د. نجمة – السلام، استفتاء؟

شوفي انا ماولدت عندها بس قاعده اراجع عندها بالبداية كنت مستانسة عليها بس لي الحين صدت عليها شغلتين مو شيئ
اول شيئ قايله حق وحدة من اهلنا ان مشيمتها نازله وقالت لها عادي ماقالت لها ارتاحي وانسدحي ولاعطتها اجازة حتى
عقب ردت لها قالت ابي اجازة قالت ميخالف ولاتمشين وايد ولاتركبين دري اوكي عقب شنوو!! لو ماسألتها جان طاف ماقالتلها شيئ

المره الثانيه صارت وياي امس رايحه المستوصف اشوف تحاليلي ولاا الحديد نازل عندي لي 75%
واستغربت الدكتورة سألتني انتي تاكلين المالتيرنا مع الكالسيوم قلتلها اي الطبيبه قايله لي عادي قالت شهالطبيبه!!

طبعا نجمة

كنت سألتها عادي اخذهم مع بعض جان تقول عادي مافيها شيئ !!!

واكتشفت امس من طبيبة المستوصف ان اذا كليتهم مع بعض ف اهما يبطلون مفعول بعض تخيلي وانا صارلي شهرين استخدمهم

ف مادري انا الحين بادية اكش منها للاسف

بس بالنسبه للولادة بمستشفى السلام بشكل عام انا ولدت عندهم قبل سنتين كانو واااو روووعة شيئ مو طبيعي

الكل السسترات والدكاترة وولدوني دكتورات الطوارئ وحدة باكستانية ووحدة بحرينيه اتينن تنحط ع الجرح تبرى بصراحة

ف شوفيها والله يسهل ولادتج ولادتي وكل البنات ياب

مشكوووره حبيبتي على ردج ….

انزين منو الدكتوره اللي ولدتج قبل؟

أنا أهم شي عندي الولاده …

عسى ربي يسهل عليج يارب وعلي وعلى كل حامل ولادتها … ويرزق كلمن يبي الحمل …الحمال يارب

والله والله مو عارفه اسمها بس بوصفلج اياها
اهيا بحرينيه وعندها حبة خال تحت حلجها لوول طاع الوصف ويها حده سمح ماشاء الله
وكانت تهديني بوقت الولادة وتقرى علي
خوووش وحدة كانت بصراحة
انتي سألي بالرسبشن ماكو غيرها بحرينيه على ماعتقد

مشكووووره حبيبتي .. الله يرزقج اللي تمنين

انا كنت اراجع عندها بآخر حمل
بس عيبها تاخذ اجازات وايد يعني لا تعتمدين تكون عندج بالولاده
وبس

منوره شخبارج
تذكرت سوالفنا قبل مالت الحمال

الله يتمم عليكم حملكم وتولدون بالسلامه

مستشفى السلام وايد حلوة رعايتهم بس اختي اول ما راجعت عند د نجمه من دخلت عليها واهي بالتاسعمن الشكل قالت لها راح تولدين قيصرية , واختي كانت بجر تخيلي وضعها بس ,, و الحمدلله اختي بعدين ولدت طبيعي عند ليلى اشكناني

اي نجمه ذكرتيني باللي مضى شوفي الله يسلمج نجمه تحب القيصريات حدها وماتصبر انا ولدت عندها قيصريه على طول قررت لي قيصري وماصيرت علي اما السلالالالام واااايد ممتاز يعني بصراحه ماعليه كلام من ناحية جميع الجوانب الرعاية الدكاتره السسترات الاكل ممتاز والله يسهل عليج حبيبتي في دكتورة اسمها منال زهدي بعيادة جنيين بالسلام ممتازة وبنت خالتي اولدت عندها وانا كنت اراجع عندها قمة بالتعامل ويقولون خياطها روعه وبسرعه تطيح الغرز وتصبر على الوحدة يعني ماتحب القيصري الصراحه انصح فيها وبقوة والله يقومج بالسلامة يااارب

اى صح حتى انا مااعرف اسمها بس عرفتها من حبه الخاله امبيه بصراحه اتهبل اشوى عليها

وااى بصراحه كانت تقرى على واتهدينى وانا حدى دايخه اقول لها ماعطونى ابره مالت الفخذ واتزف السترات والسترر مسكينع عطتنى الابره بس كنت ابى وحده ثانيه

بس بصراحه حنونه واتهبل

وبالنسبه حق مستشفى السلام بصراحه ماعيها كلام شى مو طبيعى العنايه والاهتمام والسترات

بالنسبه حق نجمه ماانصحج فيها اتموت على القصريه وولدتنى بجرى قصريه مع انه حوضى مافى شى والحمدالله الثانى ولدت طبيعى

بالسلام طبعا الى مااستغنى عنها لكن مع دكتوره معصومه

أنا ماجربتها شخصيا بس أسمع يمدحونها ويقولون تصبر عالوحدة تحب تولد طبيعي

انا راجعت عندها مره وحده وارتحتلها حييل وعجبتني بس المشكله اني كنت ناويه اولد بالسلام والحين غيرت رايي واهيا بس بالمستشفى تولد فغيرتها بس اللي سمعته عنها يمدحونها ويقنولون وايد زينه بالولاده والخياط بس ماجربتها لاني بجر والله يسهل علينا
شوفي انا حست حق وايد دكاتره واخر شي اللي ارتحتلها كملت وياها وانشالله ناويه انها تولدني في ناس تقول شي وناس شي انتي روحي وشوفي نفسيتج ترتاحلها كملي وياها اذا حسيتي انها ماعجبتج غيريها

انا الي اعرفه انها بس تراجع ماتولد ,, والصراحه كرأي الشخصي عن المستشفى ما انصحج فيه كللللللللللللش لان تجااااااااااري بشكل مو طبيعي والصراحه بنسبه لي حطيت اكس ع مستشفى لان اول ما حملت ما تم حمالي طاح الياهل بعد ما راجعتهم وبعد ما خذيت الدوا منهم ولا انا قبل ما اروح اراجع عندهم ما كنت اعاني بشي واكيد كل شي بيد رب العالمين . ولمن كان ينزل علي دم رحت عندهم طوارئ دكتوره بعد ما انهبتني مافي سونار ما قالتلي سويه بمستشفى طبعا حق فلوس . ولمن عطيتها سونار الي سويته قالتلي انزين يعني شتبين اسويلج الحين؟ هاذا حجي اتقوله الحين منو دكتور انا ولا اهي ووصتني على ادويه والله وبالله ما اجذب ان من خذيت الدوا حسيت بعواااااار مو طبيييييعييي وبعد يوم طيحت .. وحمدلله على كل شي ..

هلا وغلا بمس تايقرررر
لج وحششششه
وينج غاطة
ها مو مفكرة اتيبين اخو ولا اخت حق الصغير

اي والله خوش وحدة
الله ييسرلها يارب
سبحان الله الواحد يحبب الناس فيه من طبايعه واخلاقه