|
|
قوه بنات ..
إشلونكم و شخباركم ..
بنات ….
إنتو كنتو معاي من البدايه ….
بنات …
آنا ما أقدر أتحمل هالرجال خلاص .. يعاملني كأني مو موجوده .. أصلا حتى المعامله معدومه بينا .. يطلع و يدخل ما همه أحد يسهر يسافر يروح يجي .. ينام بالصاله 24 ساعه .. ما همه أحد …
بنات …
آنا عقب ما سافر فجأه .. و طنشني و حتى بالعيد ما كلمني إلا بعد الساعه وحده بالليل ..
عرفت قدري عنده ….
بنات .. آنا أحبه .. أو خل نقول حبيته ..
بس ترا مافيه ولا ميزه … ولا شي نهائيا حتى مصرفي .. ما يعطيني تخيلو ..
آنا ما صارلي غير 5 شهور .. لا تقولولي تحملي .. بنات مو قادرين نستوعب بعض ..
حتى بالسوالف الحميميه .. ماكو شي بالشهر مره أو مرتين … آنا تعبت منه .. و ماني ملزومه أغير شخصيته إهو عمره 28 سنه ما راح يتغير ..
طبعا أكيد بتقولون .. عند أحد أو يبي وحده غيرج . آنا واجهته مره قالي آنا عمري ما فكرت بالحب و لا أصدق كلام الحب …
بنات …
تدرون شنو اللي مضايقني والله مو إنه زوجي . .اللي مضايقتني .. أمه .. وايد أحبها والله والله والله مثل أمي ..
و أخاف عليها و كل يوم أنزل من شقتي أطل عليها .. بالليل إذا نامت والله أطل عليها أخاف عليها من البرد وو لا تكون محتاجه شي ..
خالتي تقولي إنتي أقرب لي من بناتي ..
و آنا أحبها مثل أمي ….
شسوي يا بنات
تعبت
تعبت
والله آنا قاعده أفكر بأقوى قرار إتخذته بحياتي …..
قولولي شسوي ؟
صلي صلاة استخاره 7 مرات وعسى الله يكتب لج الي فيه الخير يارب
ترى احتمال هذي مو شخصيته الصجيه
ممكن مثل ماقلتي تأثير اخوانه وربعه وكلامهم عن تربية الزوجه
ويمكن مع الوقت يتغير ويرد حق طبعه الله كريم
مثل زوجي الله يعينج
حبيبتي خلي قرار الطلاق هذا على جنب اول شي حاولي تقربين منه حسسيه شنو يعني الحب
كلميه كل شوي حاولي تغيرين هل الخمس شهور من ناحيه شكلج وكلامج ورومانسيتج حببيه فيج
تحملي مره ومرتين وثلاث صدقيني بعدين مارح يستغنى عنج وهذي نصيحتي لج والله يسخره لج ويهديه انشالله ويعرف قدرج
ويحبج حب وتصير قصتكم احلى من روميو وجوليت 
مع الايام بتفهمون بعض
قربي صوبه اكثر وتحجي معاه
وباذن الله اتصافى النفوس
دايما السنه الاولى من الزواج اهي اصعب سنه
تعوذي من ابليس وقولي لاااله الا الله !
وفكري ميلوووووووون مره قبل تتخذين قرارج عشان ماتندمين !
وموفقه حبوبه
<< تضايقت لما قريت الموضوع وشفت نكج !
ريلج موياهل كبير وثقيل انتي بس طاير فيج ابليس وتشوفين مسلسلات رومنصيه ومتأثره اشوي
الرياييل اشكال وارناق موكلهم عيال روميو ولا كلهم عيال قيس ابن الملوح انتي بس لوووتقعدين وتفكرين اشوي وتفحصين ريلج زين مازين وتعرفين وين نقط الضعف اللي فيه وتستغلينها لصالحج وايد ابرك وبعدين لازم تسوين برمجه علي نفسج تشوفين وين القصور يمكن الريال طفشان منج انتي السبب انا اقووول يمكن ركزي معاي اشوي فديتج"
الريال مثل الياهل والله العظيم اذا عرفتي اشلون تدخلين قلبه راح تملكينه شوفيني انا اللي جدامج انصحج لوجه الله وبنفس الوقت عندي مشاكلي مع الشايب ابي من ينصحني محد كامل ولافي بيت بالدنيا ماافيه قرقعه وطربقه الامن رحم ربي
الطلاق ترا مدخل من مداخل ابليس والعياذ بالله لاتخلين هالباب مفتوح وتفكرين فيه اشلون تدخلينه لانه باب سواد ويه واييب المرض والكآبه
عالجي مشكلتج بعقل وثقل صدقيني بترتاحين ادعيله ان ربي يسخره لج ويهديه ويصلحه بدال مانتي قاعده اتحلطمين وتقولين بتطلق منه وتوج عروس يعني خمس شهور اشويه مومقياس
وعندج اميمته تحبينها وتحبج وتعتبرج اغلي من بناتها ليش ماتكسبينها اكثر وتشكين لها الحال يمكن باسلوبها تأثر عليه
انا لي شفت جنتي مطنقره علي طوووووووووووووول اروح حق ولدي واقول له ان ماراضيتها وخذيت مابخاطرها ترا بزعل منك وماكلمك واذا لي غلاة عندك بشوووفك مريحها ومابي اشوفها زعلانه وبسرعه يسمع كلامي ويتصالحون واييووني يتضاحكون اشزينهم لانه بنت الناس طيبه معاي لدرجه ماتتصورينها احبها مثل بنتي مارضا عليها احد يزعلها حتي لو هو ولدي شفتي اشلون تأثير الخاله ياقلبي لي حبيتيها حبتج وصارت لج الام الثانيه
يالله قومي توضي وصلي ركعتين واستغفري وادعي الرحمن اللي عينه ماتنام ان ربي يهدي سرج ويصلحج ويعقل عليج وعلي ريلج وبشوف لج موضوع ثاني باقرب وقت تقولين فيه ريلي المطنقر صار خووووووش ريال واقدع راقل بالحته"
واتمنى لج حياه سعيده
ياكثر الناس الي تنصح قبل الزواج والبايخ الي ينفذ كلامهم
فماتدرين اهو شنو في بالة
قرار الطلاق لا تفكرين فيه الحين
والله يعينج
بس حبيبتي خل الطلاق آخر شي اتفكرين فيه و حاولي اتغيرينه
لا اتحنين و اتقواين اشفيك اشفييك هديه خليه اهو اللي يجي سوي اللي يبي و لا تقولين لا قال بنام بالصاله قولي اوكي ادري انه صعب بس تحملي اشويه يمكن اتغير يمكن للحين ماحبج و مع الايام بحبج و اتغير ان شاء الله خليج قريبه من امه و راح اعرف انج شاريته و تبينه
لو مايبيج جان اهو اللي طلقج مانطر تقولين له ……. !!!! و صلي و ادعي ربج الله يهديه و اخليه لج و اغيره انا احس انه يبيج و يحبج و بتغير بس نطري عليه شكله متعقد من شيء و الله ادعيلج من كل قلبي بس لاتنسين الدعاء و الله على كل شيء قدير
و طمنيييييييييييييييينه
وهو يقولج نفس الشي قوليله رايج فيه وقولي له خل نحاول نعدل من نفسنا ونعدل الاشياء الي موعاجبتنا
وشوي شوي راح تحاولون وتتواولمون لكن اطلاق اعوذ بلله ابغض الحلال عندالله
وهو توا متزوج لي الحين عايش عيشه العزوبيه
لكن مه الايام لازم يتعلم ويلتزم بابيت وتقولين له انت الين حياتك غير لازم تنظمها تعيش معاش ماتنام بالصاله
وغيره وكلمي امه احسن شي بس لاتقوله انج مشتكيه لها يعني كانها شايفتج متضايقه وسالتج والله يهديكم لخير ويسعدكم