|
السلام عليكم
بصراحة بنات وانا اتصفح المواضيع طرا على بالي موضوع مهم وابي رايكم فيه
دايما اسمع من صديقاتي وحتى هنيه بالمنتدى ان الوحدة لازم اتهنى بقمصان النوم وتطلع بطنها بالبديات وغيرة قبل الحمل والولادة لانها بعدين ماراح تلبس هالاشياء سبب الخرايط الي تطلع عالبطن بعد الولادة؟؟؟؟؟؟ معقولة كل المتزوجات بعد اول ياهل يعانون من هالشغلة ؟ لانها بصراحة الوحدة مو معقولة تنحرم من هالفناتق والبديات بعد فترة الحمل والولادة ؟ لازم في حل
شوفوا الفنانات كلهم امهات وانا على بالي الحين نوال الزغبي يايبة عيال وكلة اطلع بطنها بثقة ،،، اكيد في طرق مع الحمل وبعد الحمل
انا سامعة ان الوحدة لازم ماتحك بطنها كثر ماتقدر اتصبر اتعذب اشوي وتقاوم التحكك افضل من انها اتعذب بشكل بطنها عقب الولادة لان الحكة تترك هذي الخطوط
سامعة بعد ان الوحدة تحط فازلين او كريم ثاني طول فترة حملها يمنع ظهور هالخطوط
اما بعد الولادة فالنادي الصحي ادش لها شهر تمارين شد وجذيه
ومادري ابي اسمع ارائكم وابي حلول ثانية ….عشان اذا حملت اكون عارفة كل الاساليب
لان صراحة ودنا نلبس على كيفنا مو نلبس شي يغطي البطن وشي يغطي الفخوذ و….الخ شبقى مكشف لوووووووووول
يلله والله ولي التوفيق
انتي عليج بالرياضه ومثل ماقلتي دهني بطنج واهتمي بنفسج والوحده كلش كلش ماتبي تبين بطنها تلبس شي في تور وعلي شكل بيبي دول هم يطلع شكلها كوول
اهم شيء الرياضه وشد الجسم
ولاتحركين فترة الحمل
https://www.q8yat.net/showthread.php?…8&page=1&pp=10
عشان تنقهريـــــــــــــــن مثلي
لكن مهتمة احط زبدة الشيا وجلسرين الثقيل
والحين بسادس مافي شي من هذا القبيل خخخخ
بس اذا حكتني بطني او صدري اطنش وروح ادهن
بزبدة وسوي مساج خفيف وتروح الحكة وسلامتج
والفكرة انج اتخلين بطنج دايما رطب بزيت او كريم ولازم يكون شي طبيعي مافي مواد تضر بالجنين….
اذا صارت المنطقة رطبة ماراح تطلع الخطوط
ولاتشوووووووفوووون المطربات والممثلات وتقارنون روحكم فيهم…. لان هذا كله من عمليات التجميل الشد والشفط!!!
وفي فنزويلا اي وحدة تولد من غير اصلا حتى ماتطلب على طوووول يجملون بطنها… يشفطووون الزايد ويسنعونه!
واكبر دليل "ذا سوان"
شووووفوووا اجسااااامهم اشلون صارت…. الخصور والبطون بعد ما كانوا امتان!!
ابدي دهني بطنج في كريمات خاصه حق البطن عشان لا تطلع هالخطوط
انا كنت اسوي جذي + وقت السباحه كنت ادهن نفسي في بيبي اويل
وبعد الولاده اشتري الحزام الي يصك البطن ولا تشيلينه
وقت النفاس لا تسمعين كلامهم تاكلين قبوك وخرابييييييييييييييط نصيحه
انا كشت فيهم كنت ما اتريق وبس اتغدا توست اسمر + جبن وسلطه
والعشا بعد + شوربه وجذي اشياء خفيفه ما تمتن
والله اني ضعفت معنا كنت زايده بحمالي 15 كيلوووو
اهم شي حافظي على نفسج ولا راح تطلع خطوط ولا كرشه
وانزين سمعت شي ما ادري صج ولا لأ
قالولي شربي قهوه العربيه تشد البطن
قالولي البدو لمن يولدون يسون لهم قهوه عربيه دله كامله وطايحين فيها شرب صج عهالحجي ولا لأ
انا يبت اثنين ولا شفت خط في بطني
يمكن بحمالي الثاني اشوي
بس ترى يروحون ورا الولاده تدريجيا
واتوقع اللي تكون ضعيفه حيل وتحمل اهني يبدي يطلع الخطوط
لانه الجلد يكون متمدد حده
لكن بعد الولاده يروح كل شي
ومثل ماقالوا البنات اهم شي تخلينها على طول رطبه
ودهنيها باستمرار
والله يعينا احنا يا الحريم
لكن اصحاب البشرة الدهنيه قليل ماتلاقين عندهم خطوط لان البشره لوما تدهنها اهي رطبه فالجلد يتمدد بسهوووووووووووووله فيها
وفي بطون صغيره تكون بالعرض ماتكون لها خطوط وفي بطون ماشالله تقول حامل بعشررررر يهال يوصل البطن للفخوووووووووذ فطبيعي تطلع الخطوط
يابنات التشققات تبتدي من اخر طبقه داخليه للجلد هذي شلون بتوصلينها
اهي عامل واستعداد وراثي ونوع بشرتج
وعادي انا امي مافيها انا عندي قابليه وراثيه من اهل ابوي صار فيني خراااااااااااااااااااااااااااااااااااااااااااااااا ااااااااااااييييييييييييييييييييط
وعلي قد مادهنت وحطيت وماذركير وزيت زيتون وكله ولافي فايده
صارت كووووووووره انتفخت وااااااايد وكانت حيل خايفه من الخطوط اللي يقولون عنهم وكانت على طول
تحط كريمات على بطنها .. وبعد الولاده اسالها الحين تقوووووووول الحمدلله بطني مافي شي بس طلع
بفخوذي وشوي عند صدري خفييييييييف تقول يمكن لو كنت حاطتلهم كريمات ماصاروووو جذي ..
واختي كانت حمالتها بالعرض ولا كانت تستخدم شي والحمدلله ماطلع فيها خطوط ……..