|
|
مرحبا شلوونكم ان شاء الله تماام؟؟؟
ندخل موضووعنا
انا طالبه>> بصراحه انا يغثووني البنات اللي يستخفون دمهم بالحصه..يعني تقوول سبب سخيف >>انزين الابله شذنبها
والله انا أأيد كلام الابله لأنها مالها ذنب اخليكم مع الحوار
ـ ابله مافهمت الدرس
ـ اكيد مافهمتيه..هذا من الهذرة والسوالف والسرحان و الضحك بالحصة
ـ ابله ممكن تعيدين اللي قلتيه ماسمعته
ـ اكيد ماتسمعيني ..انتي ورفيجاتج بس تسولفون ..شلون بتسمعون؟
ـ ابله عادي اروح الحمام
ـ يعني ما فكرتي تروحين الا اللحين…بعد الحصة روحي،انتو جنكم الجهال رايحين جايين على الحمام
ـ ابله عادي اشرب ماي
ـ يعني ماصرتي عطشانة الا الحين..احسن خليج عطشانة عشان ماتسولفين وتتكلمين
المشهد :الابلة شغلت شريط (كاسيت) للطالبات .واحدة من الطالبات قامت وقالت:
ـ ابله الشريط اللي سمعتينا من شوي ماكان صوته واضح
ـ لو انتو توقفون الازعاج والكلام اللي صاير بينكم بالصف جان سمعتوا
ابله منهجنا صعب…خططيلنا على الكتاب-
من قبل المعلمة فيه 3 ردود لهذا الطلب: الرد الاول:شنوووو؟؟؟اخطط لكم؟؟جهال انتو؟؟
)الرد الثاني:انتي وحده كبيرة..صرتي بصف (…) لازم تخططين بنفسج
الرد الثالث:مافي تخطيط ..كل شيء معاكم احفظوه>>احلى رد
ـ ابله دفتري ضايع..شسوي؟؟>>مشكلتج
في هالحالة الابلة ترد باحدى هالثلاث ردود: الرد الاول:هاه..نعم؟؟! شرايج اروح بيتكم وادور عليه؟؟لا انتي دوري عليه وانا شذنبي ان كان ضايع؟؟انا اللي ضيعته؟>>اي والله شذنبها
الرد الثاني: لا لا,,الحمدلله..ماعندي دفاتر بمكتبي انا ارسلتها لكم يوم الاحد اللي فات..
الرد الثالث:ترى ان مالقيتي دفترج…راح تعيدينه لي كامل>>شووور
المشهد/بنت تمسح السبورة ومشتطة ..بعد ماخلصت..
ـ ابله..ممكن أغسل ايدي(البنت اللي تسأل كانت تمسح السبورة)
ـ انا اعرفكم يابنات ..اذا تبون تطلعون تسمحون السبورة..لا ياحبيبتي مافي طلعة..خذيلج كلينكس
ـ ابله .الصف حار مانقدر نستوعب>>>تلقون اللي تكلم كسلانه
ـ شايفيني انا المصلح اللي يصلحلكم المكيف؟؟روحوا الادراة وقولولهم ..يلا لا تضيع حصتنا
ـ ابله..في نملة تحت الدرج!>>اسم الله عليج
ـ اصلا النملة تخاف منكم..يلا بلا تضييع وقت..خلونا نكمل شرحنا..بس عشان نملة صغيرة مسويين قضية..
ـ ابله الجو حلو..عادي نبطل الدرايش
-انتو ما تبون تفتحون الدرايش الا عشان تتفرجون على الرايح والجاي..لا ماراح نفتح ـابله بس الجو فظيع..لا نضيع هالفرصة
ـ عندكم فرصتين للطلعة..بعدين..يلا نكمل الدرس
ـ ابله الشمس على عيوننا ممكن نسكر الستاير؟
ـ لا خلوها احسن لكم ,,الشمس مفيدة لكم>>شذنبنا
ـ ابله صراحة..الامتحان كان حيل صعب
ـ اسكتوا ماحد طلب رايكم>>هههههههههههههههه
ـ(هذا في حصة الفراغ) ـابله..الله يخليج ..طلعينا بره
ـ مجنونة انا اطلعكم؟؟!عشان تسوون ازعاج وتزعجون الادارة..بعدين المديرة ماترضى
ـ ابله انتي دخلتي اي جامعة؟؟(البنت اللي تسأل الغرض من سؤالها الاستفادة من تجارب الآخرين)
ـ انتوملاقيف بس تبون تعرفون اسرارنا..شرايج بعد تساليني متى تزوجت؟هذا اللي ناقص!!>>قويه عاد
ـ ابله..انا تعبانة..
ـ ما عليه..لا تشاركين معانا..بس اسمعي او تقولها:ـ حطي راسج على الدرج ونامي,>>هوا ده
المشهد/دق الجرس وبدأت فسحة الصلاة والابلة باقي تشرح الدرس البنات يقولون :ـ ابله نبي نطلع..بنروح نصلي
(تبتسم المعلمة ابتسامة خبث وتقول:تصلون؟؟ولاّ تلعبون؟؟..>>فاهمتها اسم الله عليج
المشهد:المعلمة تملي البنات الدرس..
ـ ابله شنو عيدي>>يا كرهييي يا الحركه الف وحده تقوول
ـ اسكتوا وتسمعون
ابله ندرس من الدفتر ولاّ من الكتاب؟؟>>>سؤال غبي
تتحول ملامحها الى ملامح شر وتقول: ـ من الأثنين..>>هههه اذكري الله
المشهد/المعلمة داخلة الفصل..والبنات بتأفف يسالونها
ـ ابله اليوم بتعطينا درس؟؟
ـ ها ليش جايه؟؟
ـ ابله ماجبت الدفتر
في هالحالة المعلمة تختار احد هذه الردود:
(1) ليش؟؟شيسوي بالبيت؟؟نايم؟؟
(2) ليش جاية المدرسة؟؟؟
(3) شلون نسيتي الدفتر؟؟ا من كل المواد مانسيتي الا دفتر مادتي؟؟
(4) ليه نسيتي الدفتر نسيتي تاخذين فلوس نسيتي تريقين… مثلا؟؟
ـ ابله ماأستلمت كتاب
ـ ليه؟؟؟ كنتي نايمة لما وزعوا عليكم الكتب؟؟
او تقول:
ـ انا شذنبي؟؟روحي المكتبة
او تقولها:ـ صوريلج كتاب من اي بنت (رغم امتلاء المكتبة المدرسية بمثل هذه الكتب)
ـ ابله..لا تمتحنينا بالدرس السابق..كان علينا اليوم امتحان وماامدانا نذاكر الدرس السابق
ـ اصلاً الدرس هذا سهل وبسيط…ومايبيله شيء…لو انكم امس منتبهين معاي جان عرفتوا تحلون الاسئلة حتى لو ماذاكرتوا
ـ ابله عادي نفتح الباب
ـ لا..عشان تتفرجون على رفيجاتكم..خليه مقفل..عشان تنتبهون للدرس
المشهد/بنت تتعنى وتطلع من فصلها ،وتروح لفصل صديقتها عشان تاخذ منها شيء..تدق الباب :
ـ ابله ممكن اكلم (فلانة)
ـ لأ..بعد الحصة
ـ ابله بعطيها شيء وأروح
ـ لأ..أطلعي بره..قلتلج بعد الحصة>>العلم ما ينفع
المشهد/الأبلة تفتش على الواجب..بنت توقف وتقول
ـ ابله انا كنت غايبة..ماحليت الواجب
الغياب عندي ماينفع عذر..ليش ماكلمتي وحده من رفيجاتج ولا ماعندكم تلفون؟؟؟>>انزيين غااايبه
ـ ابله..ماكنت اقدر اكلمهم..لاني كنت تعبانه
ـ تعبانة؟؟(تقولها باستخفاف)ليش جيتي المدرسة اليوم ..جان قعدتي في البيت>>يا حووول
لا تحرموني من ردوودكم؟؟
حبيبتي هذي اي مرحله ؟؟؟
وتسلمين يا قلبي ضحكتيني شوي ..
لا البنااات>>عاد غير
ثاانويه اكيييد الوحده لسانها شطووله
>>ولا تستغربين اذا في جذي بالابتدائيه….عادي عادي
خصوووصاً إذا علينا احتياط الأبلة تبي تحضر و مشغووووله و البنت قاعده تقرقر على راآآآآسها تقوول قصة حياتهاآ انا ووودي أذبحها شلوووون الأبله !!!
يسسسسسسسسسسسلموؤ حبيبتي …~
موفقة
يسلمووو
امبيه ادرس صبيان بالاحتياط ماقدر اسكتهم كللللللللللش ماينقضبون بالاحتياط 
ليتج طالبة عندي
يسلم بؤك
ياليت تسوين نسخ لهالموضوع في قسم الطالبات عشان بعض البنات ولاحظي بعض يعرفون شقد هم سخيفات وعبالهم يخففون دمهم مايدرون ان اهمه مطنزة حتى لزميلاااتهم
الله يثبتج ويزيدج
تهبلين
الله يوفقج عسولة
فديييتكم والله
طالبه 1990 لا توصين حريص حطييت الموضوع بقسم الطالبات ومن كثر ما ابيهم يتسنعووون حطيته مريتييين
الــــلـــــــه يــــهـــدي الـــجـــمـــيــــع
عادي الحياة سعيده .. ولمن اتعاند البنت لازم اواجهها ببرود وراحه علشان تبطل شطانه وتحس ان محاولتها بالشغب فاشله
انتي شيطونه ياحليلج
لا والله انا مو شيطوونه بس بوقت الضحك اضحك>> بس رفيجتي تضحكني احيانا تسوي حركه اتنرفز منها
انا عطشانه ويكوون حرر عاد حر الكويت ماكو مثله .. وابي ماي ؟؟ شنو تقولي حبكت الحين ؟؟؟؟؟؟؟؟؟؟؟؟؟؟؟ ترا الواحد هم يعطش
والي صج مثلا الابله تملي .. اوكي انا ماسمعت هل انا استعبط ؟ شمصلحتها االطالبه تستعبط بهالسالفه ؟؟ يمكن صج الوحده ماااسمعت .. يعني لازم اييب ورقه من الدكتور كاتب فيها حالتي انه السمع عندي مو ذاك الزود ؟ عشان االابله تصدق ؟؟
بس صج في أسباب المفروض الابلات يراعونه احنا يالطالبات ترا مو بس انتي باليوم الي تدرسينا .. ترا عندنا موااد وايد غييرج
كل ماده يبيلها مجابل .. والانسان غصب عنه ينسا …
بس في سوالف الطالبات يزودونها شوي بالذات لمن يصير علينا احتيااط .. تعالي وشوفي سوالفهم واكشناتهم وتيييب طاري عمها وخالها ويدها ومادري شنو .. زين شكوو اهلج بالابله ؟؟ يا تقولين خير يا تسكتين
لووول
يعطيج العافيه
لا واللي يغث اكثر بنت بصفي وطبعها >>كوميديه الصف
وكانت علينا ابله ماتدرسنا
وقعدت اهي والابله ومطيحتلها سوالف>>انا وانا وشكل الابله تضحك ومالها خلق
والمشكله سوالفها صاروخ واحد ورى الثاني
الابله شكوو بسوااالف عمج وخالج