خواتي هل ادخل الصاله ولا لا

شلونكم يابنوتات اليوم تحدد موعد عرسي وان شاء الله بيكون بعد 3 شهور ماادري هلي ادخل الصاله ولا لا
احس شوي استحي لاني موصغيره وغير جذي مطلقه شرايكم
الصراحه انا شكلي وايد صغير ومايعطي عمري بس اخاف من تعليقات الناس وتدرون الطنازة ببيزة بمجتمعنا
شرايكم

دشي وجنه
ا لعيد اهم شئ تستاااانسين ومالج شغل بالناااس

والله ولا يهمك أحد أدخلي كلامهم مايخلص قص في لسانتهم
أدخلي وحري كل من يحسد والله ودهم بس مبحاصل لهم أقري المعوذات
الله يوفقك ويتتممم عليك يا ربــــــــــــــــــــــــــــــــــــــــــــــــ ـ

دشي ولا عليج منهم العمر مره وحده وحجي الناس لا تهتمين فيه اسمعي منيه وطلعي منيه حبيبتي اهم شي انتي

اذا انتي خايفه من الكلام فارضاء الناس غايه لاتدرك
بس تبين نصيحتي صلي استخاره واللي كاتبه ربج بيصير

اول شى الف مبروك ….. دشى ياقلبى ولا عليج من احد والله اعرف وحده بالاربعينات وريلها خمسه واربعين دشت الصاله هى وريلها واستانسو والكل معاهم فرحان ياعمرى لاتهتمين باحد وخلى ثقتة بنفسج كبيره ولا تهتمين باحد ….. انشاء الله تتهنين ويسخركم الله لبعض وتكونين احلى واروع عروووس بعيونه طول العمر

مبرووك حبيبتي

وما عليج من أحد دشي الصاله واقري المعوذات ودفعي صدقه تدفع البلا عنج وتوكلي على الله
والي بيحسد الله يرده عليه والي بيتطنز خل يتطنز ما يعب الا المعيوب

والله يوفقج حبيبتي

الف مبروك حبيبتي وعسى ربي يوفقج ويهنيج

هالشي ماتاخذين راي احد فيه يالغاليه انتي شنو قناعاتج وشنو محيطج على هالاسس تبنين اي او لا

انتي شنو ترتاحيله سوي لا تاخذين براي الناس عفيه لا تخلين احد يختار مسار حياتج استخيري وشوفي راحتج وين

عسى ربي يتمم على خير واهم شي المحصنات سواء دخلتي او لا فديتج واذا على كلام الناس ترى يوم يومين والحجي مايخلص رياضه الحنج الاولى خخخخخخخخخخخخ

دش ياعمري ولا تنسين المعوذات

وماعليج من الناس

اذا لج خاطر بدشة الصاله

والله يوفقج

مبروووك اختي على الزواج انا من رايي ادشين الصاله انا اعرف وحده مطلقه دشت الصاله عادي والله محد ذكر انها مطلقه شكلها كان حلوو بس شوفي انتي اهم شي اتصلين استخاره واللي كاتبه الله بيصير وانشاءلله خير وسوي مثل اللي قالت الاخت اللي فوق ادفعي صدقة تدفع البلا عنج وتوكلي على الله

الف مبروووك

صلي استخااره وشووفي شنو ترتاحين فيه

ولاتااخذين الموضووع عشان انج مطلقه ولد عمي مااخذ وحده مطلقه مرتين تخيلي ودشت الصاله ومسوويه دخله وعااادي ولاهمهاااا

يعنييي شنو مطلقة لا تحسسين نفسك بالنقص
الله اوفقك ان شاء الله دشي ثم دشي ثم دشي

السلام عليكم

اول شي عالبركه الزواااج والله يوفقج ويهنيييج ياربي ويرزقج بالذريه الصالحه

وثاني شغله دشي وهذا عرسج من حقج تدشين ومن حقج تستانسين ودشي وانا اختج ولحد يهمج فديتج ترى العرس مره وحده بالعمر

موفقه يالغاليه

ياقليبي انت دشي وافرحي انتي شنو ناقصج صج انا صغيره بس وجهت نظري انج تدخلين وتفرحين ياروحي..

أنا نفس الحاله بالظبط !!

الوالده تقول لا تدخلين !!

لكن انا ودي استانس واعيش هاللحظه !

وانا عندي عذر ثاني اني احاتي واخاف حزتها !

فـ مادري

الله يوفقني ويوفقج

والله يكتب اللي فيه الخير