خلصت الثانوي ولاكملت

بنات انا خلصت الثانويه صارلي3سنوات ولما قدمت قالو الشهاده قديمه والحين بعيد رابعه ثانوي تتوقعين اجيب نسبه؟

احس مخي مقفل عندي ولد وحامل تتوقعون اجيب نسبه انا ادبي

او اقعد بالبيت واربي احسن ههههههههههههههههههههه

الله يعينج .. اذا انتي عندج الاراده وناويه من كل قلبج انج تبين الشهاده ترا العلم نوور عزمي وتوكلي على الله وترا هالسنه الي بتعيدينها بسرعه تنقضي بس يبيلها تنظيم وقت … الله يوفقج انشالله

يسلموووووو طبعا بداوم منازل والله يعين

دوامي ليش لا؟؟؟؟؟

في بنت كانت معانا بالتخصص

ما شاء الله عليها

تقول دخلت من زمان الكلية ومالقيت تخصصي

سبحت و قعدت بالبيت و تزوجت و عيلت

تقول لما افتحوا التخصص بعد جم سنة قدمت و تخرجت اعتقد اسم الله عليها الله يوفقها

كملي الشهادة سند و ظهر للمرة

الله يوفقج خيتو

اي والله عاد اهلي كلهم شهادات بس انا فاشله تزوجت وقعدت والي يقهرني زوجي يقولي تربيه اساسيه وبس وتصيرين ابلة روضه عشان مااااااحد يخربني انا بكمل واذا جبت نسبه بدخل الي ابيه لو شنو يصير باذن الله

يسلموووووو

ليش تعيدين الثانويه؟ ماله داعي بس اخذي تمهيدي الي بالتطبيقي ومشي

اي حبيبتي عيدي شنو يعني مافيها شي كل واحد وظروفج
ولاتقولين مخج مقفل لا شهالخرابيط ترى السنه الي بتعيدينا لو تسحبينها مو سنه بالضبط اقل من شهر 10 لي نص 6
توكلي على الله والله يوفقج ان شاء الله

والله ماتنفعج الا شهادتج

واذا مالج خلق لما تولدين ..

والله معانا بنات حمل .. وماشاء الله عليهم

قريداتهم احسن من اللي فاضيات .. لأن هالشي يعطيها طاقه اكثر

موفقه