حياكم تعالوو شوفوا سالفتي

السلام عليكم ورحمة الله وبركاته
شلوونكم حبايبي عساكم بخير
بتكلم بموجز عن حمالي الاول اول شي …. تأخرت سنه و 4 شهور تقريبا وكانت معاناه لي خصوصا اللي كل اللي تزوجوا بعدي حملو وانا ما كانت فارقه معاي بس كلام ليش تأخرت عن الحمل و من هالكلام و حتى خالتي ام ريلي كانت تغثني بكلام مع انها تدري المشكله بولدها و بعدين قام يعالج ريلي فترع و قطع و يووم ياني عوار ظهر غريب رحت الطبيب ولا يقولي حامل طبعا حزتها حللت 3 مرات مره بالمستشفى الحكومي و مره بالبيت و مره بدار الشفا و ريلي ماكان مصدق و يبت بنوتها الله يحفظها و الحين عمرها 5 سنين و 8 شهور
و طبعا كان ودي احمل عقب مايبتها على طول بس الله ما كتبو صج من حملت عليها ريلي رد على كورسات النادي و الابر عشان يجسم جنه مانبي عيال بعد
بعدين قلت خل اخلص من الجامعة و اشووف ليش ما حملت و بنتي مني صار عمرها سنتين و اول مارحت ولايسوون لي تحاليل و كلها اوكي بس هرمون الحليب عالي و قالي الدكتور بعد الرحم عندج مايل فعشان جذي مو قاعده تحملين و غيري وضعيت الجماع و استمرينا على هالحال جم شهر تالي رحنا له قال حق ريلي افحص ولا يقولما انتي طبيعي مايمشي معاكم يببلكم طفل انابيب الحركة ضعيفه و العدد قليل عنده و دزنا على عياده ثانيه نسوي فيها العمليه
ولما رحنا شفنا الدكتور وقالنا راح نجرب اول شي الكلوميد طبيعي واذا مافاد تلقيح صناعي تالي طفل الانابيب وكانت الفكره غبيه لانه احنا ما يمشي معانا إلا طفل الانابيب و طلع المركز خواره عطوني جم مره كلوميد و مره على اساس اسوي عندهم تلقيح صناعي ولا المادة اللي عندهم مو موجوده واروح دار البراء واسوي التلقيح هناك و طبعا كل ما احلل والنتيجة سلبيه ابطها بجي و ريلي يتنرفز علي
تالي وقفت و قلت مو نصيبي و بنتي بلشت تشتغل علي ليش فلانهلو فلانه يابو بيبي و احنا لاا وليش كل اليهال عندهم اخت و اخوو وانا لاا و تبجي علي تعبتني والله وقلت حق ريلي خلاص انا مو قادره اتحمل ماكوو إلا نسوي طفل انابيب وسويت عند ناهض حماديه و ما الله كتب و بعدين خلاص قلت ماني مفكره بالموضوع كلش و سويت هالعمليه العام شهر 6يعني صارلي سنه ضبط
بعدين قلت خلاص رب العالمين ماكتب لي احمل للحين…و الصراحه ما يأست قلت دام اني حملت قبل هالمره والامل كان ضعيف بحمل بعد اذا ربنا راد ولهيت مع خواتي و ولادتهم كانت نفس السنه وبينهم جم شهر و عقبها امي دشت المستشفى و قعت اجابلها يوميا لانه محد مم خواتي تقدر وحده نفاس والثانيه ولدها صغير و تجابل اختي النفاس و فجأه تأخرت علي الدوره هالكلام شهر 11 اللي طاف و اهي مو من عوايدها تتأخر بس تصير و شي نادر فقلت انا من النفسيه فصار عليها 4 متأخره و كنت مع امي بالمستشفى وا7ي نايمه قلت استغل الفرصه واحلل ولا تقولي الدكتوره سوي تحليل بوول قلت لها ابي دم قالت ماكوو كنت بمستشفى الفروانيه قلت ماشي

واروح اسوي و تقولي السستر ربع ساعة تطلع النتيجة قلت اوك رديت عند امي وبعد نص ساعه رديت ولا يقولولي ماكوو شي و نطري خليها بروحها تنزل .. ما زعلت لاني مهتمه مثل دايم و احاتي امي .. مر أسبوع وانا مع امي بالمستشفى و ماكوو شي احس بآلام الدوره بس ماكووو قلت خلاص ماكوو إلا اخذ ادويه تنزلها قلت حق امي بروح الكفتريا و ارجع لج ورحت ولا دكتور و قلت له متأخره علي فوق الاسبوع و تعبتني ابي حبوب تنزلها قالي بالاول تحليل قلت مسويه مو حامل قال لازم نسوي قلت له اوك وسويت ورديت لامي علاما تطلع النتيجة وتالي قلت لها برد البيت اريح شوي وانا قبل لا اطلع رحت عند الدكتور ولا يطالع اوراقي و يقولي بووسيتف وانا مو مستوعبه اقوله شنوو رد يقولي بوسيتف اقوله شتقول جان يتنرفز يقول اقري طبعا مني انا بطيتها بجي و اهوو انصدم و السستر تقولي شفيج اقولها انا مو مصدقه جم سنه صارلي ناطره الحمدلله الشكرلله و تعالي اصعد حق امي شافاني قالتلي ليش رديتي شافتني ابجي اخترعت قلت لها انا حامل مو مصدقه قامات تحضني و تتبارك لي تالي مشيت قلت خل امر الامومه اقرب شي لي اسوي تحليل دم والحمدلله ايجابي وارد البيت ولاريلي قاعد بالدوانيه وادق عليه ابيك واوريه النتيجة يقولي هذا تحليل شنوو اقوله اقرا واهوو مو مستوعب اصلا شي و تالي يالله استوعب وعلى طوول قالي ببشر امي ثواني ولا خالتي داشه علي تركض وعليه عليها و تبوس فيني ألف الحمد والشكر لك يارب
اللي ودي اوصله لكم خلوو ايمانكم بالله قوي ولا تشيلون هم الحمال لانه رب العالمين ماراد للحين و ان شاء الله ربي يرزقكم بالحمال و تفرحون و تقرون عيونكم بشوفة ضناكم يا رب

ماشالله تبارك الرحمن

الله يتمم عليج حملج ويرزقج الذريه الصالحه

صج اهم شي النفسيه وانج تنسين الحمل نهائيا

وتشغلين نفسج باي شي تحملين باذن الله

أميرة الورد تسلمين قلبي عالمرور
عسى الله ينولج اللي في بالج حبيبتي

الله يتمم عليج حملج يا رب

ألف الحمدلله .. انتي جابلتي أمج وخواتج وهالشي له أجر كبيييير عند الله

وألف الحمدلله ربي عوضج .. عسى الله يتمم عليج

الله يتمم عليج

الف مبروووك صح كلامج النفسيه تلعب دور بس والله مادري شقولج ودي انسى بس اللي حوالي مو تاركيني بروحي اول زواجي ماكان هامني الحمل وماكنت افكر فيه بس ماصار حمل ولا مره تكفين ادعيلي احمل انا مقبله ع انابيب وخايفه تكنسل العمليه نفس كل مره

رب لا تذرني فردا وانت خير الوارثين

قصتك بجتني وايد تأثرت الصراحة والحمد الله انج حملتي وألف مبروك والله يتمم عليج أن شاء الله ويرزقنا يارب بالحمال

معروفه لاتفكرين بالحمل تحملين الف مبروووك الله يثبته لج

الله يوفقج ويتممم عليج حبيبتي

رب لا تذرني فردا وانت خير الوارثين