازم بدون مكياج
ادري لعنتي ابو اليوم اللي حطيتي فيه موضوع ؟لوووووووووووووووووووووووووووووووووول

حبيبتي مبروك عليج البشره النظره وانا كاتبه عنه موضوع كامل هالدكتور اهو ودكتور اشرف اللي معاه لاني مسويه عندهم شد وشفط وتكبير صدر والفييس كله لعب فيه لعب بابر النظاره وتحت العين والبوتكس وخلاني انسانه ثانيه الله يعطيه العافيه وانا كاتبه لحبايبي بنات منتدانا الغالي اللي تروحله وتقوله انا من طرف منتدى كويتيات اومن طرف حرم الحوت لازم يعطيها خصم محترم .

مو انا رحت عشان قريت موضوعج هو اللي شجعني و ما قصر معاي خوش ريال
و انتي بعد عليج بالعافية حبيبتي
الحمدلله طحنا لنا على شي زين تصدقين من فرحتي ابي افيد البنات يروحون يقولون عني مندوبة والا ابي عمولة شكو هذا جزاي ابي افيدهم والله و حتى بس كتبت تجربتي و اللي تبي انا ادليها لأن في بنات يبون و ما يدلون عرفتي
الله يسامحهم

لا حبوبة انا رحت من غير لأن بيحط لج كريم مخدر على ويهج و بعدين راح يمسح ويهج بجيل معقم مكان الابر عرفتي ما ينفع و اذا من غير مكياج يشوف الاماكن اللي محتاجه شغل

عليج بالعالفيه

بجم ابره تحت العين ،،،، والبوتكس بعد بجم سويتيه

بوشهري كلنك مو بالسالميه بعد حديقه الشعب ولا غير ؟؟؟