حنتي على الزواج قبل لا اتزوج!!!!!

شلونكم بنااات

من و انا عمري 16 تقريبا و اانا كله اقول حق امي … يما بس يصير عمري 18 بتزوج على طول مابي انطر وايد ابي يصير عندي زوج و بيبي و عايلة حقي برووحي … و امي كله تضحك علي و تقولي لالالاحقه على الزوااج

و عبالج الزواج كله وناسه و طلعااات و مطاعم و سفرااات

و كنت ارد عليها اي عادي اذا وحده زينه مع زوجها يسوي لها اللي تبيه

المهم كبرت و صار عمري 18 … اهني خفت ان يطوف عمري واني ما اتزوج او اصير عانس !!

لما صار عمري 19 بدو يخطبوني يعني مو وايد … 2 جنه اللي يو و ما صار نصيب

لما صار عمري 21 قامو يزيدون اللي يخطبوني بس هم ماكو نصيب … يا انا ما اوافق لان يكون الولد مو زين او ما اتقبله … او انا اكون ابيه و عاجبيني اهله بس اهما مايبوني … ولا تشوفون شنو يصير فيني لما يدقون يقولون ماكو نصيب اتحبط حييييييل

واللي يبوني مابيهم و اللي ابيهم ما يبوني … هالجمله قامت كله تصير بمخي

صرت 22 و يه ريلي يخطبني

على طول ارتحت له … و اهوا طلع ان صارله سنه يبي يتزوج و كله مايصير نصيب

صار اليوم اللي وراه من عقب ما شافوني دقو على امي الصبح قالو يبوني

لا تشوفوون فرحتي بنات حدي استاانست ان الحين القرار صار حقي

يعني كيفي انا اقول ابيه ولا لا

سالنا عنه سبوعين و الكل مدح فيهم و كلمته اسبوع بالتلفون و صار كل شي بسرعه بسرعه و تزوجنا على طول
نص شهر 4 خطبني

شهر 5 بدايته بعد تزوجنا …زواج على طول بس ملجه و كنا مقررين ماكو عرس

اهني الصـــــــــــــــــــدمه

امبيه كل شي غيييييييير هذا الزواج ؟؟؟؟

بنات ثاني يوم ملجه بجي بجي بجي هوااش نطلع نتهاوش لازم ارد بيتنا ابجي يدق اليوم اللي وراه يقول تحسف

و حسيت اني كرهت رووحي

الفكره مو اهياا اللي ابالي … عبالي واحد يدلعني و راح يحبني

حيل ناااشف و يعاملني جني صبيي

من اول يوم ملجة ما يصرف علي كلشششششششششششششششش

كله انا ادفع من فلووسي … لما ادش محل ابي اشوف يقول يبي يدفعلي اسكت انطره يدفع و يقولي يلا قرقشي فلووسج

بخل مو طبيعيييي … مو بخيل على رووحه بخيل على مرته .

من اول يوم يقوولي سمعي ترى الشي العييب … شيسمونه مو وايد بس مره بالاسبوع

بنات تكفون شالاسلووب ؟؟؟

جان اقوله هالشي لازم ما نحدده بروحه يصير

جان يقولي لا لا لا لا انا عندي ناادي و اهم شي جسميييي

بعدين من اول يوم زواج قالي اانا ابيج تحملين على طووول ابي بيبي

ابي عايلة تميت شهرين ما حملت صار مينووووووووووون جان يقولي روحي راجعي الطبيب اكيد فيج شي

رحت راجعت مافيني و لا شي

الشهر اللي وراه حملت شهر 7 حملت

انا قلت اكيد عقب الحمال يتغير

بنات صااار اكثررر مو زين

طبعا ما يقعد وياااااااااااااااااي كلشششششششش … لان يقولي العصر انا دوانية و المغرب نادي و الصبح دوام و بليل مره ثانية دوانية لي الفير …

و كله اقوله عفية باباتي حبيبي اقعد وياي تعال مبجر شوي ابيك … يقولي اووه فاضية !! بعدين مو اليوم

كله مع انسان واحد رفيجه يمووت فيييييه بشكل مو طبيعي لدرجه مرات اقوله والله اغاااار منه و قمت اكرهه الصبي حييل

مره اكتشفت ان رفيجه كان داش شقتنا و نايم بفراشي

انا كنت نايمه بيت اهلي لان كان راح يتأخر وااااااااايد بيرد الصبح و قالي اذا تبين تنامين بيت اهلج روحي لان وايد يبي يتأخر كل مره الفير هالمره الصبح

دشيت اليوم الي وراه و لا مبين اكو احد كان نايم مكاني

اقوله منو نايم اهني ؟؟

يضحك يقول رفيجتي !!! جان اقوله ولا صج منوو ؟؟؟ جان يقول يعني منو رفيجي !

و عادي عنده … تهاوشت وياه و رديت رضيت

اوكي خلو كل هذااا

سالفة المستشفىى حق المراجعات … يتنرفز لما يرووووووووح ما يبي قمت اروح مع امي و ما يعطيني فلوس حق مستشفى … و مرات اصير مريضه الفير و بطني يعورني يقولي دقي على اهلج ياخذونج انا بنام وراي دوام

اروح مع امي و اقعد اهناك و ما يطلعوني المستشفى الا لما اصير زينه و ما يسال شلووني زين ولا لا

واخر شي حاااجز بالعيد حق تايلند مع ربعه و ربعه حييل خمه و مو زينين كله يقولي عنهم و عن سوالفهم و كلهم يهاااااااااااال
اهوا اكبر واحد فيهم عمري 23

بيروحون يستانسوون

ولما اقوله انا مو راضيه يقولي انتي منو ما ترضين انا امي وابوي ما يقولون لا تيين انتي تقولين لا… اقوله انا مرتك

يقولي زين مني قلت لج عقب ما حجزت

ويع والله وييييييييييع استغفرالله ماكو احسااااااااااااااااااااااااااااااس

الحين وصلنا حق الطلاق

عقب كل هالسوالف تطلع هوشه صغيره يقول مابيج بطلقج

وانا مو مقصره وياااه بولا شي قالي ما اقدر على الاجار ادفع وياه نص الاجار بنات و فوق هذا كله لما اتسلف منه 5 دنانير يصير اليوم اللي وراه وين خمستييي يحاسبني على الخمس دنانير و اهوا عنده فلوووس ما يقولي

دزلي مسج قبل سفرته بجم يووم
ماكو نصيب بيني و بينج روحي اخذي اغراضج من الشقه و ورقتج توصلج بعد جم يووم

عباله كل شي لعبه

اهلي راحو كلموه و كلمو ابوه

ابوه مسكين يهبل كلمه

بس اهوا ما يبيني خلاص

يبي وناااسته يبي يسافر على كيفه يطلع لي الفير مايبي مسؤوولية مو قد الزواج

و الحين صارلي سبوعين ابيت اهلي ناطره يرد من السفر و يطلقني

صج صج صج ما اقول غير