|
هالووووو صبايا
كيفيكم وشو اخباركم
من زمان ما حكيت معكن ومن زمان (خبري) بالمنتدي
خل اعدل لساني لأن قمت اقط بدليات
المهم
طبعا درسي النموذجي مخصص لمعلمات مرحلة مميزه وفريده وهي رياض الاطفال
طبعا كل وحده جربت الدرس النموذجي وغثاه والنفسيه اشلون تصير من يقولون لج نبيج تقديم درس نموذجي (يعني نموذج درس)
والغالبيييييييييييييييييييييييييييييه العظمي من المعلمات على بالها انها تبتكر من مخها شغله وتقدمها وتبهر فيها زميلاتها والمسؤولين وبالطقاق بالاطفال ……….أهم شي وناسه الكبار
وطبعا هذا غلط في غلط
حبايبي….المقصود من عنوان موضوعي هو استفادتكم من المعلومات اللي راح اسردها عليك بناء على خبرتي ومعلوماتي
وبما ان في موضوع قاعد يتأمرون عليه بليل السيدات الفاضلات من خلال ادخال العربي والانجليزي والرياضيات بالرياض فأحب اوضح لكم هالشغلات الخافيه عنكم وهي:
الدرس النموذجي يكون بالاشتراك مع مشرفتج او الموجهه وتكون اهيا اللي ترسم معاج تسلسل الدرس والوسائل اللي تستخدمينها يعني لاتخبين روحج بروحج وبالاخير شغلج غلط يا ابله
الهدف من الدروس النموذجيه هو نقل خبرات للأخرين سواء كوسيله تعليميه او طريقة درس او او او طبها يعتمد نوع الهدف
واغلب المعلمات يحبون يحضرون دروس يستفاد منها مو دروس تكلف المعلمه فوق طاقتها
طبعا الدرس النموذجي يعتبر اسلوب اشرافي يعني طريقه تستخدمها المشرفة او الموجهه لنقل الخبرات للمعلمات ومن صميم مهام المشرفه الفنيه وفي توصيفها الوظيفي يفترض انها تقدم الدرس النموذجي اذا استدعت الحاجه لذلك….وعمرنا طبعا ما شفنا وحده تقدمها
والاساليب متنوعه مثل الزيارة الصفيه يعني زيارة المشرفه لج بالصف يعتبر اسلوب اشرافي وطبعا الهدف هو معرفة وضعج ومساعدتج لكن اصحابنا مو فاهمين ومشتغلين تفتيش وتخرع في الابلات هههههه
وعندنا بعد المؤتمرات وورش العمل والنشرات كلها اساليب اشرافيه الهدف منها مسااااعدة المعلمة بس ربعنا شاطرين في نشرات الويل والثبور لكل من تسول لها نفسها بالجلوس في ساحة الالعاب وقت الفرصه خخخخخخ
الزبده………. لا تتضايقون من الدرس النموذجي إذا تم الطلب منك تقديمه واشترطي انها تكون معاج(المشرفه او الموجهه) خطوه خطوه لأنج تنقلين فكرتها ولازم كل درس نموذجي له هدف (يعني مثلا تدريب المعلمات عل كيفيه استخدام الالعاب الشعبيه كأسلوب لعب لتعلم الاعداد)
أدري موضوعي حده بايخ وما توقعتي ان هذي اخرتها هههههه بس ما عليه عالاقل صارت عندكم معلومه جديده عن الاساليب الاشرافيه
يعني لما احد يقول لج الاسلوب الاشرافي تعرفين ان قصدهم الدروس النموذجيه وورش العمل والزيارة الصفيه………. الخ
وشكرا على حسن استيعابكم
والله يوفقج ويسهل عليج درسج يام سعود ..
بس للأسف الواقع شي ثاني
سبحان الله احيانا يكون الدرس النموذجي فرض على المعلمة
لكي يكون مشنقة لها امام الكل
جربت في سنة كتبت الدرس ووافقت عليه خطوة خطوة
اللي حصل انه وقت تطبيقي للدرس طلعت روحي من التأجيل وبعد ما انتهى الدرس
انصدمت من سيل الانتقادات اللامنطقية من السيدة مديرة الروضة
و خلت الدرس { بيزة ما يسوى } وخلتني أنا طبعا أي كلام يا عبدالسلام
بطلت حلجي وقلت الدرس كله كان تحت اشراف ومتابعة المشرفة فقالت المشرفة لاموصحيح :/
انا هني قلت كلمتي المشهووووووووورة بس بيني وبين نفسي
حرييييييييييييييييييييييييييييم محرومااااااااااااااتن من الجننننننننننة
وتبين الصج كرهت الدروس النموذجية
لأنه اكتشفت بعدين انه الناظرة طلبت مني درس حتى تمسخرني امام الكل ههههههههههههههه
فحشمت روحي ووفرت مجهودي وتعبي
مع العلم
انه انا واعوذ بالله من كلمة انا
مدرسة ممتازة ومتميزة بعد ولله الحمد بس مو بنظرها هي او غيرها
كله عند رب العباد مايضيع ان شاء الله نلاقيه بوقت العازة بيوم الحشر يوم النصر لكل مدرسة مظلومة تشوف حقها بميزان اعمالها
خووو الدروس النموذجيه عشان شنو ؟؟ ترا فيها وايد شغلات حلوه منها انج تشووووفين عيوبج وتصلحينها
يسلموووو حبيبة قلبي معلمة روضه
الله كريم يعطيك العافيه يالغلا