السلام عليكم ورحمة الله وبركاته
حبيت ادش بهالموضوع لان الحنان والبر بالوالدين انفقد هاليوم بسبب الاعذار الواهيه من الانشغال بالحياة او الزواج اوالحقد والانانيه
فالي حابه تشارك في هالحمله حياها الله والسؤال اهو؟
شنو سويتي لمج او ابوج اليوم علشان تبرينهم ؟
وابدى في نفسي آنا متزوجه وعرفت انه امي تعبانه ومحتاجه تروح لدكتور العظام فخليت مشاغلي وراكظت وياها ووديتها
الطبيب وبعدين رحناتغدينا بره واستانست وايد وكافي كلمتها لي الله يخليج لي ان شاء الله تسوى الدنيا وما فيها الله يخلي
كل ام ان شاء الله وانتوا شنو سويتوا حتى لو شي بسيط قولوا ؟؟؟؟
كلمه للمشرفات ياريت تصير مسابقه لاكثر وحده برت والديها ياريت ؟
وفعلا خل تكون في منافسة بينا على بر الوالدين
عسى الله يخليلكم والديكم
انا لاني فاقدة ابوي الله يرحمه فكل اللي اقدر اسويه عشانه الدعوة له والصدقات باسمه
وامي عسى الله يخليها لي احس اني مقصرة ناحيتها لاني ماقدر ازورها كل يوم بسبب انشغالي مع العيال بس حدي التلفون اسال عنها واشوف ان كانت لها طلبات اقدر عليها
بس الصدقات اذكرها باسمهم حتى زمان ما كنت ابلغهم بس قالت لي وحدة من صديقاتي يفضل انج اذا تصدقتي باسم والديك انك تعلمينهم عشان يفرحون ويدعون لج
وان شاء الله ماانساهم وقت الدعاء
يارب تعينا على بر والدينا
وترزقنا بر ابنائنا
آمييين
سمعت من الشيخ محمد العوضي يقول ان من باب بر الوالدين ان تقوم بكفالة يتيم او مشاركه في بناء مسجد أو حفر بير ويكون بأستقطاع شهري وبشي بسيط وهذا الشي القليل وتقدم لهم شهادة التبرع وتدخل عليهم السرور او حتى من غير شهاده
حبيت أقدم لكم هذي الفكره الحلوه والله يجزا من دلنا عليها الخير الكثير
الموضوع وايد حلو جزاك الله خير
وفعلا خل تكون في منافسة بينا على بر الوالدين عسى الله يخليلكم والديكم انا لاني فاقدة ابوي الله يرحمه فكل اللي اقدر اسويه عشانه الدعوة له والصدقات باسمه وامي عسى الله يخليها لي احس اني مقصرة ناحيتها لاني ماقدر ازورها كل يوم بسبب انشغالي مع العيال بس حدي التلفون اسال عنها واشوف ان كانت لها طلبات اقدر عليها بس الصدقات اذكرها باسمهم حتى زمان ما كنت ابلغهم بس قالت لي وحدة من صديقاتي يفضل انج اذا تصدقتي باسم والديك انك تعلمينهم عشان يفرحون ويدعون لج وان شاء الله ماانساهم وقت الدعاء يارب تعينا على بر والدينا وترزقنا بر ابنائنا آمييين |
يزاج الله خير حبيبتي والله يرحم الوالد ويخليج لج من تبقى بس لازم تحرصين انج تروحيلها حتى
لو كنتي مشغوله والله يعينج
الله يجزاكم خير
سمعت من الشيخ محمد العوضي يقول ان من باب بر الوالدين ان تقوم بكفالة يتيم او مشاركه في بناء مسجد أو حفر بير ويكون بأستقطاع شهري وبشي بسيط وهذا الشي القليل وتقدم لهم شهادة التبرع وتدخل عليهم السرور او حتى من غير شهاده حبيت أقدم لكم هذي الفكره الحلوه والله يجزا من دلنا عليها الخير الكثير |
يزاج الله خير حبيبتي وصحيح هالكلام لأن الانسان بعد انقطاع عمله وما يبقى من عمل ابن آدم
سوى صدقة جاريه وولد ينتفع به
اخواتي ما ألاحظ في تفاعل في هذا الموضوع هل اهو مو مهم بالنسبة لكم ارجوا ارى ردوردكم بارك الله فيكم
ويزاكم الله خير
بالنسبة لي قد ما اقدر احااول ما ازعلهم علي و لا اقولهم كلمة تكدر بخاطرهم واي شي يبوونه حاضر و انشالله حتى لو هالشي يضايقني ، خاصة امي دايما اقعد معاها بالصالة ولا اخليها بروحها
صج ان شي بسيط بس يكوونون مرتاحين هذا يسوى عندي الدنيا و مافيها
موضوعج وايد حلو ،
بالنسبة لي قد ما اقدر احااول ما ازعلهم علي و لا اقولهم كلمة تكدر بخاطرهم واي شي يبوونه حاضر و انشالله حتى لو هالشي يضايقني ، خاصة امي دايما اقعد معاها بالصالة ولا اخليها بروحها صج ان شي بسيط بس يكوونون مرتاحين هذا يسوى عندي الدنيا و مافيها |
الله يخليهم لج ان شاء الله ومشكوره على تفاعلج
عشان نستفيد من بعض و ننتبه عل اشيااء يمكن نكون غافلين عنها
جزاك الله خير وجعله في ميزان حسناتك
نبي نستفيد من بعض يعني اذا امج زعلانه عليج شلون لراضيتيها
اذا كبيره في السن شلون توصليلها وجهة نظرج من غير ما تزعلينها وجذي