خصوصيات الزوجه والزوج

اولا السلام عليكم

انا عندي سؤال

هل من حق الزوجه التدخل بخصوصيات زوجها

والعكس صحيح

مثلا فتح المحفظه

فتح الاميل

الرد على الموبايل وفتح المسجات وقرائتها

التدخل بسوالفه مع اهله او اهلها

وانتظركم

لا ما احب الزوجة تتدخل باللي ما يخصها و العكس صحيح متى ما طلب شخص من الثاني التدخل او المساعد او نصيحة اوكي مو مشكله بس تتلصص مو حلوة
انا اللي ما احبه ان واحد يخش عن الثاني ايميل او التلفون و يعصب لمن تجيسة زوجته تحسين كانه وراه بلوة بس ساعات بعض الزوجات تستخدم تلوفون زوجها مافي شي بس التليقف لا مااا قبول

شووووووووووور عادي كل من يعرف شنو المشكلة

لو بدافع الشك و من وراه لا طبعا , بس اذا اهو يدري و جدامه طبيعي ,, وعلى سالفة التدخل بسوالفه مع اهله لا طبعا الا إذا اهو طلب شوري و مساعدتي , لان الريال بطبعه ما يحب اللي يفرض عليه رايه ياخذها بحساسية , إذا يبي شي يقولي بس انا اقوله سو جذيه بدون لا اهو يطلب لأ

على حسب الميانه

اللي تمون على ريلها بتسوي كل هالاشياء و اهو و اهي يضحكون

و اللي ما تمون على ريلها و تستحي منه ما راح تتجرا تسوي هالاشياء .

بس قصدي يكون بهدف الفضول و الاطلاع .. مو بهدف الشك .

والله عن نفسي مااحبه يدخل فيني وماجيس تلفونه ولالي شغل فيه واذا على المشاكل اكبر غلط تدخل الاهل الا للضروره القصوى

هلا يا كويتيات

انا ما احب اتدخل بخصوصياته مع اهله الا اذا طلب رايي

ام الباقي بحكم الفضول الصراحه افتح اميله وتلفونه بحضوره وبعدمه

اذا اي احد طلب من الثاني التدخل اوكي بس كل واحد من كيفه وراه مشاكل

حبيبتي البحرينيه مهاوي
من واقع تجربتي أقول آنا أفتش موبايل ريلي جدامه و من وراه ولأنه يعرف إني أفتش صار يمحي السجلات!!!
هذه تعد لقافه!!!! المفروض ما فتشت جدامه عشان ما يجكني!!!
و من واقع التجربه لما تييه مسجات كنت أفتحها!!! و هذه لقافه ثانيه!!!
و كنت أمسح أي مسج ما يعجبني !!! آنا شكو ..؟؟!!! ملقووووووووووووفه!!!
و أجيك عالملاحظات و على الأستوديو و كم من مره أطيح على بلاوي متلتله!!!!
فالريال بدا يعرف مهارتي الإستخباراتيه الفاشله فقام يمسح من نفسه عشان ما يتعبني !!!
آنا لو يحطوني مع الإستخبارات الفدراليه جان راح العالم وطي!!!
ههههههههههههههههههههههههااااي

انا من يوم ما تزوجنا اتفقنا نحترم خصوصيات بعضنا

عمري ما فتشت بأي شيء يخصه وريلي بعد عمره ما مد ايده على بوكي او تلفوني او سألني على الباسوورد الخاص بايميلي ونصيحه خلو عندكم خصوصيه أريح

اصلا احنا مانعتبرها تفتيش مرات ودي بمسجات حلوه او مقاطع واهو نفس الشي مره اخذ تلفونه مره ياخذ تلفوني مانعتبرها تفتيش

ماحب اللقافه
بالله رفيجتي دزت لي مسج
تقولي شي خاص عنها؟
شكو يقرا
عيب اصلا
ولا انا احب اتليقف

ابيخ شي اللي يفتح بوك زوجته شكوووووووو

مو تفتيش عادي

انا ما احب اتدخل بخصوصياته مع اهله ولا أفتش موبايل ريلي لا جدامه ولا وراه أحس جذيه أحسن