|
|
السلام عليكم ورحمة الله وبركاته
قصتي :
انا متزوجة ولله الحمد سعيدة بحياتي الزوجيه ومن تزوجت قعدت بالبيت فتعلم ريلي انه كلما يرد من الدوام يلاقيني بويها ولبتسامه شاقة ويهي واقعد اهلل فيه واقعد انكت وسولف وقوله كل شي صار في غيابه فالحمدالله تعودنه نسافر مع بعض نطلع نتسوق مع بعض وعلاقته حيل حلوه لدرجة كل من يشوفنه عباله عرسان يدد
المشكله بعد نقاش طويل وبعد ماانجبنه بيبي قالي ريلي لازم تشتغلين عشان راتب واحد مايكفي بس الحلو تشرط يبيني اشتغل بمكان كله حريم دورنه دورنه ليما لقينه المهم انه دوامي من الساعه 8 لي 4 واحيانا 5 تخيلو اغيب عنه كل هالمده بعد ماكنت طول عمري بجابلته فانا خايفه بعد مااشتغلت يصير بينه فتور عاطفي او غيابي يعوده انه مايتعلق فيني نفس قبل او احتمال باجر تشوفه وحده وتلف عليه وساعتها تروح مني السعاده اللي كنت عايشه فيها ماني عارفه شسوي واشلون اعوضه فترة غيابي..انا مضطره اشتغل وبنفس الوقت روحي وقلبي متعلقين بريلي وبالبيبي وماني عارفه شسوي وكل اللي قاعده افكر فيه اشلون احافظ على سعادة حياتي الزوجيه بليز ساعدوني
الله يعينج
حبيبتي
موكل من تشتغل زوجها يبعد عنها
انتي شكلج متخوفة لانها تجربة يديدة او ان شي يديد را يكون من ضمن حياتكم
لاتخافين -وتوكلي على الله
قسمي وقتج
بين بيتج ودوامج
والحمدلله في ناس اشغالها شفتات والحمدلله بدون مشاكل
الله يسهل عليج
صج الوضع بالبدايه تحسينه مو شي بس بعدين اذا تعودتي وعرفتي انج تسوين هالشي لصالحج انتي وعايلتج راح تستانسين
والله يوفقج
|
المشاركة الأصلية كتبت بواسطة رنه خلخال
 اول شي الله يهنيج واتمم عليج هالسعاده بس حاولي اتغيرين دوامج مو عشان ريلج بس عشانج انتي صراحه تعب حرام البيبي متى تقعدين معاه شوفيلج وظيفه ثانيه احسن موفقه
|
مااقدر اغيرها اولا لانها انسب شي مافيها رياييل كله حريم وثانيا راتبها عالي وثالثا هذي الوظيفه الوحيده اللي راضي عنها زوجي
انا اقولج شنو تسوين
هذري معاه بالتلفون وقت دوامج وطرشياه مسجات بين فترة وفترة و ردي البيت تغدي معاه وحاولي انج تنامين الظهر عشان بليل تسهرين وياه وسوي الفناتك كلها عالعشا من سويت وغيره
ترا الحين صيف والنهار طويييييييييييييييل
الله يخليلج زوجج ويهنيكم ولا يفرقكم
|
المشاركة الأصلية كتبت بواسطة أم ورود
امممممممم
انا اقولج شنو تسوين هذري معاه بالتلفون وقت دوامج وطرشياه مسجات بين فترة وفترة و ردي البيت تغدي معاه وحاولي انج تنامين الظهر عشان بليل تسهرين وياه وسوي الفناتك كلها عالعشا من سويت وغيره ترا الحين صيف والنهار طويييييييييييييييل الله يخليلج زوجج ويهنيكم ولا يفرقكم |
العفو حبيبتي
اختي ام ورود عطتج خوش حل بعد
وموشرط يصير بينكم فتور لان اهو بيكون بدوامه واكيد بيرد تعبان
في اماكنوايد كلها حريم مثل وزارة الاوقاف والتربيه والمدارس وايد وزارات يكونون فيها اقسام بس حريم حتى الاسكان بجنوب السره في اقسام حريم وبعد بيت زكاة
حرام تهدين بيتج وعيالج كل هالمده
|
المشاركة الأصلية كتبت بواسطة موت وميلاد
وليش من 8 لي 5 مو شرط بنوك
في اماكنوايد كلها حريم مثل وزارة الاوقاف والتربيه والمدارس وايد وزارات يكونون فيها اقسام بس حريم حتى الاسكان بجنوب السره في اقسام حريم وبعد بيت زكاة حرام تهدين بيتج وعيالج كل هالمده |
اللي قلتي عنهم مراجعينهم رياييل وانا ابي مكان حريم والمراجعين حريم والراتب والوظيفه منصب وراتب مو اقعد بارشيف