خلطه Grass الفظيييييييييعة الزبد الخام والزيوت للقضاء على علامات التمدد السيلوليت

بالبدايه احب اوضح شغله انا مو حاطة هالموضوع للدعايه لان انا مو عضوه يديدة و يعلم الله ان ما بيني و بين العضوة GRASS ي معرفة بس خبيت احط هالموضوع بالاول عشان افيدكم مع اني ما احط مواضيع لان ماليمقاقه بس من كثر ما النتايج عجيبة قلت اتصير نحاسة لو ما افيدكم و ثانيا لانها تستحق الشكر مو بس لانها فادتني بس لانها انسانة راقيه بمعنى الكلمة اول ما دقيت عليها ذبحتها اسالة و عاد ماشاءالله بالها طويل و حبوبة لان انا لو منها جان فلعتني من كثر قرقتيندخل بالموضوع انا طلبت زبدة الشيا و زبدة الكاكاو و زيت السمسم من وادي النحل منها و اهي انصحتني بزيت السمسم بدال جنين القمح لاني محتاجة بس توحيد لون مو ازالة خطوط و لان زيت السمسم ماله ريحه و سويت الخلطة باضافاتي ادهن فيها جسمي قبل النوم و البس بجامتي و على فكره بسرعه تمتصها البشرة و تروح ريحتها و كان الهدف الترطيب لان جسمي ينشف كل ما يبرد الجو الصدمه ان خلال اسبوعين مو بس اللون قام يتوحد المنطقة الحساسة افتحت والله بنات بطريقة ما تتخيلونها و صار جلدي مثل ملمس بشرة البيبي و يلمع شي مو طبيعي و اللحين بقولكم الطريقة:
1-حطيت بالكسر مال الكيك علبة زبدة الشيا كاملة
2-ذوبت زبدة الكاكاو مثل ما قلتلي جراس 4 دقايق باليكروويف و حطيتها على الشيا
3-حطيت غرشة زيت السمسم كاملة
4-حطيت علبة 100ملل فير اند لوفلي كريم التفتيح المتكامل
5-كسرت 20 كبسولة فيتامين E
6-و حطيت اشوية زيت زيتون
7-حطيت علبة متوسطة من كريم نيفيا للجسم للتفتيح و خلطتهم عدل مدل 5 دقايق لما صار مثل اللوشن و الكميه حدها راهيه اعتقد راح تكفيني 6 اشهر
و قبل النوم با بنوتات ادهن جسمي كله و صدري و رقبتي و ظهري و المنطقة الحساسة و البس بجامتي و حتى ريولي و البس دلاغات و للامانه كنت احط سودو كريم على المنطقة الحساسة بعد ما اخلص دهان جسمي بالخلطة و الصبح اغسل المنطقة الحساسة بصابونة فير اند وايت
و مرتين بالاسبوع من غير خلطات يادوب ملح الاسبا افرك جسمي و اهو رطب و اخليها 3 دقايق و اسبح

والله يابنات ما تتخيلون تحت قلتي هالمنطقة اللي كانت معقدني بلونها صار لونها واحد مع جسمي و المنطقة الحساسة افتحت هذا غير النعومه اتمنى كل وحده تستفيد من موضوعي تدعيلي بالستر و الصحه لي و لعيالي
و من كل قلبي يا Grass لله يوفقج دنيا و اخره لانج صج امينه و صادقة و الله يوسع رزقج و يزيدج يالغاليه