|
|
السلام عليكم ورحمة الله وبكآته
من فترة تقريبا كنت قارة قافلة ولا تتصل فيني اختي بكل براءة تقولي ابشرج ولد خالتي يبي يتزوج
حسيت اني فرحت واااايد ……
يمكن عشان من زمان ما فرحنا ……..
لكن اللي خطبها ما وافقت عليه
ماعرف السبب ؟..!
وكنا قاعدين امس مع جمعه خوااااااتي ولا احسهم متضايقين علي
انه فكر بألف وحدة غيري تقريبا وماجا صوبي
سألت عن السبب بداخلي صار في عندي شك بنفسي ؟! قلت
معقولا أنا ينقصني شي مثلن مع اني الحمدلله
متدينه وخلوقة …..
جت اختي الكبيرة بكل همجية جان تقول يا سلام ورايح للكل ما يجي ؟؟؟ للي اهو آنا
حزت بخاطري وما تتصورون الموقف المحرج اللي حسيت فيه
ولا امي ترد عليها وتقووووول ……….
ما يبيها تسوق سيارة ولا موظفة وانا طبعن موظفة
حسيت ساعتها ………….. انه احنا مستحيل نكبررر عن سخافاتنا من متى الموظفة الحين
الناس ما تقرب صوبها وشنو هالنظرة الدونية اللي فيهم ….
عالعموم الله ييسر لهم بس جد بنات احس ما ودي احضر العرس
وماودي ابين لهم اي شي
بس اهي تركيبة مشاعر مو عارفة شلون اتعداها على خيررررررررررر
كلام الناس ما يخلص
الله يوفقج وييسر لج ويكتب لج اللي فيه الخير لج
بس كوني واثقة من نفسج ومالج شغل بأحد
ولد خالتج تزوج ولا ما تزوج ماله شغل فيج وبأخلاقج شكو ثقتج تهتز لأنه ما خطبج؟؟؟
يمكن ما يناسبج مو نصيبج ربي كاتب لج احسن منه!!
كوني واثقة من نفسج ومن ربج وحقري الكل وكلامهم
لا نقصاا فيج ولا زيااده فيهاا
وبالعكس احضري وخليج طبيعيه ولاتهتمين للكلام الفاضي
لأن لو ماحضرتي بيقولون هااا اكيد غيرانه ولا شي جذي
وماعليج من كلام الناس
هذا نصيب
وأنتي للحين ماجاج نصيبج
وحسيت من كلامج مايفرق معاج وفرحتي
بس لما تكلموو وحسسوج أنوو لآزم تكونين أنتي أشوف تغيرت نظرتج
ليش ؟؟
وين نظرتج لنفسج وثقتج فيها
واذا على مشاعر هم اللي حسسوج فيها مو مشاعر طالعه منج
وشلون تغلبين عليها أكيد بصلاتج وأستغفارج
ولآ تسمعين لآحد يحاول ينقص من ثقتج ولا قدرج
يخلي الوحدة غصب تهتز بس الله كريم
تسلموووون عالمرور الغالي
و انا مابي واحد ابهالعقلية الرجعيه
ابي واحد ياخذني و من شروطه تسوق سيارة و موظفه
وروحي استانسي و خلج واثقة من نفسج
لو ماحظرتي العرس هني الكل راح يلتفت عليج اصلا
انا اقول عطي نفسج شوية من الثقة – والبنت الموضظفة مافيها شي والله يوفقها
وربج ان شالله كاتب لج نصيب مع واحد احسن من ولدخالتج اللي تفكيره على قده
يكفي عقليته وتفكيره باجر بيعيشها بتعقد
"مايبيها تسوق ولايبيها موظفة" << !! العصر الحجري
مادام ما فكر فيج ولا حس ليش متعبة نفسج معاه
حبيبتي انتي استانسي بعمرج ورحي فصليلج بدلة حلوة
وروحي الصالون
وخليه يولي وبجذيه محد من الناس بيتحجى
عادي يعني يمكن يبي يبعد عن زواج الأقارب وكل ما كان أبعد كان أفضل لج…
فهمتي علي!!!
وإذا ربي كاتبلج نصيب مع أي شخص سواء هو أو غيره…
الله يوفقج وييسرلج أمورج يااااارب
ويبي يجيك ان شاء الله اللي يستاهلك ابرك من هذا اللي تفكيره وعقليته رجعيه
وبعدين اختج يوم قالت ليش مايا صوبج
جان قلتيلها انا ما ابيه واهوا مو فارس احلامي
مو بينتي انج حاسه بالنقص 
ع العموم الله يوفقج ان شاءالله وترى الزواج عوار راس لووووووووول
تدرين احمدي ربك انك ماخذتيه اللي مايبي الموظفه يبي وحده يشيخ عليها يبي وحده تكون اقل منه تدرين هالفئه تحب تكون هي الامره الناهيه وتمحي شخصيه الزوجه
يعني لو قايل ماابيها تشتغل شغله فيها كلام او شي ممكن اتعذر له بس واضحه واتي قلتي نظرته دونيه
شتبين فيه
والله روحي واكشخي وخلك طبيعيه ليه تاثر بنفسيتك اصلن
ان شاء الله نصيبج يكون احسن
والناس مو سوا كل واحد له ذوق مختلف عن الثاني
والله يرزقج