حوبت الريال المسكين

السلام عليكم
صارت قصة حق اختي تختص بذوي الاحتياجات الخاصة
مرة اختي كانت رايحة الافنيوز ولا تشوف واحد يبي يصفط بموقف مال ذوي الاحتياجات الخاصة ولا اييلا واحد ويقولا انا اذا واحد معاق يه وما لقا مكان شسوي جان يقولة كلامك صح عقب ما راح هالريال جان يرد يصفط بنفس المكان
وبالصدفة اختي والريال اللي صفط بالموقف طلعوا بنفس الوقت ولا سيارتة تطلع مبنجرة
لا تنسون ردودكم خواتي
وشكرا……..

من امن العقوبه اساء الادب
هذا ضامن ان محد راح يحاسبه لان اهني
ماكو عقاب ولا شي عشان جذي مو مهتم
انا قبل يومين رحت الافنيوز وقاعده ادور مسفط
ولا السيارة اللي جدامي فيها شباب سفطوا بمسفط المعاقين
وانا معاي ولدي وقاعده احووووس والف على موقف
بططططط جبدي بس شسوي

هذا جزاة إلي ما يسمع النصيحه وجزاة كل من يتعدى على حقوق غيره ..

..

يعتقد ذو الاحتياجات الخاصه ما يقدرون ياخذون بحقهم خلاص إنتهت السالفه نسى إنه لهم رب كبير ياخذ بحقهم ....

الله يسامح من يتهاون في أمر ذوي الاحتياجات الخاصة
لأنهم مايعرفون معاناة أهله
في تنزيله من السيارة وأنه محتاج لمكان قريب
من بوابة المكان المقصود

المعاق معاق الأخلاق لا الجسد
وحسبي الله ونعم الوكيل

ترزين البطاقه بويها وتخلينه يستحي على ويها ويطلع ولا تعبين نفسج ولا شي
يوم أنه ما أستحى ووقف مكان مو مكانه .. ما تناقشينه .. بس رزيها بويها ويفهم من نفسه

والنعم بهالريال والله .. وسبحانه يمهل ولا يهمل .. ويا ريت أخذ درس عاد
ومثل ما قالت الصابرة المعاق معاق الأخلاق
يا ريت الناس تحس بغيرها لما تفكر أنها بنعمة الصحه

حيا الله الحبايب 000انا بقولكم بصراحة صار لي هالموقف مرة بالجمعبة وافصفطت جدامي وحدة وقبل لا ثصفط دقيت لها هرن واشرت لها باللوحة وعاندت واصفطت 00طبعا ماسكت لما انزلت من السيارة قلت لها المكان مو لج وشوحت بادينها والله عصبت وضاق خلقي بس والله ما خليتها صفط وراها ونزلت وتمشيت بالجمعية ويوم خلصت شغلي طلعت ولقيتها تنطر وتتحلطم وصرخت رديت عليها قلت لها وبرود عسى ماشر منو مضايقج هههه ها تبونها ترد ولا كلمة 000ابييييي دوختكم سامحوني

زين سويتي علشان يحترمون غيرهم.
ولا دوختينا ولا شي ولا تقولين هالحجي مرة ثانية ترى نزعل.

لالالا كل شي ولا زعلج ترى والله صج يضيق خلقي اكثر من الموقف اللي صار لي