خالتي ام زوجي اصدمتني :"((

سجلت نك يديد لان السالفه اتفشل مابي صديقاتي يدرون عنها

بنات انا توني طالعه من عمليه و قاعده بالبيت ما اقدر اطلع ابهالفتره كله قاعده بالبيت

المهم

خالتي ام زوجي كل بين فتره والثانيه اتمر علي تزورني و اتييبلي هدايا

وانا كنت فرحانه بهدايا خالتي حالي حال اي وحده تفرح بهدايا خالتها

بس الصدمه كانت

الهديه الاولى :

عطر مستعمل من غير علبه و غرشة العطر وصخه و مزلغه و مادري اشعليها بقع!!!!!!!

الهديه الثانيه : غميص نوم شكله مقبول و لكن الصدمه كانت : الغميص علبته قديمه و معاه كرت مكتوب فيه اسم مرت حماي يعني كان هديه لمرت حماي و اهي عطتني اياه

الهديه الثالثه : دراعه كبيره حيل حيل كبيره xxxxxL
ولونها يلوع الجبد

و المشكله ان خالتي ما عليها قاصر و طيبه و احليوه معاي بس ليش سوت جذي يعني انا ما استاهل انها اتييبلي هديه مثل الناس والا انا طايحه من عينها و ما استاهل حتى هديه و انا طول عمري مغرقتها بالهدايا السنعه

يا حسافه تغيرت نظرتي لخالتي قبل كنت معتبرتها مثل امي و لكن بعد الي شفته خلاص قمت ما اثق باحد و قلوب الناس ما يعلم فيها الا رب العالمين

اشرايكم اقول حق زوجي عن هدايا امه و الا اسكت و اخليها على الله

سكتي وبلعيها.. انتي اكبر من جذي.

مو محتاجة هدايا منها ولا من احد.. اشكريها عادي و لا تقولين لريلج او اي احد ثاني.. و اذا مثلا اهيا سوت عملية او غيره.. اشتريلها هدية زقرتية.. ولا ترديلها الحركة.. اثبتيلها انج بنت ناس وعاقلة و مو يااهل

قوووووولي حق ريلج

ليش تسكتين وتعورين قلبج يبااااا

لا والله لاتقولين لازوجج ولا شي طنش تنعش … وكل يوم اشكريها على الهدايا .. وقولي يحلووو العطر ياخالتي والله اني كل يوم اتعطر منه .. والله لاتكبرين بعينها ..

امممممممممممم والله مشكله ..!

زين من ذكرك ماحقرك ..الله كريم

يمكن ماتهتم او كبيرة بالسن وماعندها بعد نظر..مادري فكري بحسن نية عشان تريحين راسج

اي مو هذا الي سويته و الوالده كانت عندي وقتها و بعد ماراحت خالتي امي شافت الهدايا و انصدمت و ضاق خلقها علي

و قالتلي سكتي عنها و خليها على الله بس لي اليوم وانا محتره و متضايقه من هالسالفه

طااااااااااااااااااااااف يمكن طايحين بجدبها ومتحسفه عليهم قالت اتيبهم لج تستفيدين منهم
طوفي لاتتكلمين ماتسوى السالفه على هديه تتكلمين

قوليله بعطين قطيهم بالزباله

عشان بعدين ما يتشره عليج اذا ما جبتي لامه هدايا

فكرت اني اقوله بس بعدين تعوذت من ابليس لأن زوجي انا عارفته اذا قلتله علطول بيقول حق امه و بتصير مشكله فقلت اسكت احسن والا انا ودي اقوله علشان يعرف الصج

احيانا تجي امي هدايا مايصلحن لسنها
ولما نسالها تقول مو شرط لي
يعني بعض الحريم تشوف ماعليج قاصر
وتجيب لك شي تستفيدين منه بعدين
يعني الدراعه الكبيره يمكن تبيها لامك

اي انا تشكرت منها و قلتلها ليش مكلفه على نفسج ماله داعي طبعا هذا قبل لا افتح الاكياس بس يوم فتحتهم كانت الصدمه

و انا هاذي مكانتي عندها اتييبلي الاشياء الي طايحه ابجبدها!

انا بالنسبه لي الشخص الي اقدره و احبه اييبلى اغلى و احلى الهدايه علشان ابينله مكانته عندي و الحين الحمدلله انا عرفت مكانتي عندها

و يا حبيبتي انا ما همتني هدايا الخير زايد عندنا مو محتاجين لشي و لا علينا قاصر بس الهديه تبين اذا كان الانسان يقدرج والا لأ

و الله انا اقول لو مو يايبتلي ابرك من انها اتييبلي اشياء جذي اتفشل

اذا انتي زوجه ذكيه ما بتقولي لريلج