|
|
السلام عليكم.gif "Eh S(17)")
كيفكم عساكم طيبين مممم بصراحة ماني عارفه وشلون ابدا
لكن انا اختكم من الرياض عروسة جديده وحاااايسه كرهت المولات وانا تو ماخلصت الربع
اللي بغيت اسألكم عنه هو الحين اهل زوجي ماعمرهم شافوني لا أمه ولا حتى خواته يعني الخطبه وكل شي صار عن طريق الرجال وتمت الملكه عاديه وكانت كمان رجال
المهم الحين اذا تزوجت وخلاص وقال يلا نسافر عند اهلي هو ساكن بعيد عن اهله وش تلبسون مع انو اول مره يشوفوني هل البس فستان ناعم ولا البس تنور وبلوزة ولا كيف
انا احب الشي نااعم واهم شي يكون ساتر يعني تكون اكمامه طويله واذا مره مره نص كم
وكمان يكون تحت الركبه يعني تقريبا نص الساق
حصلت لي خياط مرره روعه يقولي انتي جيبي لي الصورة وانا اسوي لك نفسها بالزبط
بس ماني عارفه وش البس مرره شايله هم الزيارات عند اهله (مع ان اهله حاطين ببالهم انو احنا ناس راقيين وشي واااو (وانا ماعندي ماعند جدتي) هع
الزبدة اتمنى تنزلون لي صور وكذا اشياء تكون ساتره وحلوة انا فكرت البس مثل تقريبا موديلات حليمة بس احسها مرره عليها كرستالات وكذا وقديمة ولا .gif "Eh S(22)")
والله حايسه تكفون ساعدوني
ابي شي ناعم وراقي وبنفس الوقت يكون عليه قيمه واذا شافوني يقولون ذويقه وراقيه
وكمان انتم وش لبستم اول مارحتو عند اهله ؟
الله يوفقكم يارب ويسعدكم ويهنيكم ويرزقكم من اوسع ابوااابه ماعندي الا الله ثم انتم .gif "Eh S(16)")
حبيبتي كتبي بقوقل دراريع استقبال او بدلات استقبال او فساتين وانتي اختاااري اللي يعجبج انتي
مالج شغل بقديم ولا يديد
واذا كلش كلش كتبي مع الكلام 2024 او 2024
واذا تبين شي عالموضوع روحي قسم الازياء اهني ماشاءالله عالبنات كل الموضه والشي اليديد حاطينه
اااااااااااااااااااااااب
وشوفي موديلات الفنانه يارا دايم ستايلها روووعه اخذي صور لموديلاتها وفصلي
ماله داعي تفصلين عندك بالأسواق شي ناعم وروعه من الفساتين الناعمه شفتهم (بالرياض مول, العثيم اللي بالنسيم) ورخيصه وحلووووه
بالتوفيق حبيبتي
روحي مانجو ولا فيمي 9 ولا استرادي منزلين تشكيلة فساتين جديدة روووووعة وخصوصا مانجو
ولا تخطيي ولا شي
اهم شي تختارين الالوان اللي تناسبج اكثر
و كيف تنسقين بين لون اللبس و الشوز و الشنطه و لوكج كله ككل
ولا تخلين عمرج كلج لون واحد من راسج لريولج
الذوق الصح يبين من مزج الالوان بطريقه حلوه
وافضل تسوين الفستان شيفون او اذا حصلتي جاهز وايد اسهل خخخ
موفقه يالعروس